Nyɛnambɔnɛna nyɛ́ bɛsana 1:2 - Nomaande

² Sáaŋ oócí u ŋeé bíkétíkínyi baacɔ bɛsana bikime abɛ́ ú ŋa lɛ́cáka, u ŋaa kɔ́ɔna anyía bɛ́áŋa taaká cɛ́ Bɛsana bɛ́ Bandɔ́mɛsɛ́ ; Yésus Kilís áŋa ɔmbasɔ́mbásɔ u bɛsana eébí.

Nyɛnambɔnɛna nyɛ́ bɛsana 1:2 Iomraidhean Croise

Sáaŋ 1:32

Sáaŋ ŋaá háya ɛmbasɔ́ ɔsɛ : « Ɛ ŋá mɛ́ lɛcá *Efúúménénú yí Elilé á sɔ́ɔ́náka i ihúényínyí ci hibúbé, yí ŋé limíne nááyá.

Sáaŋ 12:17

Ekúlú eyí Yésus ŋeé héényi Lasáal e biwéewé, yó wuúci lɔ́ŋɛ́ta anyía wá háma e eenyie, baacɔ beéŋí ŋa bɔ́ bá hɔ́á, bɔ́ lɛ́caka. Beébe, bá ŋa bɔ́ háyɛ́na Yésus ɛmbasɔ́ a asana eéyé.

Sáaŋ 19:35

Mulɛca asana eeye mu ŋé yiíyi bíkéti. Ciayɛ́ ɛmbasɔ́ áŋa taaká. Muúmu bɛ́muátá, mu ŋé ményi anyía mu ŋa kɔɔna taaká, mu ŋe bíkéti asana eeye ɔ ɔkɛla anyía núénú lúmítíníne tɔ́na.

Sáaŋ 21:24

Muátá muákɔ́nɛ́na mú ŋé bíketi bɛsana eebi, múó biíbi ɔɔ́ŋɔ́kɔ e nufule ; ɛ́ɛhɛ́ basɔ́ tu ŋe sú ményi anyía ciayɛ́ ɛmbasɔ́ áŋa taaká.

Sáaŋ 3:11

Ɛ ŋa mɛ́ ɔ laana aá taaká anyía basɔ́, tu ŋe sú hémbule bɛsana ebí tu ŋe sú ményi, tu hákɛ́na ɛmbasɔ́ e eebi abɛ́ tú ma sɔ́ lɛ́caka na cáásɔ́ eése, mbá banɔ́, nu ti ŋé nú lumitine úúsú ɔtáŋa.

Buólí 22:15

Aáná ɔ kɔ́ɔ́ bá uuyé ɔmbasɔ́mbásɔ eé buúse bɔ́ baacɔ bekime, e beébe hulikinyi bɛsana abɛ́ ɔ́ mɔɔ́ lɔ́kɔ́máka, wɔ́ lɛcaka.

Buólí 26:16

mbá ta híáná, hatɔ́na ɛndánáka ; asana ayɛ́ ɛ́ ma mɛ́ kɛla anyía ɔ́ɔ mɛ lɛca áŋa anyía ɔ ŋɔ́ɔ nyɛmána wu ɔbámɔ́kɔ́na muamɛ munyiɔnɔ. Ɔ kɔ́ɔ́ bá uumi ɔmbasɔ́mbásɔ anyía óo bíkétíkínyi baacɔ anyána ɔ́ mɔ mɛ́ lɛca hɛ́nánɔ ; o kóó beébe bíkétíkínyi tɔ́na bɛsana ebí i ké mí o tóŋgínyi.

Buólí 4:20

Tu tɛ asɔ́ bá tú okine obíkétínyi baacɔ bɛsana abɛ́ tú ŋa sɔ́ lɛ́caka, túɔ́ lɔ́kɔ́máka tɔ́na. »

1 Kɔlɛ́ɛntɛ 1:6

anyía Ambányɛ yɛ́ Ɛsɔ́ma yí Yésus *Kilís ayɛ́ tú ŋá sɔ́ banɔ́ húlíkínyi áŋa yɔɔ́nɛ́nánɔ́ na makɛ́nda e cíínú ɛtɛ́má noómi.

1 Kɔlɛ́ɛntɛ 2:1

Aá yaŋɔ́ʼo, baláamɛ, ekúlú ayɛ́ ɛ ŋgaá mɛ faáya náánɔ́ ɔ ɔkɔɔ́ banɔ́ námbɔ́nɛ́na injibí cɛ́ Bɛsana bɛ́ Bandɔ́mɛsɛ́, ɛ tɛ ɔ́mɔɔ́ bɛ́kɛ́lɛ́na bɛnatákánɔ́ bí mehúnyi, ta ɔtáŋa ú injiŋé.

1 Sáaŋ 1:1

Tu ŋa sɔ́ banɔ́ ɔɔ́ŋɛ́na nufule eenu a asana yí Buhúnyi e bú ŋe yiínjíéne olíhe. Bú ŋaá bá ɛ́cɛ nyitúme nyɛ́ bɛnyɛ́ma bikime tɛ ŋáá bá. Tu ŋa sɔ́ lɔ́kɔ́máka úúyé ɔtáŋa na cáásɔ́ eetú, túo buúbu lɛcáka na cáásɔ́ eése cá bɛ́muátá, túo buúbu kebeliki ; cáásɔ́ aabá cío buúbu bítíséke.

1 Sáaŋ 4:14

Basɔ́ bɛ́muátá tu ŋa sɔ́ lɛ́cáka na cáásɔ́ eése anyía Taatá Bandɔ́mɛsɛ́ ŋaá tɔ́ma uuyé Ɔɔ́nɔ́ o okonóhi baacɔ bekime bá ɔmɛsɛ́ ; aáná tu ŋe sú húlinyi baacɔ anyía asana eéyé áŋa taaká.

3 Sáaŋ 1:12

A aháŋá ne Temetilíyus, baacɔ bekime ŋe bú wuúci lémbi ; bɛsana bɛ́ Bandɔ́mɛsɛ́ ebí u ŋé húlinyi baacɔ ŋo tóŋínyi tɔ́na anyía nyíáyɛ́ nyɛbɛ́kɛ́lɛ́na áŋa nyɛmbányɛ. Ta basɔ́ tɔ́na tu ŋe sú wuúci lémbi, o ŋoó menyi anyía tu ŋa sɔ́ kɔɔna taaká.

Nyɛnambɔnɛna nyɛ́ bɛsana 1:11

ɔsɛ : « Ɔɔ́ŋɔ́kɔ e nufule noómi bɔkɔ abɔ́ ɔ ŋɔɔ́ lɛca, mbá a tɔ́mɔ́kɔ́nɛ́na tuɔ́bɔ tú belumitinine Yésus tútíndétú nɔ́mɔ eetu aáná : Ɛfɛ́ɛsɛ, Simíiline, Bɛɛlɛkámɛ, Tɛatíil, Saalɛtɛs, Fɛlátɛ́lɛ́fi, Lawotisé. »

Nyɛnambɔnɛna nyɛ́ bɛsana 1:19

Ɔɔ́ŋɔ́kɔ aná bɛsana abɛ́ ɔ ŋɔɔ́ lɛca aaha ; ɔɔ́ŋɔ́kɔ na a bɛ́ ŋa bɛ́kɛ́la aámbáya na a bɛ́ɔ cɔba ɔ ɔbɛ́kɛ́láka e elime cí eebi.

Nyɛnambɔnɛna nyɛ́ bɛsana 1:9

Yaŋɔ́ Sáaŋ, uunú onyíinyí u olumitinine Yésus, na yaŋɔ́ na banɔ́ tua sɔ́ŋa balatánɔ́ e nyimónjóló ne Yésus na a nyɛlɔ́kɔ́ma nyí muuyé ne e nyiéhínyínyi nyí indekese, basɔ́ bekime eeyé e Butéŋí noómi. Aámɛ a aháŋá, bá ŋaá mɛ hátɛ́na, bɔ́ kɔɔ́ mɛ háya a Bátɛmɔs, iisí a cɛ́mɔtɛ́ ɛ ɛkatɛ́katɛ́ cɛ nuɔmɔ́, a asana ayɛ́ ɛ naŋa yémi hulikinyi baacɔ Bɛsana bɛ́ Bandɔ́mɛsɛ́, i tóŋgínyi baacɔ anyía Yésus áŋa ɔmbasɔ́mbásɔ u bɛsana eébí.

Nyɛnambɔnɛna nyɛ́ bɛsana 12:11

Mbá báásɔ́ benyíinyí ŋe bú muúmu yákaka na a asana na manɔ́ŋɔ́ ma Ɔɔ́nɔ́ u Ɛtɔ́mbá, na a asana na ciábɔ́ ɛmbasɔ́ acɛ́ bá ŋa bɔ́ bá bábɔ́ laákɛ́na baacɔ anyía Bɛsana bɛ́ Bandɔ́mɛsɛ́ áŋa taaká. Bé ŋe bú bíínjíékíne o olumitinine noómi ɔ ɔkɔɔ́háma eyí bé ŋe bú lumítíne owé.

Nyɛnambɔnɛna nyɛ́ bɛsana 12:17

Hilóbi ŋeé tímbie ciɔ́hɔ buéŋí a asana eéyé, cɛ ŋá cɔbá o okonúusi baáná bé etémbí bé oónjú oócí ; beébe bá naŋa bábɔ́ lɔ́kɔ́mákɛ́na *bikotí bɛ́ Bandɔ́mɛsɛ́, bá látákɛ́na taaká ecí Yésus ŋa nambɔ́nɛ́na baacɔ.

Nyɛnambɔnɛna nyɛ́ bɛsana 20:4

E elime eécí, ɛ ŋá lɛcá tɔkɔná. Baacɔ a bá ŋa bɔ́ bá limekine hɔ́á, bé ŋeé beébe iínjíékíne makɛ́nda me okélísíki baacɔ. Míɔ lɛcá tɔ́na tɔtányɛ́ tɔ́ baacɔ abá bá ŋaá cáláká bɛɛtɔ́ a asana na nyíábɔ́ nyibíínjie, bó lumitekinine Bɛsana bɛ́ Bandɔ́mɛsɛ́, na a asana yɛ́ taaká ecí Yésus ŋaá námbɔ́nákɛ́na baacɔ. Beébe eébé bó ti ómo bú nyemi múálá, ta ɔbɔ́kɔ́bɔ́kɔ yí hííyé hibílícínyínyí ; baacɔ te o beébe bílícínyínyi ta tɔbɔlɔ mbá ta aabá. Bá ŋa bɔ́ háányuaka e biwéewé, Bandɔ́mɛsɛ́ yó beébe iínjíékíne makɛ́nda me otéŋgínyi baacɔ ɔlɔŋɔ ne *Kilís a tuɔŋɔ tɔ́sɛ́na ɛ́mɔtɛ́.

Nyɛnambɔnɛna nyɛ́ bɛsana 22:21

Otéŋí a Waáŋá Yésus á sayábákɛ́na baacɔ bekime.

Nyɛnambɔnɛna nyɛ́ bɛsana 6:9

Ekúlú ayɛ́ Ɔɔ́nɔ́ u Ɛtɔ́mbá ŋaá bácáka bubílícínyínyí bú bibílícínyínyí bɛ́táánɔ, ɛ ŋá lɛcá ɛ ɛmbana ci nyindúmé nyí nyiluli bitúké tɔtányɛ́ tɔ́ baacɔ abá bɔ́ ŋɔ yɔ́ɔ́nɔ́kɔ́ na a asana na nyíábɔ́ nyibíínjie a Bɛsana bɛ́ Bandɔ́mɛsɛ́, na a asana ayɛ́ bá ŋa bɔ́ hákɛ́nɛ́na Yésus ɛmbasɔ́.