Lúkas 9:5 - Nomaande

⁵ Haála hekime ehé bé kíne ɔ banɔ́ káha bɔmbányɛ, ánɔ hatɔ́na a bálɛ́ka eécí, mbá nu bíkítéke ofunú a cáánɔ́ akɔlɔ́, anyía núénú beébe tóŋínyi nyíábɔ́ nyɛnana. »

Lúkas 9:5 Iomraidhean Croise

Matío 10:18

Bá káá banɔ́ télímíkínyi a akála eé buúse bú betéŋí bá baacɔ ne e betíkítíki na a *baáŋá áyá aámɛ a asana, ananyía nuanɔ́ hakɛ́na ɛmbasɔ́ ne eébú eé buúse ne eé buúse bɔ́ baacɔ a bá tɛ ábɔ́ bá Besuif.

Malɛ́kus 6:11

Mbɔ́kɔ bé ŋe kíne ɔ banɔ́ káha bɔmbányɛ ta anyía bé ŋé kíne ɔlɔ́kɔ́ma bɛsana abɛ́ nu ŋa nɔ́ kɔ́ɔna haála a hɔ́mɔtɛ́, ánɔ hatɔ́na hɔ́á, mbá nu bíkítéke ofunú a cáánɔ́ akɔlɔ́, anyía núénú beébe tóŋínyi nyíábɔ́ nyɛnana. »

Malɛ́kus 9:37

« Ɔɔcɔ okime awɔ́ á káha bɔmbányɛ ɔɔ́nɔmbɔ́ ɔmɔtɛ́ háyɛ ooci eémí eé nyiínyi, ɛ́cɛ yaŋɔ́ bɛ́muátá ú maá mɛ káha bɔmbányɛ. Híáná ɔɔcɔ okime awɔ́ á mɛ káha bɔmbányɛ tɛ ŋá káha bɔmbányɛ hú yaŋɔ́ bímuócí, mbá u ŋaá káha bɔmbányɛ tɔ́na Ooci awɔ́ u ŋaá mɛ tɔ́má. »

Lúkas 10:16

Mbá ɔsɛ tɔ́na ná bááyɛ́ baákɔ́nɛ́na : « Ɔɔcɔ awɔ́ u ŋaá banɔ́ lɔ́kɔ́mɛ́na ŋaá mɛ lɔ́kɔ́mɛ́na tɔ́na ; ɔɔcɔ ewú é kíne ɔ banɔ́ káha bɔmbányɛ ŋe kíne ɔ mɛ káha bɔmbányɛ tɔ́na. Híáná ɔɔcɔ ewú é kíne ɔ mɛ káha bɔmbányɛ meé kíne tɔ́na ɔkáha bɔmbányɛ Ooci awɔ́ u ŋaá mɛ tɔ́má. »

Lúkas 5:14

Yésus ɔsɛ nááyá : « Atɛ laána ta ɔɔcɔ anyía ɔ́ mɔɔ́ waáŋɔ́nua ; mbá ké ke bítóŋínyi né *mululi nyiínjie, mbá e iínjie *abɛ́sámbá eyí *Moyís ŋaá kɔɔ́na o otóŋínyi baacɔ bekime anyía ɔ́ mɔɔ́ waáŋɔ́nua. »

Lúkas 9:4

Haála hekime ahá nu ká ka nɔ́ háma, énu limíne hí eé ciíbe acɛ́ bá banɔ́ iínjie, ɔ ɔkɔɔ́háma ahɛ́ nu ká nɔ́ hatɔ́na ɔ ɔcɔba a bunɔŋɔ bú etémbí.

Lúkas 9:48

Mbá ɔsɛ : « Ɔɔcɔ okime awɔ́ á káha bɔmbányɛ ɔɔ́nɔmbɔ́ ooci eémi e nyiínyi, ɛ́cɛ ú maá mɛ káha bɔmbányɛ ; ɔɔcɔ á mɛ káha bɔmbányɛ, ɛ́cɛ ú maá káha tɔ́na bɔmbányɛ Ooci awɔ́ u ŋaá mɛ tɔ́má. Yááŋa anyíaʼo, ooci a wáŋa otíkítíki aanɔ́ ɛ ɛkatɛ́katɛ́, wuúci wáŋa waáŋá. »

Buólí 13:51

Bífendí bɛ́ baacɔ eébí ŋé beébe bíkítékíne ofunú ú cáábɔ́ akɔlɔ́ anyía bébú beébe tóŋínyi nyíábɔ́ nyɛnana ; nyɛhatɔna eényí bá ŋa cɔ́ba i Ikóniyom.

Buólí 18:6

Ɛŋakɛlá Besuif ébú kíne ɔlátɛ́na bɛsana ebí Bóol ŋaá bá weé beébe laakɛna, bé ŋé túme o wuúci ɔɔ́mbɔ́ná, Bóol ŋé beébe bíyúkúlékíne ofunú ú bɛ́áyɛ́ bɛlaŋa, mbá ɔsɛ : « Mbɔ́kɔ nu ŋe nú nyímúkúne hɛ́nánɔ, yɛ́ ŋaá banɔ́ lɛ́ca, banɔ́ bɛ́muátá ; ɛ tɛ ámɛ bá tɔ́na na asana. O otúme aámbáya, míɔ cɔba né eebe a bá tɛ ábɔ́ bá Besuif ».