Lúkas 9:26 - Nomaande

²⁶ Yááŋa anyía, ɔɔcɔ okime a wáŋa na aatɔ́ ɔlama na ɔ ɔkɔɔna anyía wáŋa uumi, ne o olumitinine tɔ́na bíámɛ bɛsana, Ɔɔ́nɔ́ u ɔɔcɔ tɔ́na káá bá na aatɔ́ ɔlama ne wuúci ekúlú ayɛ́ u káá fáaya eéyé eé nuúmi a núáŋa nuúmi na nɔ́ ciayɛ́ Síkíne na nɔ́ bíáyɛ́ *bililé bɛ́ masɔ́ma e bifúúménénú.

Lúkas 9:26 Iomraidhean Croise

Matío 16:27

Yááŋa anyía Ɔɔ́nɔ́ u ɔɔcɔ káá fáaya e nuúmi nú ciayɛ́ Síkíne noómi ɔlɔŋɔ na bíáyɛ́ *bililé bɛ́ masɔ́ma ; aáná u káá námaka ɔɔcɔ okime a nyɛnamá anyɛ́ ɔɔcɔ oócí ŋaá bɛ́kɛ́lákɛ́na.

Matío 25:31

« Ekúlú ayɛ́ Ɔɔ́nɔ́ u ɔɔcɔ ka ká hálɔ́mɔ́na eéyé eé nuúmi noómi, ɔlɔŋɔ na bíáyɛ́ *bililé bɛ́ masɔ́ma bikime, u kéé límine aáyá a yaandándá yɛ́ nɔkɔná na bɔɔcɔ bukime.

Matío 26:64

Mbá Yésus ɔsɛ : « Kuɔŋɔ́, ɔ́ mɔɔ́ kɔɔna aáná. Mbá aá yaŋɔ́, ɛ ŋa mɛ́ banɔ́ láana ɛsɛ́ : Nu ká nɔ́ lɛ́cáka Ɔɔ́nɔ́ u ɔɔcɔ oliménénú a aháŋá yɛ́ ɔɔbɔ́ ú manɔ́mɛ ú Bandɔ́mɛsɛ́ Alámakɛ́nda, nuó wuúci lɛ́caka tɔ́na weé húlúkúne a bɛlɔndɔ́ bɛ́ ɛŋɔ́lɔ́muaná noómi. »

Malɛ́kus 8:38

Yááŋa anyía, ɔɔcɔ okime a wáŋa na aatɔ́ ɔlama na ɔ ɔkɔɔna anyía wáŋa uumi, ne o olumitinine tɔ́na bíámɛ bɛsana eé buúse bɔ́ baacɔ bá hɛɛya eehi a bá ŋa bɔ́ kɛla bɔɔbɛ́, bá kandáka tusɔmɔ, Ɔɔ́nɔ́ u ɔɔcɔ tɔ́na káá bá na aatɔ́ ɔlama ne wuúci ekúlú ayɛ́ u káá fáaya eé nuúmi nɔ́ ciayɛ́ Síkíne ɔlɔŋɔ na bíáyɛ́ *bililé bɛ́ masɔ́ma e bifúúménénú. »

Sáaŋ 12:43

Bá ŋa bɔ́ táfa ohiite nuúmi ná baacɔ na anyía bébú nuúnu hííte ná Bandɔ́mɛsɛ́.

Sáaŋ 5:44

Nu ŋe nú léne nuúmi nú ohúlúkúne ná bɔsɔ́ɔ́kɔ́ baacɔ, nu ti léne nú ohúlúkúne ná Bandɔ́mɛsɛ́ bímuócí ; mbá anyána nua nɔ́ŋa nú olumitinine aná e ?

Buólí 10:22

Báyɛ : « Tua sɔ́ŋa aaha anyía mutéŋínyi bicénji Kɔɔnɛ́yɛ ú maá basɔ́ tɔ́ma nɔ́ɔ́wɔ. Wáŋa atálɛ́mánánɔ́ yɛ́ ɔɔcɔ, u naŋa weé kékéke Bandɔ́mɛsɛ́ ; Besuif bekime ŋe bú wuúci lémbi. Elilé yɛ́ bɔsɔ́ma yɛ́ Bandɔ́mɛsɛ́ e yefúúménénú ŋeé wuúci laána anyía wɔ́ yɔ́ɔ lɔ́ŋɔ́kɔ e úúyé ooki, wá lɔ́kɔ́máka bɛsana abɛ́ ɔ ŋɔ́ɔ cɔ́ba o o wuúci laakɛna. »

Lóom 1:16

Yááŋa anyía ɛ tɛ ŋá mɛ lɔ́kɔ́ma aatɔ́ ɔlama ekúlú eyí i ŋe mí hulinyi baacɔ Ambányɛ yɛ́ Ɛsɔ́ma. Ne Yiíyi Bandɔ́mɛsɛ́ ŋó tóŋínyi maayɛ́ makɛ́nda o onohiki baacɔ a bá ŋa bɔ́ háya mɔŋɔlɛ́ né Yésus *Kilís : Eé buúsebuúse né *Besuif, e elime eécí na baacɔ a bá tɛ ábɔ́ bá Besuif.

2 Kɔlɛ́ɛntɛ 12:10

Yaátɛ́ asana ɛ naŋa yémi bílénéke a nyiámɛ nyɛbá nyɛ́ bɔtɔmbɔ́ noómi, ta bá á mɛ ɔ́ɔ́mbɔ́náka anyána ; te bé é mí tekeseke, ta yaŋɔ́ a mahana noómi, mbá te úúmi ɔtɛ́má á bɛ́nyíáka, i ŋe mí menyi bɔmbányɛ anyía ɛ ŋaá mɛ lɔ́kɔ́ma muuyé a asana ne Yésus Kilís. I ŋeé mi bíléne anyía ekúlú ekime ayɛ́ ya mɛ́ŋa na bɔtɔmbɔ́, yiíyi eéyé ya mɛ́ŋa na makɛ́nda.

Kalasi 6:14

Aámɛ a aháŋá, i ti ŋé mí bíbééti ; ɛ́ maá mɛ háya yáaŋa maamɛ mɔŋɔlɛ́ né uusú Otéŋí a Waáŋá Yésus Kilís ewú u ŋeé wé aámɛ a asana ɔ ɔmbásá. A asana eéyé ya mɛ́ŋa owéénú a asana na ɔmɛsɛ́ ; ɔmɛsɛ́ owéénú aámɛ a asana.

1 Timoté 5:21

Ɛ ŋa mɛ́ ɔ bɛ́cɔ́kɔ́lɛ́na eé buúse na bɔ́ Bandɔ́mɛsɛ́ ne bú Yésus *Kilís, ne bú *bililé bɛ́ masɔ́ma bɛ́ Bandɔ́mɛsɛ́ a bɛtáfákánɔ́, ɛsɛ́ : Látákɛ́na bɛsana eébí abɛ́ ɛ́ ŋa mɛ́ ɔ laákɛ́na. Atɛ kamɛ́na ɔɔcɔ asana anyía o ŋoó wuúci menyi, mbá á nyɛána mebeé.

2 Timoté 1:12

Buátɛ́ bɔkɔ ɛ ŋa mɛ́ lɔ́kɔ́ma nyɛnamá nyí muuyé eenyi ; mbá ta híáná, ɛ tɛ ŋá mɛ lɔ́kɔ́ma aatɔ́ ɔlama, ananyía i ŋe mí menyi ɔɔcɔ awɔ́ ɛ ŋa mɛ́ háya mɔŋɔlɛ́ nááyá, yaŋɔ́ tɔ́na na mɔŋɔlɛ́ anyía wáŋa na makɛ́nda me otétényíki bɔkɔ ebú u ŋeé mí cuméke ɔ ɔkɔɔ́háma buɔ́sɛ́ etéebú abɔ́ u ká ká hálɔ́mɔ́na.

2 Timoté 2:12

Mbɔ́kɔ tu ŋe sú eéhínyínyi muuyé, tu ké sú téŋgínyi ɔlɔŋɔ ne wuúci tɔ́na. Mbɔ́kɔ tu ŋe sú wuúci bínéŋítínyi, wuúci tɔ́na u káá basɔ́ bínéŋítínyi.

Ebélé 11:26

U ŋé lúmítíne ɔlɔ́kɔ́ma aatɔ́ ɔlama a asana yí *Kilís, anyía u ŋa lɛ́ca anyía yɛ́ ŋaá hɔ́la maŋaŋa mekime ma bunɔŋɔ bú Esíbit. U ŋaá kɛ́lá aáná, anyía u ŋaá bá wá hákɛ́na mɔŋɔlɛ́ a bɛnamá abɛ́ Bandɔ́mɛsɛ́ kéé wuúci námáka.

Ebélé 13:13

Túé keé wuúci kuána haaca ne iiki, tú eéhínyínyi ɔlɔ́kɔ́ma aatɔ́ ɔlama háyɛ wuúci.

Súute 1:14

A asana na baacɔ eébé Ɛnɔk, ɛndaásɛ cɛ Átam, ŋaá cáŋa ɔkɔɔna buáyá ɔsɛ : « Lɛca, Otéŋí a Waáŋá ooci kokóokó ne cííyí ɛlɔŋɔ cí bililé bɛ́ masɔ́ma e bifúúménénú biéŋí tɛ́ka na ɔmbana

Nyɛnambɔnɛna nyɛ́ bɛsana 1:7

Ɛ́ná, wa yáaŋa ɔfaaya a bɛlɔndɔ́ noómi; baacɔ bekime ké bú wuúci lɛcaka ne eése, te eebe e bé ŋe bú wuúci bɔlɔ́ a aháŋá yɛ́ nɔkɛndá. Tɔnyɛ́nɔ́ tukime tɔ́ ɔmɛsɛ́ káá lɛ́laka a yááyɛ́ asana. Ɛ́ɛ, bú káá bɛ́kɛ́láka taaká aáná, híáná yááŋa !

Nyɛnambɔnɛna nyɛ́ bɛsana 20:11

E elime eécí, ɛ ŋá lɛcá yaandándá yɛ́ nɔkɔná e yifúlúndúndúé ; míɔ lɛca ɔɔcɔ me límine hɔ́á. Aáná na ɔmɛsɛ́ na Ɔmuaná ŋeé séŋúlúéke eeyé eé buúse, bá tɛ háná biíbi lɛca ta buɔ́sɛ́.

Nyɛnambɔnɛna nyɛ́ bɛsana 21:8

Mbá a aháŋá ne biénjúénjú, ne be-ti-lumítíníne Yésus, na bakɛla ɛnjɔkɔ́nɔ́nɔ, na bɔɔ́nɔ baacɔ, na bakanda tusɔmɔ, na balɛmbalɛmba, ne benyemi bɛbɔ́kɔ́bɔ́kɔ, ne benéŋe baacɔ, bekime eébé ké ké bú límekine a nɔɔfia nú oocó ú indusí noómi ; owé ú ɔláta oócí aáná. »

Nyɛnambɔnɛna nyɛ́ bɛsana 3:5

Aáná muyáka mukime káá bɛ́háya bɔlaka e bufúlúndúndúé ; i ti ké mi nyímísi ta buɔ́sɛ́ nyíáyɛ́ nyiínyi e nufule nú olíhe. I ké mí muúmu kamɛna ne eé buúse bɔ́ Bandɔ́mɛsɛ́ ne eé buúse bɔ́ bíáyɛ́ *bililé bɛ́ masɔ́ma anyía muáŋa úúmi.