Nyɛnambɔnɛna nyɛ́ bɛsana 1:3 - Nomaande

³ Bɔmbányɛ ná baacɔ a bá ŋa bɔ́ fanɛna bɔsɔ́ɔ́kɔ́ bɛsana bikime bí nufule eenu abɛ́ Bandɔ́mɛsɛ́ ŋaá námbɔ́nákɛ́ná baacɔ ; bɔmbányɛ tɔ́na né eebe e bé ŋe bú biíbi lɔ́kɔ́ma, bé biíbi látákɛ́na. Yááŋa anyía ekúlú ayɛ́ bɛsana eébí káá bɛ́kɛ́láka a yáaŋa hoóhi.

Nyɛnambɔnɛna nyɛ́ bɛsana 1:3 Iomraidhean Croise

Matío 24:15

« Ekúlú eéyé, nu ká nɔ́ lɛca “aabɛ́ yí ekume” eliménénú a *haála e hefúúménénú. Yiíye eéyé *muhémúnyi bɛsana mɔ Bandɔ́mɛsɛ́, *Tániɛl, ŋaá táŋáká. (Mɔfana asana eeye ŋá nyɛmána mu o yiíyi lɔ́kɔ́máka bɔmbányɛ !)

Lúkas 11:28

Mbá Yésus ɔsɛ : « Ɛ́ɛ, yááŋa taaká mbá baacɔ a bá bɔ́ŋa bambányɛ á bɔ́ŋa eebe a bá ŋa bɔ́ lɔ́kɔ́ma Bɛsana bɛ́ Bandɔ́mɛsɛ́, bé biíbi látákɛ́na. »

Lóom 13:11

Nu ŋe nú menyi bɔmbányɛ bikúlú ebí tú ŋe sú líhe aámbáya, nɔtɛ hɛ́táka hiiné. Yááŋa anyía nyɛkɔmba a yáaŋa hoóhi na basɔ́ aámbáya ɔ ɔhɔla ekúlú eyí tu ŋe sú túmé olumitinine.

Lóom 13:12

Ánɔ lɛcá ! Ibíne a yáaŋa ɔ ɔmanɔkɔna, ɔyá yɔ́ cɔba ɔ ɔyá. Túá bɛ́yúátáka aná bɛsana bikime a bɛ́ ŋa bɛ́kɛ́la i ibíne, túé hiitéke meléfényí mekime me eese.

1 Bíel 4:7

Nyɛmana nyɛ́ ɔmɛsɛ́ a yáaŋa hoóhi. Ánɔ bámɔ́kɔ́na aná ne injiŋé a bɛɛtɔ́, nɔtɛ hɛ́táka hiiné ananyía nu ŋa nɔ́ nyɛ́mána nu o búle bɛ́cɔ́kɔ́lɛ́na Bandɔ́mɛsɛ́.

2 Bíel 3:8

Mbá, banɔ́ baláamɛ bá ɔtɛ́má, asana ayɛ́ nu tɛ ɔ́mɔ nɔ́ nyɛ́mana nú ɔbɛ́hɔ́ya áŋa anyía : A nyɛlɛca nyí Otéŋí a Waáŋá, buɔ́sɛ́ búmɔtɛ́ áŋa háyɛ tɔ́sɛ́na cɛ́ tuɔŋɔ ; tɔ́sɛ́na cɛ́ tuɔŋɔ áŋa háyɛ buɔ́sɛ́ búmɔtɛ́.

Nyɛnambɔnɛna nyɛ́ bɛsana 22:10

Yɛ́ ŋa háná á mɛ́ laana yɛ́sɛ : « Atɛ nambɛ́na baacɔ bɛsana bikime abɛ́ Bandɔ́mɛsɛ́ mɔ́ yɔ́ɔ nambɔnakɛna, anyía bɛ́ ɔcɔba ɔbɛ́kɛ́láka hí aámbáya.

Nyɛnambɔnɛna nyɛ́ bɛsana 22:12

« Ɔ́ɔ lɛca, yaŋɔ́ ooci kokóokó. Ya mɛ́ŋa na bɛnamá a aabá bɛ́ ɔnamaka baacɔ bekime, ɔɔcɔ okime a nyɛnamá nyɛ́ búáyɛ́ buólí.

Nyɛnambɔnɛna nyɛ́ bɛsana 22:20

Ɔɔcɔ ooci ewú u ŋó yoónyísínyi anyía eébí áŋa taaká ŋaá kɔɔna ɔsɛ : « Ɛ́ɛ, yaŋɔ́ oócí kokóokó. » *Híáná yááŋa. Faáya, Otéŋí a Waáŋá Yésus !

Nyɛnambɔnɛna nyɛ́ bɛsana 3:11

Kokóokó, yaŋɔ́ ooci hí aámbáya. Tétényíki bɔmbányɛ bɔmbányɛ bɛsana abɛ́ ɔ́ ŋɔ́ɔ waákɔ́nákɛ́na anyía ɔɔcɔ tɛ ɔ hɔɔ́nɔ yɔ́ɔ́wɔ atamba yí nuúmi.