Nyɛnambɔnɛna nyɛ́ bɛsana 1:1 - Nomaande

¹ Nufule eenu ŋe bíkéti bɛsana ebí *Yésus *Kilís ŋa námbɔ́nákɛ́na bɔnyiɔnɔ bá *Bandɔ́mɛsɛ́. Bandɔ́mɛsɛ́ u ŋeé wuúci laána anyía wé beébe nambɔ́nákɛ́na bɛsana a bɛ́ á nyɛ́mana o tényí bɛ́kɛ́láka anyía bébú biíbi menyí. Yaátɛ́ asana Yésus Kilís ŋaá tɔ́má yááyɛ́ elilé yɛ́ bɔsɔ́ma ná muayɛ́ munyiɔnɔ Sáaŋ anyía wé keé beébe námbɔ́nákɛ́na bɛsana eébí.

Nyɛnambɔnɛna nyɛ́ bɛsana 1:1 Iomraidhean Croise

Sáaŋ 12:49

Bɛsana abɛ́ ɛ ŋaá mɛ táŋa, i ti ŋé mí biíbi táŋa a ciamɛciamɛ. Ciamɛ Síkíne, Mu-mɛ-tɔ́ma, ú ŋeé mi télímíkínyínyi wuúci bɛ́muátá na bɛsana ne mehúnyi abɛ́ yámɛ nyɛmana wu ɔkɔɔnaka.

Sáaŋ 15:15

I ti ŋé túné ámɛ banɔ́ lɔ́ŋɔ anyía bɔnyiɔnɔ, anyía munyiɔnɔ ti ŋé ményi bɔkɔ ebú síkíne ci buólí ŋa kɛ́la. Ɛ ŋa mɛ́ banɔ́ lɔ́ŋɔ anyía bíámɛ bikendinyi, anyía ɛ́ ma mɛ́ banɔ́ láakɛna bɛsana bikime abɛ́ ɛ ŋaá mɛ áákɔ́nákɛ́ná ná ciamɛ Síkíne anyía nuénú biíbi menyi.

Sáaŋ 17:8

anyía i ŋe mí beébe laakɛ́na úúwu ɔtáŋa, bɔ́ lɔ́kɔ́máka na cáábɔ́ eetú ekime, bó menyi anyía i ŋeé mi húlé taaká taaká nɔ́ɔ́wɔ, bó lúmitinine anyía kuɔŋɔ́ ɔ ŋɔɔ́ mɛ tɔ́má.

Sáaŋ 3:32

U ŋa kɔ́ɔna bɛsana na abɛ́ ú ŋaá lɛ́cáká na abɛ́ ú ŋaá lɔ́kɔ́máká, mbá ta ɔɔcɔ ti ómó lumitine ciayɛ́ ɛmbasɔ́.

Sáaŋ 8:26

Ya mɛ́ŋa na bɛsana biéŋí bɛ́ ɔkɔɔnaka aanɔ́ a asana. Bɛsana eébí bikime banɔ́ lɛ́caka, mbá Mu-mɛ-tɔ́ma ŋa kɔɔna taaká ; bɛsana bikime abɛ́ yaŋɔ́ tɔ́na ɛ ŋa mɛ́ laána baacɔ áŋa hú eebi abɛ́ ɛ ŋaá mɛ lɔ́kɔ́máká nááyá. »

Lóom 16:25

Tu iínjíékíne hú Bandɔ́mɛsɛ́ nuúmi anyía wuúci u ŋaá basɔ́ kíndísi. Aáná Ambányɛ yɛ́ Ɛsɔ́ma yí Yésus *Kilís eyí i ŋe mí húlínyi baacɔ ŋaa kɔ́ɔna bɔkɔ búmɔtɛ́, yiíyi eéyé yɛ́ ŋaá bá indiitie buáyá.

Kalasi 1:12

Ta ɔɔcɔ a wɔmɔtɛ́ ti ómo mi yiíyi laana, te o mi yiíyi eékúnyi ; mbá Yésus Kilís ú ŋe mi yiíyi nambɔ́nɛ́na.

Ɛfɛ́ɛsɛ 3:3

Bandɔ́mɛsɛ́ ŋeé mi tóŋínyí nyíáyɛ́ nyɛtákɛ́na nyɛ́ bɛsana anyɛ́ ú ŋa námbɛ́na baacɔ háyɛ yámɛ cáŋa ɔ kɔtɛtɛna ɔwɔɔ́ŋɔ e nufule eenu.

Tite 1:1

Yaŋɔ́ Bóol, munyiɔnɔ mɔ *Bandɔ́mɛsɛ́, ɛ ŋɔ mɛ́ ɔ wɔɔ́ŋɛ́na nufule eenu. Ya mɛ́ŋa *ɔɔcɔ u ɛndɔ́ma u *Yésus *Kilís. Ɛ ŋaá mɛ ɔ́ɔ́lɔ baacɔ abá Bandɔ́mɛsɛ́ ŋɔɔ lɔ́tɔ́kɔ́, anyía bé lumítékíníne mbá bé menyi taaká cɛ́ bɛsana. Bɛsana eébí ŋo tóŋínyi anyána bébú líhéke háyɛ bú ŋe bíléníne Bandɔ́mɛsɛ́,

Nyɛnambɔnɛna nyɛ́ bɛsana 1:19

Ɔɔ́ŋɔ́kɔ aná bɛsana abɛ́ ɔ ŋɔɔ́ lɛca aaha ; ɔɔ́ŋɔ́kɔ na a bɛ́ ŋa bɛ́kɛ́la aámbáya na a bɛ́ɔ cɔba ɔ ɔbɛ́kɛ́láka e elime cí eebi.

Nyɛnambɔnɛna nyɛ́ bɛsana 1:9

Yaŋɔ́ Sáaŋ, uunú onyíinyí u olumitinine Yésus, na yaŋɔ́ na banɔ́ tua sɔ́ŋa balatánɔ́ e nyimónjóló ne Yésus na a nyɛlɔ́kɔ́ma nyí muuyé ne e nyiéhínyínyi nyí indekese, basɔ́ bekime eeyé e Butéŋí noómi. Aámɛ a aháŋá, bá ŋaá mɛ hátɛ́na, bɔ́ kɔɔ́ mɛ háya a Bátɛmɔs, iisí a cɛ́mɔtɛ́ ɛ ɛkatɛ́katɛ́ cɛ nuɔmɔ́, a asana ayɛ́ ɛ naŋa yémi hulikinyi baacɔ Bɛsana bɛ́ Bandɔ́mɛsɛ́, i tóŋgínyi baacɔ anyía Yésus áŋa ɔmbasɔ́mbásɔ u bɛsana eébí.

Nyɛnambɔnɛna nyɛ́ bɛsana 17:1

E elime eécí, *elilé yɛ́ bɔsɔ́ma ɔ́mɔtɛ́ e bililé bítíndétu nɔ́mɔ a bɛ́ ŋaá bá ne tundeŋé tútíndétú nɔ́mɔ ŋe bíkósíti náámɛ, mbá yɛ́sɛ : « Faáya, i ké mí o tóŋínyi anyána bɔ́ kɔ́ bɔ́nɔ́sɛa yaandándá yí okendí u oónjú oócí. Yiíyi yááŋa bálɛ́ka a cɛfalɛfákánɔ́ a maabána ma tuɔmɔ́ tuéŋí.

Nyɛnambɔnɛna nyɛ́ bɛsana 19:10

E elime eécí, i ŋe mí wuúci túmíné eŋéndu o o wuúci nyemi, mbá yɛ́sɛ : « Eéʼeé, atɛ kɛla aáná ; yaŋɔ́ tɔ́na ya mɛ́ŋa munyiɔnɔ bɔkɔ búmɔtɛ́ háyɛ na kuɔŋɔ́ na bɔnɔ́ɔnyia abá nu ŋa nɔ́ látɛna taaká ecí Yésus ŋa námbɔ́nákɛ́na baacɔ. Bandɔ́mɛsɛ́ bímuócí ɔ́ɔ nyɛmána wu onyemiki. » Taaká ci Yésus eécí cí ŋe yiínjie behémúnyi bɛsana makɛ́nda ma ɔnyiɔkɔ búábɔ́ buólí.

Nyɛnambɔnɛna nyɛ́ bɛsana 19:9

Aáná *elilé yɛ́ bɔsɔ́ma a yɛ́mɔtɛ́ ŋa mɛ́ laána yɛ́sɛ : « Ɔɔ́ŋɔ́kɔ, bɔmbányɛ áŋa ne eebe abá bɔ́ ŋɔɔ́ lɔ́ŋɔ́kɔ ɔ ɔkɔɔ́nyíá e nusíke nɔ́ Ɔɔ́nɔ́ u Ɛtɔ́mbá ! » Mbá yɛ́sɛ tɔ́na : « Taaká cí mehúnyi ma Bandɔ́mɛsɛ́ eeci cɛ́áŋa. »

Nyɛnambɔnɛna nyɛ́ bɛsana 21:2

Aáná ɛ ŋa mɛ́ lɛcá efúúménénú yɛ́ bálɛ́ka, yɔɔ́sɔɔ́sɔ yí Yelúsalɛm ayɛ́ Bandɔ́mɛsɛ́ ŋaá tɔ́má, yí é húlúkúne ɔ Ɔmuaná a maabána ma Bandɔ́mɛsɛ́ ; yɛ́ fáakɔna ɔ ɔmɛsɛ́. Yɛ́ ŋaá bá abɛ́tábɔ́nákánɔ́ na nyɛnɔ́kɔ́ nyikime háyɛ oónjú e wukenyí wu okoósíke a nyɛtɔ́nɔ́ né ɔnɔ́mɛ.

Nyɛnambɔnɛna nyɛ́ bɛsana 21:9

Aáná *elilé yɛ́ bɔsɔ́ma ɔ́mɔtɛ́ e bililé bítíndétú nɔ́mɔ a bɛ́ ŋaá bá tímbíéke tundeŋé tunyíóyókónú hú mbiɔ́kɛ ne muuyé metíndétú nɔ́mɔ me nyibíóndísínyi ŋaá fááya, yɔ́ mɛ laana yɛ́sɛ : « Faáya, yé ké mi o tóŋínyi oónjú e wukenyí, oónyí u Ɔɔ́nɔ́ u Ɛtɔ́mbá. »

Nyɛnambɔnɛna nyɛ́ bɛsana 22:1

Aáná elilé yɛ́ bɔsɔ́ma eéyé ŋeé mi tóŋínyi tɔ́na nuɔmɔ́ nú menyífé e mé ŋe yiínjíéne olíhe ; nú mányɛmaka háyɛ abácɛ yí oólí. Nú ŋaá bá nú a hámɔ́kɔ́na ɛ ɛmbana cɛ nɔkɔná nɔ́ na Bandɔ́mɛsɛ́ na Ɔɔ́nɔ́ u Ɛtɔ́mbá,

Nyɛnambɔnɛna nyɛ́ bɛsana 22:16

Yaŋɔ́ Yésus, ya mɛ́ŋa ɔtɔ́mánɔ́ yáámɛ elilé yɛ́ bɔsɔ́ma ɔ ɔkɔɔ́ banɔ́ nambɔnɛna bɛsana eebi, banɔ́ baacɔ aá tuɔ́bɔ tú belumitinine noómi. Ya mɛ́ŋa buɔnɔ́ bú Otéŋí *Táfit, yaŋɔ́ tɔ́na hinjoti a hɛ́ ŋa nɔ́ma na makɛ́nda a alalɛ yɛ́ ɔyá. »

Nyɛnambɔnɛna nyɛ́ bɛsana 22:6

Mbá yɛ́sɛ náámɛ : « Bɛsana bikime eébí abɛ́ ɔ́ mɔɔ́ lɔ́kɔ́máka áŋa bɛ́ ɔhákɛ́na mɔŋɔlɛ́ eé biíbi ; bɛ́áŋa tɔ́na taaká. Otéŋí a Waáŋá Bandɔ́mɛsɛ́ ŋe yiínjie yááyɛ́ Elilé né *behémúnyi bɛsana ɔ ɔnambɔnakɛna baacɔ bɛsana. Wuúci u ŋaá tɔ́ma elilé yɛ́ bɔsɔ́ma o okotóŋínyi bááyɛ́ bɔnyiɔnɔ bɛsana a bɛ́ á nyɛmána ɔbɛ́kɛ́láka hí aámbáya. »

Nyɛnambɔnɛna nyɛ́ bɛsana 22:8

Yaŋɔ́ Sáaŋ, ɛ ŋaá mɛ lɔ́kɔ́máká, míɔ lɛcaka bɛsana eébí. Ɛŋakɛlá yémí biíbi lɔ́kɔ́máka mí o biíbi lɛcaka, ɛ ŋaá mɛ bɛ́áhɛ́na ɔ ɔmɛsɛ́, mío túme eŋéndu o onyemi *elilé yɛ́ bɔsɔ́ma e yí ŋeé mi biíbi tóŋgínyi.

Nyɛnambɔnɛna nyɛ́ bɛsana 22:9

Mbá yɛ́sɛ : « Atɛ kɛlá aáná, ya mɛ́ŋa tɔ́na munyiɔnɔ bɔkɔ búmɔtɛ́ háyɛ na kuɔŋɔ́, na bɔnɔ́ɔnyia *behémúnyi bɛsana, háyɛ baacɔ bekime a bá ŋa bɔ́ látɛ́na bɛsana bí nufule eenu. Bandɔ́mɛsɛ́ bímuócí ɔ́ɔ nyɛmána wu onyemiki ! »

Nyɛnambɔnɛna nyɛ́ bɛsana 4:1

E elime eécí, ɛ ŋa háná ámɛ́ lɛca *eseye yɛ́ asana : Ɛ ŋa mɛ́ lɛcá ehenyi ekuúnénú ɔ Ɔmuaná, míɔ háná lɔ́kɔ́ma okelú ooci awɔ́ ɛ ŋa cáŋa ámɛ lɔ́kɔ́ma, wáá táŋáka na yaŋɔ́ ; wuúci u ŋaá bɛ́átábɔ́tɔ́ná háyɛ ɛsɛ́bɛ́. Ú ŋá mɛ laána ɔ́sɛ : « Báátáka aaha namuaná anyía yémi o tóŋínyi aátɛ́ a yɛ́ á nyɛ́mana ɔbɛ́kɛ́láka. »

Nyɛnambɔnɛna nyɛ́ bɛsana 5:7

Ɔɔ́nɔ́ u Ɛtɔ́mbá ŋe bíkósíti, yó híite nufule ɔ ɔɔbɔ́ ú manɔ́mɛ ú Ooci awɔ́ u ŋaá bá límine a nɔkɔná.