Lúkas 9:39 - Nomaande

³⁹ Wáŋa na *aabɛ́ yí elilé. Ɛ náŋa yé wuúci hatɛ́na, u ŋo bókíte ; hí ekúlú eéyé yɔ́ɔ kua ɔ ɔmɛsɛ́, u bɛ́sátáka, u hémúkúnyi ɛnɔ́ŋɛ e nyuúté. Aabɛ́ yí elilé ŋaá háma aáyá a cɛɛ́tɔ hú ɛ́cɛ yí meé wuúci tombisi.

Lúkas 9:39 Iomraidhean Croise

Lúkas 8:29

U ŋaá kɔɔ́na aáná, anyía Yésus ŋaá sɔ́mbɔ́tɔ́ná anyía *aabɛ́ yí elilé aá háma aá cɛɛ́tɔ cɛ waáta ɔɔcɔ. Bikúlú biéŋí aabɛ́ yí elilé ŋaá bá yé wuúci yébíki, yé wuúci tímbíé ; bó wuúci ɔɔ́tɔ́kɔ́kɔ aabá na macanja, bó wuúci háya a afɔkɔ o ooki anyía u ti súéte. Ta híáná, mbá ú kátáka macanja, mbá aabɛ́ yí elilé ŋá háná wuúci súéténe e eciké.

Lúkas 4:35

Yésus ŋaá laána elilé ne esise ɔsɛ : « Lésíkínyi mbuumu, háma aá cɛɛ́tɔ cɛ ɔɔcɔ ooci ! » Aáná aabɛ́ yí elilé ŋeé kuusi ɔɔcɔ ɔ ɔmɛsɛ́ eé buúse bɔ́ baacɔ bekime, nyɛháma eényí te o wuúci óómísi.

Malɛ́kus 9:26

Aabɛ́ yí elilé ŋe nyietínyi ɔɔ́nɔmbɔ́ oócí na makɛ́nda, yí ŋe wuúci kuúsi ɔ ɔmɛsɛ́, nyɛháma eényí, yɛ́ aánjáláka ; ɔɔ́nɔmbɔ́ ŋá sakɔ́núá a nyɛnamá anyɛ́ baacɔ beéŋí ŋaá bá bábɔ́ kɔ́ɔnaka báyɛ : « Ú meé wé ! »

Malɛ́kus 9:20

Aáná bá ŋa cɔ́bána ɔɔ́nɔmbɔ́ nááyá. Hú ahɛ́ elilé ŋa lɛ́ca Yésus, yí ŋé fúkíte ɔɔ́nɔmbɔ́ na makɛ́nda, u ŋá kuá ɔ ɔmɛsɛ́, u bíbúŋúléke, ɛnɔ́ŋɛ wuúci hámɔ́kɔ́na e nyuúté.

Nyɛnambɔnɛna nyɛ́ bɛsana 9:11

Uubú otéŋí ŋaá bá elilé yɛ́ bɔsɔ́ma yɛ́ nɔɔfia nú tííme. Yiíyi bɔ́ ŋɔɔ́ lɔ́ŋɔ ne *nuebélé anyía « Abátɔ́na », na *nɔkɛlɛ́k anyía « Abolíyɔŋ ».

1 Bíel 5:8

Cíínú injiŋé tɛ banɔ́ nyímúkúne a bɛɛtɔ́ ; nɔtɛ hɛ́táka hiiné anyía muanɔ́ munuusi, ɛ́cɛ Musɔ́mɛ́na baacɔ, ŋe húlé á naŋála, u banɔ́ tékítéki háyɛ iŋgoyó e cí ŋé húme cɛ aambaka bɔkɔ bɔ́ ɔlahɔnaka.

Sáaŋ 8:44

Musɔ́mɛ́na áŋa cianɔ́ síkíne ; a asana eéyé nú ŋe nú léne ɔkɛla háyɛ bú ŋeé wuúci hɛkɛna. Muá báka ɔŋána feeké. Mu tɛ́ ŋaá bá aá taaká noómi anyía taaká tɛ á bá nááyá. Ekúlú ayɛ́ mu ŋaá táŋa bɛfala, mu ŋe nyíóyísínyi nyíáyɛ́ nyɛbá. Mu ŋa kɛ́la aáná anyía muáŋa ɔfalafala, muúmu tɔ́na síkíne cɛ afala.

Malɛ́kus 9:18

Haála hekime ehé elilé eéyé é wuúci hatɛna, yí ŋeé wuúci kuusi ɔ ɔmɛsɛ́, u hémúkúnyi ɛnɔ́ŋɛ e nyuúté, u bíkótóko eénye, mbá cíáyɛ́ cɛɛ́tɔ lɔ́nda. Ɛ ŋá mɛ bɛ́cɔ́kɔ́lɔ́kɛ́na bɔ́ɔ́wɔ baákɔ́nɛ́na anyía bé yiíyi hémúnyi, mbá yí ŋé beébe yáka. »

Lúkas 9:38

Ɔɔcɔ a wɔmɔtɛ́ ɛ ɛkatɛ́katɛ́ ci etúte ŋé túme ɔkɔɔna okelú ɔ ɔmuaná ɔsɛ : « Muékúnyi, cɔ́kɔ́lɛ lɛcáka bɔmbányɛ uumi ɔɔ́nɔ́ a wɔnɔ́mɔcɔ́ ooci, wuúci bɛ́cáma mahana anyía wáŋa híími hɛkɔŋɔ́ hɛ́ ɔɔ́nɔ́.

Lúkas 9:40

Ɛ ŋá mɛ bɛ́cɔ́kɔ́lɔ́kɛ́na bɔ́ɔ́wɔ baákɔ́nɛ́na anyía bé yiíyi hémúnyi, mbá yí ŋeé beébe yáka. »