Lúkas 9:51 - Nomaande

⁵¹ Yɛ́ ŋaá bá anyía ekúlú ayɛ́ mɔɔ́sɛ́ me Yésus ma ɔbááta ɔ Ɔmuaná ŋaá bá me bíkósíki, u ŋaá sɔ́mbɔ́tɔ́na anyía waá cɔba eé Yelúsalɛm.

Lúkas 9:51 Iomraidhean Croise

Malɛ́kus 16:19

Ɛ́makɛ́la Otéŋí a Waáŋá Yésus á máná ɔtáŋa aáná ná bááyɛ́ *baákɔ́nɛ́na, Bandɔ́mɛsɛ́ nyi wuúci béétísi eényí ɔ Ɔmuaná o okolímine aáyá a maabána, a yááyɛ́ aháŋá yɛ́ ɔɔbɔ́ ú manɔ́mɛ.

Lúkas 12:50

Ɛ ŋá mɛ́ nyɛmána wu *obíótíne nyɛnamá nyí nyibíótíne a nyɛ́mɔtɛ́ ; ɔtɛ́má ŋaá mɛ bɛ́nyíá buéŋí ɔ ɔkɔɔ́háma eyí i ké mi bíótíne.

Lúkas 13:22

Yésus ŋaá bá we húle á hɔ́láka mɔnɔŋɔ ne e metíkítíki na a maáŋá, u eékúnyíki baacɔ, u cɔ́cɔbaka eé Yelúsalɛm.

Lúkas 17:11

Ekúlú eyí Yésus ŋaá bá wa cɔ́cɔbaka eé Yelúsalɛm, u ŋa hɔ́lákɛ́na i iisí na cɛ Samalí na cɛ *Kalilé.

Lúkas 18:31

Yésus ŋé bísúétíne bááyɛ́ *baákɔ́nɛ́na bɔ́ɔ́hátá ne béfendí, mbá ɔsɛ : « Ánɔ lɔ́kɔ́ma bɔmbányɛ ! Tua suáŋa ɔ ɔbááta eé Yelúsalɛm, bɛsana bikime ebí *behémúnyi bɛsana bá Bandɔ́mɛsɛ́ ŋa bɔ́ ɔɔ́ŋɔ́kɔ aámɛ a asana, yaŋɔ́ Ɔɔ́nɔ́ u ɔɔcɔ, káá bɛ́kɛ́láka híáná.

Lúkas 19:11

Ekúlú ayɛ́ baacɔ ŋaá bá bábɔ́ lɔ́kɔ́máka bɛsana eébí, Yésus ŋa háná é beébe túmíné ɛnjaba, anyía u ŋaá bá hoóhi ne Yelúsalɛm na anyía baacɔ ŋaá bá bébú kétiki anyía *Butéŋí bɔ́ Bandɔ́mɛsɛ́ búɔ cɔba ɔ ɔlɛcana hí aámbáya.

Lúkas 19:28

Ɛ́makɛ́la wáa mana ɔtáŋa oócí na baacɔ eébé, Yésus ŋaá bá weé búekeke ɔ ɔcɔba eé Yelúsalɛm.

Lúkas 24:51

Ekúlú ayɛ́ u ŋaá bá weé beébe sayábákɛ́na, u ŋé beébe bɛ́álɔ́na, Bandɔ́mɛsɛ́ nyi wuúci béétísi eényí ɔ Ɔmuaná.

Lúkas 9:57

O ohónyí ɔɔcɔ a wɔmɔtɛ́ ŋaá laána Yésus ɔsɛ : « Míɔ cɔba ɔ kuɔŋɔ́ bɛ́cábɛ́na haála hekime ehé o kóó súéte. »

Sáaŋ 13:1

E nyifienyinyi nyɛ́ bɔŋanda bɔ́ *Basíka, Yésus ŋaá bá weé ményukune anyía yááyɛ́ ekúlú yí osíke ɔmɛsɛ́ ooci ɔ ɔhálɔ́mɔ́na a maabána ma ciayɛ́ Síkíne. U ŋaá bá weé lénéke bááyɛ́ baacɔ bá ɔmɛsɛ́. Aáná u ŋaá cɔ́ba ne buúse o o beébe léne ɔ ɔkɔɔ́háma eé nyióndi.

Sáaŋ 16:28

Ahɛ́ í ŋeé mi húlé né Síkíne, míɔ kɔɔ́háma ɔ ɔmɛsɛ́. Aámbáya, míɔ hatɔ́na ɔ ɔmɛsɛ́, o okolímine a maabána me Síkíne. »

Sáaŋ 16:5

Mbá aámbáya ɛ ŋa mɛ́ banɔ́ biíbi laana anyía mío súéte a maabána ma Mu-mɛ-tɔ́ma, mbá ta ɔɔcɔ aanɔ́ ɛ ɛkatɛ́katɛ́ tɛ ŋá mɛ bata ɔsɛ : “Háányɛ́ wóo súéte e ?”

Sáaŋ 17:11

O otúme aámbáya, míɔ cɔba nɔ́ɔ́wɔ. Ɛ tɛ á mɛ bá tɔ́na ɔ ɔmɛsɛ́, mbá beébe bá búánáŋa ɔ ɔmɛsɛ́. Ééʼ, Taatá, kuɔŋɔ́ Ofúúménénú, beébe tétényíki na makɛ́nda ma nyiɔ́wɔ nyiínyi, nyiínyi enyí ó ŋoó mi íínjíé, ɔ ɔkɛla anyía bábɔ́ bámɔ́kɔ́na ɔɔcɔ ɔmɔtɛ́ háyɛ basɔ́ tua sɔ́ŋa ɔɔcɔ ɔmɔtɛ́.

Sáaŋ 6:62

Mbɔ́kɔ nuánɔ́ lɛca Ɔɔ́nɔ́ u ɔɔcɔ á báátáka haála ahá u ŋa cáŋa á bámɛ́na oóoʼ ?

Buólí 1:2

ɔ ɔkɔɔ́háma buɔ́sɛ́ abɔ́ *Bandɔ́mɛsɛ́ ŋeé wuúci béétísí ɔ Ɔmuaná. Ekúlú ayɛ́ u ŋaá bá wá yánáŋa ɔ ɔmɛsɛ́, u ŋaá táfáká *baacɔ bá ɛndɔ́ma, yó beébe eékúnyíki bɛsana abɛ́ bábɔ́ nyɛmána bá ɔkɛlaka. U ŋaá kɛ́láka aáná a makɛ́nda me *Efúúménénú yí Elilé.

Buólí 1:9

Ekúlú ayɛ́ u ŋa máná ɔtáŋa oócí, Bandɔ́mɛsɛ́ nyi wuúci béétísi eényí ɔ Ɔmuaná, bé wuúci lɛcaka u báátáka ; bɛlɔndɔ́ ŋé wuúci bíhúéne, bá tɛ háná wuúci lɛca.

Ɛfɛ́ɛsɛ 1:20

ekúlú eyí u ŋeé wuúci heényi e biwéewé, yó wuúci limisinyi a aháŋá yí úúye ɔɔbɔ́ ú manɔ́mɛ ɔ Ɔmuaná noómi.

Filibí 3:14

Aáná ɛ ŋa mɛ́ cabɛna ɔ ɔkɔɔ́háma a nyɛmana, ananyía yámɛ hɔ́máka bɛnamá abɛ́ Bandɔ́mɛsɛ́ ŋaá basɔ́ lɔ́ŋɔ o ohiiteke ɔ Ɔmuaná, tɔ́ hɔlakɛna né Yésus Kilís.

1 Timoté 3:16

Asana eéyé ayɛ́ Bandɔ́mɛsɛ́ ŋa námbɔ́nɛ́na baacɔ áŋa yaandándá yɛ́ asana, isuŋí tɛ á kɛla. Yááŋa asana yí Ooci awɔ́ ú ŋaá bɛ́cáŋa ɔɔcɔ, Elilé yó tóŋínyi anyía wáŋa ɔtálɛ́mánánɔ́, bililé bɛ́ masɔ́ma bɛ́ Bandɔ́mɛsɛ́ bíó wuúci lɛcaka, baacɔ bó húlíkínyi baacɔ abá bá tɛ ábɔ́ bá Besuif yááyɛ́ asana, biliminyi bɛ́ ɔmɛsɛ́ okime bá ɔhákɛ́na mɔŋɔlɛ́ nááyá, Bandɔ́mɛsɛ́ nyi wuúci bééti eényí ɔ Ɔmuaná aá haála hé nuúmi.

Ebélé 12:2

Túá tála Yésus eése anyía wuúci u ŋa kɛla anyía tuésú lúmítíníne, túɔ cɔba ne buúse o olumitinine ɔ ɔkɔɔ́háma a nyɛmana. Yésus ŋaá bá weé menyukune anyía u kéé bílénéke buɔ́sɛ́ obíléne awɔ́ Bandɔ́mɛsɛ́ ŋeé wuúci bɛ́tánɛ́na, ɛ́ɛhɛ́ u ŋe yeéhínyínyi owé ɔ ɔmbásá ; wuúci ta ɔlɔ́kɔ́ma aatɔ́ ɔlama a nyɛnamá nyí owé eényí. Aámbáya u ne meé ke limine a aháŋá yɛ́ ɔɔbɔ́ ú manɔ́mɛ yɛ́ nɔkɔná nɔ́ Bandɔ́mɛsɛ́.

Ebélé 6:20

Yésus ú ŋa cáŋacáŋa owoofine hɔ́á eesú eé buúse, anyía u ŋaá bɛ́cáŋa *mutéŋínyi beluli nyiínjie a muáŋá mu bikúlú bikime bɔkɔ búmɔtɛ́ háyɛ Melikisɛtɛk.

1 Bíel 3:22

Yésus oócí ŋaá báátáka, yɔ́ hálɔ́mɔ́na ɔ Ɔmuaná. Wáŋa limine a aháŋá yɛ́ ɔɔbɔ́ ú manɔ́mɛ ú Bandɔ́mɛsɛ́ ; hɔ́á ú ŋee téŋínyi ne *bililé bɛ́ masɔ́ma, ne metéŋí, ne bililé bɛ́ makɛ́nda bí etémbí bikime áyá.