Nyɛnambɔnɛna nyɛ́ bɛsana 1:5 - Nomaande

⁵ Yésus Kilís taaká cɛ ɔmbasɔ́mbásɔ á banɔ́ sáyábákɛ́na tɔ́na, mbá u banɔ́ iínjíékíne mbuumu ɛ ɛtɛ́má ; wuúci wáŋa ɔɔcɔ u buúsebuúse ɔ ɔhaanyua e biwéewé, wáŋa Otéŋí u betéŋí bekime bá ɔmɛsɛ́. U naŋa waá basɔ́ lénéke, u ŋá basɔ́ háŋɔ́náka a bɔɔbɛ́ anyía u ŋe keé wé a yáásɔ́ asana.

Nyɛnambɔnɛna nyɛ́ bɛsana 1:5 Iomraidhean Croise

Matío 20:28

Yááŋa anyíaʼo, yaŋɔ́ bɛ́muátá ooci, Ɔɔ́nɔ́ u ɔɔcɔ, ɛ ŋa mɛ́ faaya ɔ ɔmɛsɛ́ ooci tɛ́ cáŋa anyía bá mɛ nyiɔkɛ́na buólí, mbá anyía yámɛ nyiɔkɛ́na baacɔ, tɔ́na anyía yé ke mí wééné ɔ ɔháŋɔ́náka baacɔ beéŋí. »

Matío 28:18

Aáná Yésus ŋeé bíkósíti náábɔ́, mbá ɔsɛ : « Bandɔ́mɛsɛ́ áŋa o mi iínjíénú makɛ́nda mekime me otéŋgínyi na ɔ ɔmuaná noómi na ɔ ɔmɛsɛ́ áyá.

Sáaŋ 13:1

E nyifienyinyi nyɛ́ bɔŋanda bɔ́ *Basíka, Yésus ŋaá bá weé ményukune anyía yááyɛ́ ekúlú yí osíke ɔmɛsɛ́ ooci ɔ ɔhálɔ́mɔ́na a maabána ma ciayɛ́ Síkíne. U ŋaá bá weé lénéke bááyɛ́ baacɔ bá ɔmɛsɛ́. Aáná u ŋaá cɔ́ba ne buúse o o beébe léne ɔ ɔkɔɔ́háma eé nyióndi.

Sáaŋ 13:34

Yɔɔ́sɔɔ́sɔ yí okotí eeye míɔ cɔba ɔ ɔ banɔ́ íínjíe : Énu lénékéne banɔ́ na banɔ́. Nu ŋá nɔ́ nyɛmána nú olénékéne banɔ́ na banɔ́ háyɛ ɛ ŋa mɛ́ banɔ́ lénéké.

Sáaŋ 15:9

Ɛ ŋa mɛ́ banɔ́ léne bɔkɔ búmɔtɛ́ háyɛ Síkíne ŋeé mi léne. Énu limíne hú a núámɛ nulénéne noómi.

Sáaŋ 18:37

Mbá Bílat ɔsɛ : « Ɛ́cɛ anyía ɔ ɔ́ŋa aná otéŋí u Besuif e ? » Mbá Yésus ɔsɛ : « Kuɔŋɔ́, ɔ ŋɔɔ́ kɔɔna aáná. Ɛ ŋa mɛ́ faáya ɔ ɔmɛsɛ́ ooci anyía yé ké mi tóŋínyi baacɔ taaká. A asana eéyé i ŋé mi bíbíéne. Ɔɔcɔ okime awɔ́ u ŋa kánda aá taaká ŋaá tákɛ́na eetú e úúmi ɔtáŋa. »

Sáaŋ 3:11

Ɛ ŋa mɛ́ ɔ laana aá taaká anyía basɔ́, tu ŋe sú hémbule bɛsana ebí tu ŋe sú ményi, tu hákɛ́na ɛmbasɔ́ e eebi abɛ́ tú ma sɔ́ lɛ́caka na cáásɔ́ eése, mbá banɔ́, nu ti ŋé nú lumitine úúsú ɔtáŋa.

Sáaŋ 3:16

Yááŋa anyía Bandɔ́mɛsɛ́ ŋeé lénéke baacɔ bekime e nyiwééné, yó wíínjie hííyé hɛkɔŋɔ́ hɛ́ Ɔɔ́nɔ́, ɔkɛla anyía ɔɔcɔ okime awɔ́ u káá háya mɔŋɔlɛ́ nááyá ti nyíme, mbá wá bá na yɔɔ́sɔɔ́sɔ yí olíhe yí ekúlú ekime.

Sáaŋ 3:32

U ŋa kɔ́ɔna bɛsana na abɛ́ ú ŋaá lɛ́cáká na abɛ́ ú ŋaá lɔ́kɔ́máká, mbá ta ɔɔcɔ ti ómó lumitine ciayɛ́ ɛmbasɔ́.

Buólí 20:28

Yaátɛ́ asana, énu bítétényi banɔ́ bɛ́muátá, nú tétényíki tɔ́na ɛtɔ́mbá ikime ecí Efúúménénú yí Elilé ŋaá banɔ́ iínjíékíne anyía núénú tétényíki. Énu sókóbíki bɔmbányɛ hiɔ́bɔ hí belumitinine hí Otéŋí a Waáŋá ahɛ́ Bandɔ́mɛsɛ́ bɛ́muátá ŋɔ yɔɔ́ndɔ́kɔ na maayɛ́ manɔ́ŋɔ́.

Buólí 26:23

Bɛ́áŋa anyía *Mesíi ŋá nyɛmána wu owé, yɔ́ bámɔ́kɔ́na ɔɔcɔ u buúsebuúse ɔ ɔhaanyua e biwéewé, yó númisiki eese a baacɔ bekime na bá búásɔ́ bunɔŋɔ na bá mɔnɔŋɔ me etémbí áyá, bú tóŋgínyi anyía Bandɔ́mɛsɛ́ kéé beébe nohiki. »

Lóom 3:25

Wuúci oócí Bandɔ́mɛsɛ́ ŋa kɛ́lá anyía bé wuúci sɔ́mbɛ́na ; maayɛ́ manɔ́ŋɔ́ mɔ́ hámɔ́kɔ́na, a asana na nyɛnyɛanɛna nyɛ́ maabɛ́ ma baháya mɔŋɔlɛ́ nááyá. U ŋaá kɛ́láka aáná o otóŋínyi baacɔ anyía wáŋa ɔtálɛ́mánánɔ́. U ŋaá nyɛ́ánáka máábɔ́ maabɛ́, tɛ́ka ne o beébe bɔ́nɔ́sɛ́áka ;

Lóom 8:37

Mbá tu ŋa sɔ́ hɔ́la ɔyáka bɛsana eébí bikime a makɛ́nda me Ooci awɔ́ u ŋaá basɔ́ lénéké.

1 Kɔlɛ́ɛntɛ 6:11

Híáná banɔ́ a bɔ́mɔtɛ́ nu ŋa nɔ́ bámɔ́kɔ́ná buáyá. Mbá Bandɔ́mɛsɛ́ ŋaá banɔ́ súáka, yɔ́ banɔ́ fúúmíkínyi, yɔ́ kɛla anyía núánɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse ne e elime ci Otéŋí a Waáŋá Yésus Kilís na a makɛ́nda me Elilé yɛ́ ciasɔ́ Síkíne Bandɔ́mɛsɛ́.

Kalasi 2:20

Ɛ tɛ ŋá háná émi líhe a ciamɛciamɛ, mbá Kilís u ŋa kɛ́la anyía yémi líhéke. Yááŋa anyía, úúmi olíhe ú aámbáya, i ŋe mí wuúci líhe ɔ mɔŋɔlɛ́ amá ɛ ŋaá mɛ háya ná Ɔɔ́nɔ́ u Bandɔ́mɛsɛ́. U ŋeé mi lénéke, yó bílénékíne okoówé aámɛ a asana.

Ɛfɛ́ɛsɛ 2:4

Mbá ta híáná, wáŋa na mahana meéŋí, yaátɛ́ asana u ŋaá basɔ́ lénéke buéŋí,

Ɛfɛ́ɛsɛ 5:2

énu líhéke, nu lénéke bɔsɔ́ɔ́kɔ́ i iŋetí ci *Kilís. U naŋa waá basɔ́ lénéke, ɛ́ɛhɛ́ u ŋeé wé a yáásɔ́ asana háyɛ abɛ́sámbá yɛ́ bɛnyɛ́ma te yí etúké eyí bé ŋe lúli o oocó ; yááyɛ́ ambányɛ yí enumbé bílénékíne Bandɔ́mɛsɛ́.

Kolóso 1:18

Wuúci wáŋa aatɔ́, u ŋe kéndisi hiɔ́bɔ hí belumitinine ; híáŋa háyɛ ciayɛ́ cɛɛ́tɔ. Wáŋa Ɔɔ́nɔ́ ooci awɔ́ u ŋa cáŋacáŋa ɔhaanyua e biwéewé anyía wá bámɔ́kɔ́nɛ́na u buúsebuúse a bɔkɔ bukime.

1 Timoté 6:13

Ɛ ŋa mɛ́ ɔ laana ne eé buúse bɔ́ Bandɔ́mɛsɛ́, Mulíhísi bɛnyɛ́ma bikime, ne eé buúse bú Yésus Kilís awɔ́ u ŋaá táŋáka na taaká ikime eé buúse bɔ́ Kɔ́mɛ́na Bílat, ɛsɛ́ :

1 Timoté 6:15

U ká ká hálɔ́mɔ́na a ambányɛ yí ekúlú ayɛ́ Bandɔ́mɛsɛ́ ŋaá táná. Bandɔ́mɛsɛ́ oócí Alámakɛ́nda, wuúci hicéme hɛ́ bɔmbányɛ, Otéŋí u betéŋí bekime, Waáŋá u *baáŋá bekime.

Ebélé 10:29

Mbɔ́kɔ yááŋa aáná ná ɔɔcɔ awɔ́ u tɛ ŋáá látɛ́na bikotí bí Moyís, anyána yɛ́ káá bá aná ná ɔɔcɔ awɔ́ u ŋá bábɛ́na Ɔɔ́nɔ́ u Bandɔ́mɛsɛ́ e, u tɛ lɛcá háyɛ bɔkɔ manɔ́ŋɔ́ ma nyɛlata nyí bumbénú e mé ŋeé wuúci fúúmínyi, mbá u ɔɔ́mbɔ́náka tɔ́na Efúúménénú yí Elilé a yɛ́ ŋaá basɔ́ boosi e ? Nyɛnamá nyɛ́ ɔɔcɔ eényí káá lɔ́kɔ́máka muuyé muéŋí ɔ ɔhɔla bɔkɔ bukime.

Ebélé 9:14

Mbá mbɔ́kɔ aáná manɔ́ŋɔ́ me bitúké eémé ŋaá bá na nyɛnamá nyɛ́ makɛ́nda eényí, manɔ́ŋɔ́ me Kilís áŋa na makɛ́nda meéŋí ɔ ɔhɔla manɔ́ŋɔ́ me bitúké. Kilís tɛ ɔ́mɔ nana, u ŋaá bɛ́sɔ́mbɛ́ná wuúci bɛ́muátá ná Bandɔ́mɛsɛ́ háyɛ abɛ́sámbá a yɛ́ á nyɛmána na makɛ́nda me Efúúménénú yí Elilé ; maayɛ́ manɔ́ŋɔ́ ŋe fúúmínyi túásɔ́ tɔcɔɔ́cɔ́ tɔ́ ɛtɛ́má, anyía tu tɛ háná kɛ́la bɛɛbɛ́ bɛ́ bɛsana e bí ŋe héléne owé, mbá tu nyemiki Bandɔ́mɛsɛ́ a wáŋa wɔɔ́sɔ.

1 Bíel 1:19

Mbá u ŋaá banɔ́ háŋɔ́náka na manɔ́ŋɔ́ me *Kilís bɛ́muátá a má á hɔla bɔkɔ bukime. Bé ŋeé wuúci sɔ́mbɛ́na háyɛ ɔɔ́nɔ́ u ɛtɔ́mbá. U ŋaá bá tɛ́ka na hɛkɔma, tɛ́ka na hɛkɛ́bɛ́lɛ;

1 Sáaŋ 1:7

Asana ɔ́mɔtɛ́, mbɔ́kɔ tu ŋe sú líhe e eese noómi háyɛ Bandɔ́mɛsɛ́ wuúci bɛ́muátá ŋé líhe e eese noómi, tua sɔ́áŋa e nyimónjóló basɔ́ na basɔ́, manɔ́ŋɔ́ me uuyé Ɔɔ́nɔ́ Yésus ŋaá basɔ́ fúúmínyi a búásɔ́ bɔɔbɛ́ bukime.

1 Sáaŋ 4:10

Asana e yí ŋó tóŋínyi nulénéne áŋa anyía Bandɔ́mɛsɛ́ u ŋa cáŋa ɔ basɔ́ léne, yɔ́ tɔ́ma uuyé Ɔɔ́nɔ́ ɔ ɔkɔbɛ́sɔ́mbɛ́na a yáásɔ́ asana, mbá u basɔ́ nyɛ́ánakɛnɛna máásɔ́ maabɛ́ ; nulénéne eénú tɛ á bá anyía basɔ́ tú ŋa sɔ́ cáŋa olénéke Bandɔ́mɛsɛ́.

Nyɛnambɔnɛna nyɛ́ bɛsana 11:15

Aáná *elilé yɛ́ bɔsɔ́ma yí bililé bítíndétú nɔ́mɔ ŋaá bɛ́lɛ́tá cíáyɛ́ ɛsɛ́bɛ́. Bá ŋa lɔ́kɔ́máka bɛandándá bí ikelú bí húlúkúne ɔ Ɔmuaná, bɛ́ kɔɔnaka bɛ́sɛ : « Butéŋí bɔ́ ɔmɛsɛ́ eebu a yáaŋa aámbáya a aabá cí ne Otéŋí a Waáŋá na ca ciayɛ́ *Mesíi. U kéé téŋgínyi e bikúlú bikime. »

Nyɛnambɔnɛna nyɛ́ bɛsana 11:3

Ɛ ká mɛ́ tɔ́ma báámɛ bambasɔ́mbásɔ béfendí balaŋábákánɔ́ bisíkésíke ; bé ké bú hémúkúnyinyi baacɔ bɛsana i iílí eécí, ɛ́cɛ anyía mɔɔ́sɛ́ tɔ́sɛ́na ɛ́mɔtɛ́ na hɔ́ndɛ́tɛ ífendí ne etíne átátɔ́. »

Nyɛnambɔnɛna nyɛ́ bɛsana 17:14

Aáná beébe bekime bé ké bú núusiki Ɔɔ́nɔ́ u Ɛtɔ́mbá, mbá wuúci u kéé beébe yákáka anyía wáŋa Otéŋí u betéŋí bekime, wuúci tɔ́na Otéŋí a Waáŋá u betéŋí a *baáŋá bekime. Ne wuúci na bááyɛ́ baacɔ e bé ŋe bú wuúci látɛ́na na ɔtɛ́má ɔ́mɔtɛ́, beébe u ŋɔɔ́ lɔ́tɔ́kɔ, yɔ́ lɔ́ŋɔ́kɔ tɔ́na, bé ké bú beébe yákáka tɔ́na bekime. »

Nyɛnambɔnɛna nyɛ́ bɛsana 19:11

Aáná ɛ ŋa mɛ́ lɛcá Ɔmuaná me bíkúune, míɔ lɛca ciátɛ cɛ ambala a cɛmɔtɛ́ ifúlúndúndúé. Ɔɔcɔ awɔ́ u ŋaá bá bááta aá ciátɛ eécí ɔ ɔmuaná ŋaá bá wáá bɛ́lɔ́ŋɔ́kɔ ɔsɛ : « Ɔɔcɔ u mɔŋɔlɛ́, Taaká cɛ ɔmbasɔ́mbásɔ » ; u ŋaá bɔ́sɔna bɛsana, u nuusiki beliŋine aá taaká noómi.

Nyɛnambɔnɛna nyɛ́ bɛsana 19:16

Aáná bɔ́ ŋɔ yɔ́ɔ́ŋɔ́kɔ nyiínyi na a ciayɛ́ káaŋa ne e úúyé ɔfana ɔ ɔmuaná báyɛ : « Otéŋí u betéŋí bekime, Otéŋí a Waáŋá u betéŋí a *baáŋá bekime. »

Nyɛnambɔnɛna nyɛ́ bɛsana 2:13

I ŋe mí menyi haála ehé o ŋoó limine, haála ahá Sátan áŋa otéŋí. Asana ɔ́mɔtɛ́, ɔ ɔ́ŋa obíínjíénú a asana na nyiámɛ nyiínyi, o ti omó mi bínéŋítínyi ta buɔ́sɛ́ o olumitinine, te ekúlú ayɛ́ bɔ́ ŋɔ yɔ́ɔ́nɔ́kɔ Antibas, uumi ɔmbasɔ́mbásɔ u mɔŋɔlɛ́, aanɔ́ ɛ ɛkatɛ́katɛ́ haála ahá Sátan ŋe límine.

Nyɛnambɔnɛna nyɛ́ bɛsana 3:14

« Ɔɔ́ŋɔ́kɛ́na nufule né *elilé yɛ́ bɔsɔ́ma a hiɔ́bɔ hí belumitinine *Kilís hɛ́ Lawotisé anyía : “Ooci awɔ́ bɔ́ ŋɔ lɔ́ŋɔ anyía Híáná Yááŋa, wuúci wáŋa taaká cɛ ɔmbasɔ́mbásɔ u mɔŋɔlɛ́ wuúci tɔ́na indíné cɛ bɛnyɛ́ma bikime abɛ́ Bandɔ́mɛsɛ́ ŋe ketiki, ɔsɛ :

Nyɛnambɔnɛna nyɛ́ bɛsana 7:14

Mbá ɛsɛ́ : « Taatá, kuɔŋɔ́ o ŋoó menyi. » U ŋaá mɛ laana ɔsɛ : « Bá bɔ́ŋa eebe a bá bɔ́ŋa balɔ́kɔ́mákánɔ́ indekese ciéŋí ; ɛ́ɛhɛ́ bá ŋa bɔ́ súáka cííbú kaba, bó ciíci fúúmíkínyi a manɔ́ŋɔ́ ma Ɔɔ́nɔ́ u Ɛtɔ́mbá noómi.