Nyɛnambɔnɛna nyɛ́ bɛsana 1:4 - Nomaande

⁴ Yaŋɔ́ Sáaŋ, ɛ ŋa mɛ́ banɔ́ ɔɔ́ŋɛ́na nufule eenu, banɔ́ tuɔ́bɔ tú belumitinine *Kilís tútíndétú nɔ́mɔ tú iisí cɛ Asi. Bandɔ́mɛsɛ́ a wáŋa wɔɔ́sɔ, u ŋaá bá, u ká ka hálɔ́mɔ́na, wá banɔ́ sáyábákɛ́na, wá banɔ́ iínjíékíne mbuumu ɛ ɛtɛ́má. Bililé bítíndétú nɔ́mɔ a bɛ́ ŋɔ́ nyíɔnɔ Bandɔ́mɛsɛ́ bɛ́ á banɔ́ sayábákɛ́na, bɛ́ á banɔ́ iínjiékíne tɔ́na mbuumu ɛ ɛtɛ́má ; bɛ́áŋa eé buúse bɔ́ núáyɛ́ nɔkɔná.

Nyɛnambɔnɛna nyɛ́ bɛsana 1:4 Iomraidhean Croise

Sáaŋ 1:1

E nyitúme, ekúlú ayɛ́ *Bandɔ́mɛsɛ́ ŋaá bɔ́ta na ɔmɛsɛ́ na ɔmuaná, Buhúnyi ŋaá bá búá yáaŋa hɔ́á ; Ooci a wáŋa nyiínyi anyía Buhúnyi ŋaá bá na Bandɔ́mɛsɛ́, wuúci Bandɔ́mɛsɛ́.

Buólí 19:10

U ŋaá kɛ́láká aáná tuɔŋɔ túfendí, ɔ ɔkɔɔ́háma ayɛ́ baacɔ bekime a bá ŋaá bá bébú líhéke e ekéti yí iisí yɛ́ Asi ŋa bɔ́ lɔ́kɔ́máká Bɛsana bí Otéŋí a Waáŋá, ne *Besuif na *Bakɛlɛ́k áyá.

Buólí 2:9

Baacɔ a bá bɔ́ŋa aaha ŋe bú húle na a bunɔŋɔ bɔ́ Baat, na a bɔ́ Mɛɛt, na a ma Ɛlamit ne me Mesobotamí, na a mɔnɔŋɔ me iisí ci ne Yuté na Kabatɔs, na a ma Bɔ́ŋ ne e me ekéti yí iisí yɛ́ Asi,

Lóom 1:7

Ɛ́ɛhɛ́ ɛ ŋá mɛ́ banɔ́ ɔ́ɔ́ŋɛ́na nufule eenu, banɔ́ bekime abá nua nɔ́ŋa o *Lóom ; nua nɔ́ŋa baacɔ bá ɔtɛ́má bá Bandɔ́mɛsɛ́. Wuúci u ŋaá banɔ́ lɔ́ŋɔ́kɔ́ anyía nuánɔ́ bámɔ́kɔ́na bááyɛ́. Na ciasɔ́ Síkíne Bandɔ́mɛsɛ́ ne uusú Otéŋí a Waáŋá Yésus Kilís bá banɔ́ sayábákɛ́na, bá banɔ́ iínjíékíne mbuumu ɛ ɛtɛ́má noómi.

1 Kɔlɛ́ɛntɛ 1:3

Na ciasɔ́ Síkíne Bandɔ́mɛsɛ́ ne uusú Otéŋí a Waáŋá Yésus Kilís bá banɔ́ sayábákɛ́na, bá banɔ́ iínjíékíne mbuumu e cíínú ɛtɛ́má noómi.

2 Kɔlɛ́ɛntɛ 1:2

Na ciasɔ́ Síkíne Bandɔ́mɛsɛ́ ne Otéŋí a Waáŋá Yésus Kilís bá banɔ́ sáyábákɛ́na, bá banɔ́ iínjíékíne mbuumu ɛ ɛtɛ́má noómi.

Ebélé 13:8

Yésus *Kilís áŋa bɔkɔ búmɔtɛ́ hɛ́nánɔ háyɛ ne búocí ne bikúlú bikime.

Sáak 1:17

Bɛmbányɛ bɛ́ bɛnyɛ́ma bikime a bɛ́ tɛ á bá na tɔkɔma ŋeé húle ɔ Ɔmuaná ná ciasɔ́ Síkíne Bandɔ́mɛsɛ́ a wáŋa eese. Bandɔ́mɛsɛ́ naŋa u tɛ a hɛ́ŋɛ́na, u tɛ basɔ́ túme elime, u tɛ basɔ́ nyɛána i ibíne noómi.

Nyɛnambɔnɛna nyɛ́ bɛsana 1:1

Nufule eenu ŋe bíkéti bɛsana ebí *Yésus *Kilís ŋa námbɔ́nákɛ́na bɔnyiɔnɔ bá *Bandɔ́mɛsɛ́. Bandɔ́mɛsɛ́ u ŋeé wuúci laána anyía wé beébe nambɔ́nákɛ́na bɛsana a bɛ́ á nyɛ́mana o tényí bɛ́kɛ́láka anyía bébú biíbi menyí. Yaátɛ́ asana Yésus Kilís ŋaá tɔ́má yááyɛ́ elilé yɛ́ bɔsɔ́ma ná muayɛ́ munyiɔnɔ Sáaŋ anyía wé keé beébe námbɔ́nákɛ́na bɛsana eébí.

Nyɛnambɔnɛna nyɛ́ bɛsana 1:11

ɔsɛ : « Ɔɔ́ŋɔ́kɔ e nufule noómi bɔkɔ abɔ́ ɔ ŋɔɔ́ lɛca, mbá a tɔ́mɔ́kɔ́nɛ́na tuɔ́bɔ tú belumitinine Yésus tútíndétú nɔ́mɔ eetu aáná : Ɛfɛ́ɛsɛ, Simíiline, Bɛɛlɛkámɛ, Tɛatíil, Saalɛtɛs, Fɛlátɛ́lɛ́fi, Lawotisé. »

Nyɛnambɔnɛna nyɛ́ bɛsana 1:17

Ɛ́makɛ́la yémi wuúci lɛca, i ŋé wuúci kuakɔ́nákɛ́na a akɔlɔ́ háyɛ ɔɔcɔ ewú wéénú. Mbá u ŋá mɛ tala uúye ɔɔbɔ́ ú manɔ́mɛ a cɛɛ́tɔ, ɔsɛ náámɛ : « Eti líkíméke, yaŋɔ́ i ŋeé mi túméke bɛsana bikime, yaŋɔ́ tɔ́na i ké mí biíbi menyisiki bikime.

Nyɛnambɔnɛna nyɛ́ bɛsana 1:20

Lɔ́kɔ́ma nyihembule a nyɛnámbánɔ́ ne nyí tunjoti tútíndétú nɔ́mɔ atɔ́ ɔ ŋɔɔ́ lɛca ɔɔ́mɛ ɔ ɔɔbɔ́ ú manɔ́mɛ na bɛtálɛ́ná bɛ́ lámba bítíndétu nɔ́mɔ bí kóolo : Tunjoti tútíndétú nɔ́mɔ áŋa tubílícínyínyí tú *bililé bɛ́ masɔ́ma bɛ́ Bandɔ́mɛsɛ́ bɛ́ tuɔ́bɔ tú belumitinine Yésus tútíndétú nɔ́mɔ ; bɛtálɛ́ná bɛ́ lámba áŋa tubílícínyínyí tú tuɔ́bɔ tú belumitinine eétú. »

Nyɛnambɔnɛna nyɛ́ bɛsana 1:8

Otéŋí a Waáŋá Bandɔ́mɛsɛ́ ɔsɛ : « Yaŋɔ́ Alɛfa, yaŋɔ́ Ɔmɛ́ka. » Wuúci wáŋa wɔɔ́sɔ, u ŋaá bá, u ká ka hálɔ́mɔ́na ; wáŋa Alámakɛ́nda.

Nyɛnambɔnɛna nyɛ́ bɛsana 1:9

Yaŋɔ́ Sáaŋ, uunú onyíinyí u olumitinine Yésus, na yaŋɔ́ na banɔ́ tua sɔ́ŋa balatánɔ́ e nyimónjóló ne Yésus na a nyɛlɔ́kɔ́ma nyí muuyé ne e nyiéhínyínyi nyí indekese, basɔ́ bekime eeyé e Butéŋí noómi. Aámɛ a aháŋá, bá ŋaá mɛ hátɛ́na, bɔ́ kɔɔ́ mɛ háya a Bátɛmɔs, iisí a cɛ́mɔtɛ́ ɛ ɛkatɛ́katɛ́ cɛ nuɔmɔ́, a asana ayɛ́ ɛ naŋa yémi hulikinyi baacɔ Bɛsana bɛ́ Bandɔ́mɛsɛ́, i tóŋgínyi baacɔ anyía Yésus áŋa ɔmbasɔ́mbásɔ u bɛsana eébí.

Nyɛnambɔnɛna nyɛ́ bɛsana 16:5

Ɛ ŋaá mɛ lɔ́kɔ́má *elilé yɛ́ bɔsɔ́ma a yɛ́ náŋa yé téŋgínyi menyífé á láakɛna Bandɔ́mɛsɛ́ yɛ́sɛ : « Kuɔŋɔ́ bímuócí ɔ ɔ́ŋa ofúúménénú, ɔ ɔ́ŋa ekúlú ekime, kuɔŋɔ́ ɔ ŋɔɔ́ bá ; ɔ́ mɔɔ́ sɔ́mbɔ́tɔ́kɔ́na bɛsana eebi háyɛ yááŋa atálɛ́mánánɔ́.

Nyɛnambɔnɛna nyɛ́ bɛsana 2:12

« Ɔɔ́ŋɔ́kɛ́na né *elilé yɛ́ bɔsɔ́ma yɛ́ Bandɔ́mɛsɛ́ a hiɔ́bɔ hí belumitinine hɛ́ Bɛɛlɛkámɛ anyía : “Ooci a wáŋa na nɔsala nɔ́ ɔhána a nɔfaakánɔ́ a nɔ́ ŋa tɛ́a bɛháŋá bikime, ɔsɛ :

Nyɛnambɔnɛna nyɛ́ bɛsana 2:18

« Ɔɔ́ŋɔ́kɛ́na nufule né *elilé yɛ́ bɔsɔ́ma yɛ́ Bandɔ́mɛsɛ́ aá hiɔ́bɔ hí belumitinine *Kilís hɛ́ Tɛatíil anyía : “Ooci a wáŋa Ɔɔ́nɔ́ u Bandɔ́mɛsɛ́, wuúci awɔ́ cíáyɛ́ eése ŋa lɔ́la háyɛ nɔbɛ́mbɛ nú oocó, cááyɛ́ akɔlɔ́ mányɛmaka háyɛ eléŋú eyí bó mo nyíosi o oocó, ɔsɛ :

Nyɛnambɔnɛna nyɛ́ bɛsana 2:8

« Ɔɔ́ŋɔ́kɛ́na nufule né *elilé yɛ́ bɔsɔ́ma a hiɔ́bɔ hí belumitinine *Kilís hí Simíiline anyía : “Ooci a wáŋa nyitúme, wáŋa tɔ́na nyɛmana nyɛ́ bɛsana bikime, wuúci u ŋeé wé, yɔ́ háányua e biwéewé, ɔsɛ :

Nyɛnambɔnɛna nyɛ́ bɛsana 22:16

Yaŋɔ́ Yésus, ya mɛ́ŋa ɔtɔ́mánɔ́ yáámɛ elilé yɛ́ bɔsɔ́ma ɔ ɔkɔɔ́ banɔ́ nambɔnɛna bɛsana eebi, banɔ́ baacɔ aá tuɔ́bɔ tú belumitinine noómi. Ya mɛ́ŋa buɔnɔ́ bú Otéŋí *Táfit, yaŋɔ́ tɔ́na hinjoti a hɛ́ ŋa nɔ́ma na makɛ́nda a alalɛ yɛ́ ɔyá. »

Nyɛnambɔnɛna nyɛ́ bɛsana 22:8

Yaŋɔ́ Sáaŋ, ɛ ŋaá mɛ lɔ́kɔ́máká, míɔ lɛcaka bɛsana eébí. Ɛŋakɛlá yémí biíbi lɔ́kɔ́máka mí o biíbi lɛcaka, ɛ ŋaá mɛ bɛ́áhɛ́na ɔ ɔmɛsɛ́, mío túme eŋéndu o onyemi *elilé yɛ́ bɔsɔ́ma e yí ŋeé mi biíbi tóŋgínyi.

Nyɛnambɔnɛna nyɛ́ bɛsana 3:1

« Ɔɔ́ŋɔ́kɛ́na nufule né *elilé yɛ́ bɔsɔ́ma a hiɔ́bɔ hí belumitinine *Kilís hɛ́ Saalɛtɛs anyía : “Aana Ooci a wáŋa ne bililé bítíndétu nɔ́mɔ a bɛ́áŋa eé buúse bɔ́ Bandɔ́mɛsɛ́, wuúci ú meé tímbie tunjoti tútíndétú nɔ́mɔ ɔ ɔɔbɔ́ ŋa kɔɔna ɔsɛ : I ŋe mí menyi búɔ́wɔ buólí, i menyukune anyía bó ŋo yó woómisi buéŋí anyía ɔ ɔ́ŋa wɔɔ́sɔ, yiíyi anyía ɔ ɔ́ŋa owéénú.

Nyɛnambɔnɛna nyɛ́ bɛsana 3:14

« Ɔɔ́ŋɔ́kɛ́na nufule né *elilé yɛ́ bɔsɔ́ma a hiɔ́bɔ hí belumitinine *Kilís hɛ́ Lawotisé anyía : “Ooci awɔ́ bɔ́ ŋɔ lɔ́ŋɔ anyía Híáná Yááŋa, wuúci wáŋa taaká cɛ ɔmbasɔ́mbásɔ u mɔŋɔlɛ́ wuúci tɔ́na indíné cɛ bɛnyɛ́ma bikime abɛ́ Bandɔ́mɛsɛ́ ŋe ketiki, ɔsɛ :

Nyɛnambɔnɛna nyɛ́ bɛsana 3:7

« Ɔɔ́ŋɔ́kɛ́na nufule né *elilé yɛ́ bɔsɔ́ma a hiɔ́bɔ hí belumitinine *Kilís hí Fɛlátɛ́lɛ́fi anyía : “Ooci a wáŋa ofúúménénú, wuúci atálɛ́mánánɔ́ yɛ́ ɔɔcɔ eé buúse bɔ́ Bandɔ́mɛsɛ́, wuúci ne tulibe tɔ́ Táfit e úúye ɔɔbɔ́ ; wáŋa anyía wéé kúune ehenyi, ɔɔcɔ u etémbí tɛ á bá wu o yiíyi kueye ; wéé yiíyi kuéye, ɔɔcɔ u etémbí ti yiíyi kuúne; wuúci u ŋa kɔɔna ɔsɛ :

Nyɛnambɔnɛna nyɛ́ bɛsana 4:5

Na ɛmanyɛmanyɛ ne hiyúkúyúkú hɛ́ ɔtáŋa, na ɛmalamanda ŋaá bá bíé húlúkúne ɛ ɛkatɛ́katɛ́ cɛ nɔkɔná eénú. Lámba ítíndétú nɔ́mɔ ŋaá bá ɛciákánɔ́ tɔ́na hɔ́á eé buúse, cɛ́ nɔmaka beŋubeŋu ; cíáŋa bililé bítíndétú nɔ́mɔ a bɛ́ náŋa bɛ́á tálɛ́mákɛ́na eé buúse bɔ́ Bandɔ́mɛsɛ́.

Nyɛnambɔnɛna nyɛ́ bɛsana 4:8

A bɛnyɛ́ma eébí bikime bínyíse, hú naányɛ́ ŋaá bá ne bibéku bítíndétú. Cííbú cɛɛ́tɔ ŋaá bá hú eése ne eése, ta cɛɛ́tɔ noómi mbá te elime. Aáná bɛ́ ŋaá bá bɛ́á hákɛna maŋana ne nebutúé na nabuɔ́sɛ́, bɛ́ tɛ tɔ́mbɔ, bɛ́ kɔɔnaka bɛ́sɛ : « Otéŋí a Waáŋá Bandɔ́mɛsɛ́, ɔ ɔ́ŋa na makɛ́nda mekime ɔ ɔhɔla. Ɔ ɔ́ŋa ofúúménénú, ɔ ɔ́ŋa ofúúménénú, ɔ ɔ́ŋa ofúúménénú. Ɔ ŋɔɔ́ bá, ɔ ɔ́ŋa wɔɔ́sɔ, ɔ kɔ́ kɔ́ɔ́ hálɔ́mɔ́na. »

Nyɛnambɔnɛna nyɛ́ bɛsana 5:6

Ɛ ŋá lɛcá *Ɔɔ́nɔ́ u Ɛtɔ́mbá ma tálɛ́mɛ́na ɛ ɛkatɛ́katɛ́ cɛ na nɔkɔná, na cɛ bɛnyɛ́ma bínyíse e bí ŋe bínyíényi, na cɛ baáŋá nyitíne ne bényíse. Ɔɔ́nɔ́ u Ɛtɔ́mbá oócí ŋaá bá háyɛ bé ne meé wuúci ɔ́ɔ́nɔ. U ŋaá bá na ɛndɔ́ŋɔ ítíndétú nɔ́mɔ ne eése étíndétú nɔ́mɔ a cááŋa bililé bítíndétú nɔ́mɔ abɛ́ Bandɔ́mɛsɛ́ ŋaá tɔ́mɔ́kɔ́ná ɔ ɔmɛsɛ́ okime.

Nyɛnambɔnɛna nyɛ́ bɛsana 8:2

E elime, ɛ ŋá lɛcá *bililé bɛ́ masɔ́ma bɛ́ Bandɔ́mɛsɛ́ bítíndétú nɔ́mɔ ; biíbi eébí bɛ́ náŋa bɛ́á talɛ́mákɛ́na eé buúse bɔ́ Bandɔ́mɛsɛ́. Bé ŋeé biíbi iínjíékine ɛsɛ́bɛ́ ítíndétú nɔ́mɔ.