Lúkas 9:48 - Nomaande

⁴⁸ Mbá ɔsɛ : « Ɔɔcɔ okime awɔ́ á káha bɔmbányɛ ɔɔ́nɔmbɔ́ ooci eémi e nyiínyi, ɛ́cɛ ú maá mɛ káha bɔmbányɛ ; ɔɔcɔ á mɛ káha bɔmbányɛ, ɛ́cɛ ú maá káha tɔ́na bɔmbányɛ Ooci awɔ́ u ŋaá mɛ tɔ́má. Yááŋa anyíaʼo, ooci a wáŋa otíkítíki aanɔ́ ɛ ɛkatɛ́katɛ́, wuúci wáŋa waáŋá. »

Lúkas 9:48 Iomraidhean Croise

Matío 18:10

Énu bíkékényíki oféníne ta ɔɔ́nɔmbɔ́ ɔmɔtɛ́ a banásɛ́ eebe. Ɛ ŋa mɛ́ banɔ́ láana ɛsɛ́ : Ɔ Ɔmuaná *bililé bɛ́ masɔ́ma abɛ́ ciamɛ Síkíne cɛ Ɔmuaná ŋaá táfáka o o beébe ɔɔ́lɔ́kɔ á bɔ́ŋa ekúlú ekime eeyé eé buúse. [

Matío 18:14

Híáná tɔ́na, cianɔ́ Síkíne cɛ Ɔmuaná tɛ ŋá yáamba anyía ta ɔɔ́nɔmbɔ́ ɔmɔtɛ́ a banásɛ́ eebe é nyímé. »

Matío 19:28

Mbá ɔsɛ : « Ɛ ŋa mɛ́ banɔ́ láana aá taaká, isíʼo : Ekúlú ayɛ́ Ɔɔ́nɔ́ u ɔɔcɔ káá bá oliménénú aáyá a nɔkɔná nú nuúmi e nyikumbutune nyɛ́ bɛnyɛ́ma bikime, banɔ́ eebe abá nú ŋa nɔ́ mɛ látákɛ́na, nu ká nɔ́ bá tɔ́na limekine a tɔkɔná túɔ́hátá ne túfendí o okélísi baacɔ bá *tɔnyɛ́nɔ́ túɔ́hátá ne túfendí tú *Islayɛ́l.

Matío 25:40

Aáná Otéŋí a Waáŋá kéé beébe bɛ́káma ɔsɛ : “Ɛ ŋaá mɛ banɔ́ láana aá taaká isíʼo : Ekúlú ekime ayɛ́ nú ŋa nɔ́ kɛ́lákɛ́na ta hɛnɔ́sɛ́nɔ́sɛ́ hɛ́mɔtɛ́ a báámɛ benyíinyí eebe, yaŋɔ́ oócí nu ŋa nɔ́ kɛ́lákɛ́na aáná.”

Matío 25:45

Mbá u kéé beébe bɛ́káma ɔsɛ : “Ɛ ŋaá mɛ banɔ́ láana aá taaká isíʼo : Ekúlú ekime ayɛ́ nu tɛ ɔ́mɔ nɔ́ kɛ́lɛna ta hɛnɔ́sɛ́nɔ́sɛ́ hɛ́mɔtɛ́ a banásɛ́ eebe, yaŋɔ́ oócí nú tɛ ɔ́mɔ nɔ́ kɛ́lɛna aáná.”

Malɛ́kus 9:37

« Ɔɔcɔ okime awɔ́ á káha bɔmbányɛ ɔɔ́nɔmbɔ́ ɔmɔtɛ́ háyɛ ooci eémí eé nyiínyi, ɛ́cɛ yaŋɔ́ bɛ́muátá ú maá mɛ káha bɔmbányɛ. Híáná ɔɔcɔ okime awɔ́ á mɛ káha bɔmbányɛ tɛ ŋá káha bɔmbányɛ hú yaŋɔ́ bímuócí, mbá u ŋaá káha bɔmbányɛ tɔ́na Ooci awɔ́ u ŋaá mɛ tɔ́má. »

Lúkas 10:16

Mbá ɔsɛ tɔ́na ná bááyɛ́ baákɔ́nɛ́na : « Ɔɔcɔ awɔ́ u ŋaá banɔ́ lɔ́kɔ́mɛ́na ŋaá mɛ lɔ́kɔ́mɛ́na tɔ́na ; ɔɔcɔ ewú é kíne ɔ banɔ́ káha bɔmbányɛ ŋe kíne ɔ mɛ káha bɔmbányɛ tɔ́na. Híáná ɔɔcɔ ewú é kíne ɔ mɛ káha bɔmbányɛ meé kíne tɔ́na ɔkáha bɔmbányɛ Ooci awɔ́ u ŋaá mɛ tɔ́má. »

Lúkas 14:11

Yááŋa anyía, ɔɔcɔ okime ewú u ŋe bíbééti, Bandɔ́mɛsɛ́ kéé wuúci loosi, ɔɔcɔ okime ewú u ŋe bíloósi, Bandɔ́mɛsɛ́ kéé wuúci bééti. »

Lúkas 22:26

Mbá náánɔ́ bú tɛ á bá bú ɔbá aáná. Waáŋá ŋá nyɛmána wu ɔbá náánɔ́ háyɛ ɔɔ́nɔmbɔ́ ; ɔɔcɔ ewú u ŋe téŋínyi háyɛ munyiɔnɔ.

Lúkas 22:30

Ɛ́ɛhɛ́ nu ká nɔ́ nyíáka nú múákɛ́na haála ehé i ké mí téŋíkínyi, nu ké nú límekine a tɔkɔná o okélísi tɔnyɛ́nɔ́ tú *Islayɛ́l tɔ́ɔ́hátá ne túfendí. »

Lúkas 7:28

Ɛ ŋa mɛ́ banɔ́ láana anyía a bɔnyɛ baacɔ bekime bá ɔmɛsɛ́, ta ɔɔcɔ tɛ ŋáá bá waáŋá ɔ ɔháma háyɛ Sáaŋ Batis buúse bukime ; ta híáná, hɛcɔɔ́cɔ́ e *Butéŋí bɔ́ Bandɔ́mɛsɛ́ áŋa waáŋá ne wuúci. »

Sáaŋ 13:20

Ɛ ŋa mɛ́ banɔ́ láana aá taaká : Ekúlú ekime ayɛ́ yámɛ tɔ́ma ɔɔcɔ, okime ewú é wuúci káha bɔmbányɛ ŋaá mɛ káha bɔmbányɛ tɔ́na ; okime awɔ́ á mɛ káha bɔmbányɛ ŋaá káha bɔmbányɛ Mu-mɛ-tɔ́ma. »

Sáaŋ 14:21

Ɔɔcɔ awɔ́ ú ŋa látɛ́na cíími ilébé, u ciíci lɔ́kɔ́mákɛ́na tɔ́na, wuúci wáŋa mu-mi-léne. Híáná ciamɛ Síkíne kéé muúmu lénéke ; yaŋɔ́ tɔ́na, i ké mí muúmu lénéke, mío bítóŋínyi nááyá. »

1 Tɛsaloníke 4:8

Yaátɛ́ asana yááŋa anyía ɔɔcɔ é kiné ɔlátɛ́na esúŋe eécé, tɛ́ cáŋa hú ɔɔcɔ u ŋa bábɛ́na, mbá u ŋa bábɛ́na Bandɔ́mɛsɛ́, Mu-banɔ́-iínjíé *Efúúménénú yí Elilé.

1 Bíel 5:6

Énu bílóósíki aná eé buúse bɔ́ Bandɔ́mɛsɛ́ a wáŋa na makɛ́nda mekime, ananyía wá banɔ́ béétíki ɛ ɛndána acɛ́ u ŋaá táná.

Nyɛnambɔnɛna nyɛ́ bɛsana 21:14

Hɛkáká eéhí ŋaá bá hibéétíkínyi e numbélíke ɔ ɔmuaná a nɔ́ ŋaá bá na bɛandándá bɛ́ andányɛ́ bíɔ́hátá ne bífendí acɛ́ bɔ́ ŋɔ yɔ́ɔ́ŋɔ́kɔ́ eénye cá baacɔ bá ɛndɔ́ma bɔ́ɔ́hátá ne béfendí ɔ ɔmuaná. Hɛ́ a nyɛndányɛ́ nyiínyi nyɛ́mɔtɛ́.

Nyɛnambɔnɛna nyɛ́ bɛsana 3:21

Ɛ ká mɛ́ kɛla anyía muyáka mukime á faáya wé ke límíne na yaŋɔ́ o otéŋínyi baacɔ, híáná yaŋɔ́ tɔ́na ɛ ŋaá mɛ yáká ; aáná tua sɔ́ŋa limine na ciamɛ Síkíne o otéŋínyi baacɔ.