Lúkas 9:41 - Nomaande

⁴¹ Mbá Yésus ɔsɛ : « Ééʼ, banɔ́ bɛɛbɛ́ bɛ́ baacɔ eebi, nu ti ŋé nú lúmitinine ! Ɔ ɔkɔɔ́háma nyíényí ɛ ká mɛ bá ɔlɔŋɔ na banɔ́, míɔ banɔ́ eéhínyínyi e ? » Mbá ɔsɛ ná ɔɔcɔ : « Héléne uuwe ɔɔ́nɔ́ aaha. »

Lúkas 9:41 Iomraidhean Croise

Matío 11:28

Ánɔ faákɔ́na náámɛ, banɔ́ bekime abá nua nɔ́ŋa bɔtɔmbɔ́kɔ́nɔ́, banɔ́ tɔ́na na malamɔ́, ɛ ká mɛ́ banɔ́ iínjíékíne ehélúme.

Matío 12:39

Mbá ɔsɛ náábɔ́ : « Baacɔ bá hɛɛya eehi á bɔ́ŋa baabɛ́, beébe bakanda tusɔmɔ ; bá ŋa bɔ́ áamba ɔlɛca ekéki yí hibílícínyínyí. Mbá Bandɔ́mɛsɛ́ ti kéé beébe tóŋínyi ekéki yí hibílícínínyínyí yí etémbí, ɛ tɛ ŋáa bá hú ayɛ́ u ŋaá kɛ́láka o olíhe ú *muhémúnyi bɛsana Sɔ́nas.

Matío 12:45

Aáná yí ké ké hiíte *bɛɛbɛ́ bí bililé bí etémbí bítíndétú nɔ́mɔ e bí é wuúci hɔ́la a bɔɔbɛ́ ; bɛ́ ŋga hálɔ́mɔ́na ɔlɔŋɔ, bí ŋé oofókíne aá cɛɛ́tɔ cɛ ɔɔcɔ. E elime eécí, indélímínyínyi cɛ ɔɔcɔ oócí káá bá ne muuyé ɔ ɔhɔla nyíáyɛ́ nyilimíné nyí buúse. Híáná yɛ́ káá bá na bɛɛbɛ́ bɛ́ baacɔ bɛ́ hɛɛya eehi. »

Matío 16:4

Baacɔ bá hɛɛya eehi á bɔ́ŋa baabɛ́, beébe bakanda tusɔmɔ ; bá ŋa bɔ́ áamba ɔlɛca ekéki yí hibílícínyínyí, mbá Bandɔ́mɛsɛ́ ti kéé beébe tóŋínyi ekéki yí hibílícínyínyí yí etémbí, ɛ tɛ ŋáa bá hú ayɛ́ u ŋaá kɛlaka o olíhe ú Sɔ́nas. » Aáná u ŋeé beébe bɛ́yúata aáhá, nyisúéte eényí.

Matío 17:17

Mbá Yésus ɔsɛ : « Ééʼ, banɔ́ bɛɛbɛ́ bɛ́ baacɔ eebi, nu tɛ ŋá nɔ́ háya mɔŋɔlɛ́ ná Bandɔ́mɛsɛ́ ! Ɔ ɔkɔɔ́háma nyíényí ɛ ká mɛ́ bá ɔlɔŋɔ na banɔ́ e ? Ɔ ɔkɔɔ́háma nyíényí ɛ ká mɛ́ banɔ́ ééhíkínyínyi e ? Énu mi héléníne ɔɔ́nɔmbɔ́ oócí aaha. »

Matío 23:36

Aá taaká ɛ ŋa mɛ́ banɔ́ láana ɛsɛ́ Bandɔ́mɛsɛ́ káá bátaka baacɔ bá hɛɛya eehi manɔ́ŋɔ́ mekime ma baacɔ eébé !

Matío 3:7

Ayɛ́ Sáaŋ ŋaá bá wá lɛ́caka anyía na *Bafalisiɛ́ŋ na *Basatusiɛ́ŋ beéŋí ŋa bɔ́ fáaya nááyá anyía wé beébe ootókíne, u ŋé túme o beébe laana ɔsɛ : « Banɔ́, baáná bá ɛhɛ́nyɛ eebe, aányɛ́ ú ŋa banɔ́ eékúnyi ɔcabɛna nyɛkála nyɛ́ Bandɔ́mɛsɛ́ a nyɛ́ ŋa fáakɔna e ? Tɛ́ cáŋa yaŋɔ́ʼo !

Malɛ́kus 10:14

Ɛ́makɛ́la Yésus á lɛca aáná, yɔ́ lɔ́kɔ́ma bɔɔbɛ́, mbá ɔsɛ ná baákɔ́nɛ́na : « Nuti beébe lekéke. Ánɔ nyɛánáka banásɛ́ á faákɔna náámɛ, anyía Bandɔ́mɛsɛ́ ŋe téŋínyi baacɔ a bá bɔ́ŋa a ciabɔ́ ihúényínyí.

Malɛ́kus 10:49

Aáná Yésus ŋaá tálɛ́mɛ́ná, mbá ɔsɛ : « Énu mi wuúci lɔ́ŋɛ́tɛ́na, wá faáya ! » Bé ŋé wuúci lɔ́ŋɛ́ta, báyɛ nááyá : « Bɛ́kɛ́ndɛ́naʼo ! Hatɔ́na, faáya ; u ŋɔ yɔ́ɔ lɔ́ŋɔ. »

Malɛ́kus 9:19

Mbá Yésus ɔsɛ náábɔ́ : « Ééʼ, banɔ́ be-ti-lumítíníne eebe ! Ɔ ɔkɔɔ́háma nyíényí ɛ ká mɛ bá ɔlɔŋɔ na banɔ́ e ? Ɔ ɔkɔɔ́háma nyíényí ɛ ká mɛ banɔ́ eéhíkínyínyi e ? Énu mi héléníne ɔɔ́nɔmbɔ́ oócí aaha ! »

Lúkas 8:25

Mbá Yésus ná baákɔ́nɛ́na ɔsɛ : « Uúnú olumitinine weényí e ? » Aáná baákɔ́nɛ́na ŋa bɔ́ bá bébú líkíméke, bé ŋe bú kéké, bá kɔ́ɔnaka beébe ne beébe báyɛ : « Ɔɔcɔ u háányɛ́ ooci e ? Ú ŋe téŋínyi te ehúne te menyífé, bí wuúci lɔ́kɔ́mákɛ́na ! »

Lúkas 9:40

Ɛ ŋá mɛ bɛ́cɔ́kɔ́lɔ́kɛ́na bɔ́ɔ́wɔ baákɔ́nɛ́na anyía bé yiíyi hémúnyi, mbá yí ŋeé beébe yáka. »

Lúkas 9:42

Ekúlú ayɛ́ bá ŋa bɔ́ bá bébú bíkósíki nááyá, aabɛ́ yí elilé ŋé súbe ɔɔ́nɔmbɔ́ ɔ ɔmɛsɛ́ ; yí ŋé wuúci nyiékínyi na makɛ́nda. Mbá Yésus nyɛsásɛ́tɛ́na eényí aabɛ́ yí elilé, u ŋé eéŋúnyísi ɔɔ́nɔmbɔ́, u ŋé hélúmúnyínyi síkíne.

Sáaŋ 14:9

Yésus ŋá bɛ́káma ɔsɛ : « Fílib, feeké yámɛ báka na banɔ́, e ti mi menyi e ? Ɔɔcɔ awɔ́ á mɛ́ lɛca ma lɛ́ca ciamɛ Síkíne. Anyána asɛ : “Basɔ́ tóŋínyi Síkíne” e ?

Sáaŋ 20:27

Mbá ɔsɛ ná Tɔ́mas : « Kosíti hɛnɔɔ́nɔ́ aaha, mbá a lɛca cáámɛ aabá ; kosíti ɔɔbɔ́, wuúci oofínyi aámɛ a aháŋá yɛ́ tɔkɛndá eeye. Nyɛána isuŋí, lumítíníneʼo ! »

Buólí 13:18

yó beébe eéhíkínyínyi hoóhi tuɔŋɔ etíne éfendí i iisí cɛ ɔsɛ́bɛ́á.

Buólí 2:40

Bíel ŋa háná é beébe tóŋgínyi bɛsana biéŋí bí etémbí, u beébe lébéke, u kɔɔnaka ɔsɛ : « Ánɔ háma fiaŋɔ ɔ ɔlɔŋɔ ú bɛɛbɛ́ bɛ́ baacɔ. »

Lóom 2:4

Bandɔ́mɛsɛ́ áŋa na ambányɛ́kɛ́ yɛ́ ɔtɛ́má, u ti tényí bɔ́nɔ́sɛ ɔɔcɔ, wuúci ne oweéhínyínyi. Ɔ ŋɔɔ́ bábɛ́na bɛsana eébí e ? Mbá menyí anyía u ŋɔ yɔ́ɔ kɛla ambányɛ yɛ́ asana anyía u ŋa yáamba ɔ kuɔŋɔ́ íinjie ohónyí wú ɔbɛ́kákálákɛ́na búɔ́wɔ bɔɔbɛ́, mbá á sɔ́mba ɔkɔlɔ́ eé buúbu.

Ebélé 3:19

Ɛ́ɛhɛ́, banɔ́ báámɛ benyíinyí, tu ŋa sɔ́ lɛ́ca anyía mbɔ́kɔ bó ti ómo kó bú límine hɔ́á, ɛ́cɛ anyía bɔ́ tɛ ɔ́mɔ bɔ́ háya mɔŋɔlɛ́ ná Bandɔ́mɛsɛ́.

Ebélé 4:11

Túá bɛ́kɛ́ndɛ́na aná o okolímine aá haátɛ́ haála hé ehélúme, ananyía ta ɔɔcɔ ɔmɔtɛ́ aá basɔ́ tɛ kɛlɛ́na Bandɔ́mɛsɛ́ ɛndɔ́kɔ́, mbá u lɔbɔ e elime háyɛ cíísú sɔ́kɔ́nɔ́ ŋa bɔ́ kɛ́láka ɛndɔ́kɔ́ i iisí cɛ ɔsɛ́bɛ́á noómi.

Ebélé 4:2

Asana áŋa anyía basɔ́ tu ŋa sɔ́ lɔ́kɔ́máka Ambányɛ yɛ́ Ɛsɔ́ma háyɛ cíísú sɔ́kɔ́nɔ́ ŋa bɔ́ lɔ́kɔ́máka tɔ́na i iisí cɛ ɔsɛ́bɛ́á noómi. Mbá Ambányɛ yɛ́ Ɛsɔ́ma eéyé ti ómo beébe ɔɔ́lɔ ; beébe te okolímine aá haála hé ehélúme a asana anyía bó ti ómo bú yiíyi lumitinine.

Ebélé 7:25

Híáná tɔ́na, wáŋa na makɛ́nda me onohi baacɔ ekúlú ɔ́mɔtɛ́ e bikúlú bikime, beébe bé ŋe bú bíkósíti ná Bandɔ́mɛsɛ́ a ciayɛ́ elime ; ananyía wáŋa wɔɔ́sɔ ekúlú ekime, u naŋa wá bɛ́cɔ́kɔ́lɔ́kɛ́na Bandɔ́mɛsɛ́ eebú eé buúse.