Lúkas 9:22 - Nomaande

²² mbá ɔsɛ : « Yɛ́ ŋá nyɛmána anyía Ɔɔ́nɔ́ u ɔɔcɔ á lɔ́kɔ́máka ɔkála buéŋí ; na *baáŋá bé *Besuif, ne betéŋínyi *beluli nyiínjie, ne *beékúnyi bikotí bó wuúci kíne, bó wuúci ɔ́ɔ́nɔ, mbá a matátɔ́ yɔ́ háányua o owé. »

Lúkas 9:22 Iomraidhean Croise

Matío 17:12

Mbá yaŋɔ́, ɛ ŋa mɛ́ banɔ́ láana anyíaʼo : Éli na maa fáaya ; baacɔ te o wuúci menyutune, mbá bé ŋe bú wuúci bɛ́kɛ́lákɛ́na háyɛ bé ŋe bú lénéké. Híáná tɔ́na bé ké bú kélíki Ɔɔ́nɔ́ u ɔɔcɔ. »

Matío 17:22

Ekúlú ayɛ́ bá ŋa bɔ́ bá bábɔ́ hálɔ́mɔ́kɔ́na i iisí cɛ *Kalilé, Yésus ŋá laana bááyɛ́ baákɔ́nɛ́na ɔsɛ : « Bá ŋá nyɛmána bé ofiimbie Ɔɔ́nɔ́ u ɔɔcɔ a baacɔ ;

Matío 27:63

mbá báyɛ nááyá : « Otéŋí, tu ŋa sɔ́ bɛ́táá anyía ekúlú ayɛ́ ɔfalafala ooci ŋaá bá wa yánáŋa o olíhe, u ŋaá bá waá kɔɔnaka ɔsɛ u káá háányua o owé e elime cɛ mɔɔ́sɛ́ matátɔ́.

Malɛ́kus 8:31

E elime eécí, Yésus ŋeé túme o beébe eékúnyi, ɔsɛ : « Yɛ́ ŋá nyɛmána anyía Ɔɔ́nɔ́ u ɔɔcɔ á lɔ́kɔ́máka ɔkála buéŋí ; na *baáŋá bé *Besuif, ne betéŋínyi *beluli nyiínjie, ne *beékúnyi bikotí bó wuúci kíne, báyɛ u tɛ ɔ́mɔ nyɛmána wu olíhéke, bó wuúci ɔ́ɔ́nɔ, mbá a matátɔ́, yɔ́ háányua e biwéewé. »

Malɛ́kus 9:31

anyía u ŋaá bá we yéékúnyíki bááyɛ́ *baákɔ́nɛ́na ɔsɛ : « Baacɔ ké bú mi fiimbie, yaŋɔ́ Ɔɔ́nɔ́ u ɔɔcɔ, bɔ́ mɛ ɔ́ɔ́nɔ, mbá e elime cɛ mɔɔ́sɛ́ matátɔ́, ɛ ká mɛ́ haanyua e biwéewé. »

Lúkas 17:25

Mbá ekúlú ayɛ́ Ɔɔ́nɔ́ u ɔɔcɔ tɛ ŋa kaá hálɔ́mɔ́na, u ŋá nyɛmána wu ɔ cáŋa lɔ́kɔ́máka ɔkála weéŋí, baacɔ bá hɛɛya eehi bó wuúci kíne.

Lúkas 24:26

Yɛ́ tɛ ɔ́mɔ nyɛ́mana anyía *Mesíi á lɔ́kɔ́máka ɔkála e, mbá u limine a núáyɛ́ nuúmi e nú ŋeé húle ná Bandɔ́mɛsɛ́ e ? »

Lúkas 24:44

Mbá ɔsɛ : « Ɛ ŋaá mɛ banɔ́ láákɛ́na bɛsana eébí ekúlú ayɛ́ ɛ ŋa mɛ́ bá na banɔ́. Aáná bɛsana bikime a bɛ́áŋa bɛɔ́ŋɔ́kɔ́nɔ́ a yáámɛ́ asana ne e nufule nú *bikotí nú *Moyís, ne e tufule tú *behémúnyi bɛsana, na tɔ́ Maŋana ŋáa nyɛmána bɛ́ ɔbɛ́kɛ́láka. »

Lúkas 24:7

ɔsɛ : “Yɛ́ ŋá nyɛmána anyía bé fiimbie Ɔɔ́nɔ́ u ɔɔcɔ ná baŋána, bé wuúci ɔɔ́nɔ́ waátákɛ́nánɔ́ ɔ ɔmbásá, mbá ɔ mɔɔ́sɛ́ matátɔ́ yɔ́ háányua e biwéewé.” »

Lúkas 9:44

« Ánɔ tákɛ́na eetú aámbáya, ánɔ lɔ́kɔ́ma ; baacɔ ké bú mi fiimbie, yaŋɔ́ Ɔɔ́nɔ́ u ɔɔcɔ. »

1 Kɔlɛ́ɛntɛ 15:4

bé ŋeé wuúci nyie e enyie, a matátɔ́ Bandɔ́mɛsɛ́ yó wuúci héényi o owé, háyɛ yááŋa tɔ́na yɔɔ́ŋɔ́kɔ́nɔ́.

1 Bíel 1:11

Elilé yí Kilís ŋaá cáŋacáŋa o beébe tóŋgínyi anyía Kilís káá lɔ́kɔ́máka muuyé, mbá u bɔ́ŋɔ nuúmi e elime. Buátɛ́ bɔkɔ bá ŋa bɔ́ bɛ́kɛ́ndákɛ́na omenyi ne e ekúlú yɛ́ háányɛ́ bɛsana eébí káá bɛ́kɛ́láka na anyána bɛ́ káá bámɔ́kɔ́na.