Nyɛnambɔnɛna nyɛ́ bɛsana 11:2 - Nomaande

² A asana na nɔháatɛ́, nyɛana eti nuúnu ketí, ananyía Bandɔ́mɛsɛ́ ŋe yiínjie ɔ mɔnɔŋɔ a ma tɛ á bá *Besuif ; mɔnɔŋɔ eémé ké yeéndéke efúúménénú yɛ́ bálɛ́ka iílí etíne éfendí ne imbuke ífendí.

Nyɛnambɔnɛna nyɛ́ bɛsana 11:2 Iomraidhean Croise

Matío 27:53

bɛ́ ŋá hámɔ́kɔ́na e biinyie. Ɛŋakɛlá Yésus á háányúa o owé, bí ŋge oófókíne e efúúménénú yɛ́ bálɛ́ka. Baacɔ beéŋí ŋe bú biíbi lɛcáka na cáábɔ́ eése.

Matío 4:5

Ekúlú eéyé, Musɔ́mɛ́na ŋeé wuúci súéténé eé Yelúsalɛm, efúúménénú yɛ́ bálɛ́ka ; u ŋé wuúci béétísi ɔ ɔkaka ú *Ciíbe cɛ Bandɔ́mɛsɛ́,

Matío 5:13

« Banɔ́, nua nɔ́ŋa makɛ́lɛ́ ma ɔmɛsɛ́ ooci ; mbá mbɔ́kɔ makɛ́lɛ́ ŋá sɔ́lá, mé ti soómo, anyána bááŋa bá ɔ háná meéme soomisiki e ? Me ti ŋé túné ɔ yɔɔ́lɔ ɔkɛlɛna a bɔkɔ ; bé ŋeé meéme oombóko, baacɔ bó meéme nɔsɔkɛna.

Lúkas 21:24

Bé ké beébe ɔɔ́nɔ́kɔ na tusala tɔ́ ɛhána, bó beébe tíŋeke bɛɔ́lɛ́ ɔ mɔnɔŋɔ ma baacɔ mekime ma ɔmɛsɛ́. Baacɔ bá mɔnɔŋɔ mé etémbí ká bɔ́ nɔ́sɔ́kɛ́na Yelúsalɛm ɔ ɔkɔɔ́háma ekúlú ayɛ́ búábɔ́ butéŋí káá mana. »

Ebélé 10:29

Mbɔ́kɔ yááŋa aáná ná ɔɔcɔ awɔ́ u tɛ ŋáá látɛ́na bikotí bí Moyís, anyána yɛ́ káá bá aná ná ɔɔcɔ awɔ́ u ŋá bábɛ́na Ɔɔ́nɔ́ u Bandɔ́mɛsɛ́ e, u tɛ lɛcá háyɛ bɔkɔ manɔ́ŋɔ́ ma nyɛlata nyí bumbénú e mé ŋeé wuúci fúúmínyi, mbá u ɔɔ́mbɔ́náka tɔ́na Efúúménénú yí Elilé a yɛ́ ŋaá basɔ́ boosi e ? Nyɛnamá nyɛ́ ɔɔcɔ eényí káá lɔ́kɔ́máka muuyé muéŋí ɔ ɔhɔla bɔkɔ bukime.

Nyɛnambɔnɛna nyɛ́ bɛsana 11:11

E elime cɛ mɔɔ́sɛ́ eémé matátɔ́ ne ekélékéti, mehúne me olíhe kéé húle ná Bandɔ́mɛsɛ́, mó ko wóofokine náábɔ́ ; bá ká bɔ́ hátɔkɔna ɛndánáka. Yaandándá yí bulíkílíki kéé tímbíéke baacɔ a bá ŋa bɔ́ bá bébú beébe lɛcaka.

Nyɛnambɔnɛna nyɛ́ bɛsana 11:3

Ɛ ká mɛ́ tɔ́ma báámɛ bambasɔ́mbásɔ béfendí balaŋábákánɔ́ bisíkésíke ; bé ké bú hémúkúnyinyi baacɔ bɛsana i iílí eécí, ɛ́cɛ anyía mɔɔ́sɛ́ tɔ́sɛ́na ɛ́mɔtɛ́ na hɔ́ndɛ́tɛ ífendí ne etíne átátɔ́. »

Nyɛnambɔnɛna nyɛ́ bɛsana 12:6

Mbá iinyí, u ŋaá cábákɛ́na i iisí cɛ ɔsɛ́bɛ́á ; hɔ́á Bandɔ́mɛsɛ́ ŋeé wuúci tábɔ́nákɛ́na anyía wé wuúci túkéke tuɔŋɔ tɔ́tátɔ́ ne ekélékéti.

Nyɛnambɔnɛna nyɛ́ bɛsana 21:10

*Efúúménénú yí Elilé ŋé mi oofine ; elilé yɛ́ bɔsɔ́ma eéyé ŋé mi súéténe oówó a yaandándá yɛ́ acahacaha yɛ́ nɔkɔndɔ ɔ ɔmuaná. Yí ŋé mi tóŋgínyi bálɛ́ka e cifúúménénú ci Yelúsalɛm. Cɛ ŋaá bá cié húlúkúne ɔ Ɔmuaná a maabána ma Bandɔ́mɛsɛ́.

Nyɛnambɔnɛna nyɛ́ bɛsana 21:2

Aáná ɛ ŋa mɛ́ lɛcá efúúménénú yɛ́ bálɛ́ka, yɔɔ́sɔɔ́sɔ yí Yelúsalɛm ayɛ́ Bandɔ́mɛsɛ́ ŋaá tɔ́má, yí é húlúkúne ɔ Ɔmuaná a maabána ma Bandɔ́mɛsɛ́ ; yɛ́ fáakɔna ɔ ɔmɛsɛ́. Yɛ́ ŋaá bá abɛ́tábɔ́nákánɔ́ na nyɛnɔ́kɔ́ nyikime háyɛ oónjú e wukenyí wu okoósíke a nyɛtɔ́nɔ́ né ɔnɔ́mɛ.

Nyɛnambɔnɛna nyɛ́ bɛsana 22:19

Mbá mbɔ́kɔ ɔɔcɔ ŋa yaáŋia asana ɔ́mɔtɛ́ a bɛsana a bɛnambɔ́nákánɔ́ bí nufule eenu, Bandɔ́mɛsɛ́ kéé wuúci ááŋɛ́na na núáyɛ́ nuafa nɔ́ bɛtámá bɛ́ bɔɔtɛ́ e bú ŋe yiínjíéne olíhe na nuafa nú efúúménénú yɛ́ bálɛ́ka e yitóŋgínyínyi e nufule eenu.