Lúkas 9:2 - Nomaande

² U ŋeé beébe tɔ́má ne o okohúlisinyi baacɔ Bɛsana bí *Butéŋí bɔ́ Bandɔ́mɛsɛ́ ne oweéŋúnyísi bɔkɔnɔ́kɔ́nɔ.

Lúkas 9:2 Iomraidhean Croise

Matío 10:5

Yésus ŋaá tɔ́mɔ́kɔ́ná *baákɔ́nɛ́na eébé bɔ́ɔ́hátá ne béfendí a masɔ́ma, yó beébe oónyísíkínyi ne mehúnyi eeme ɔsɛ : « Nuti súétéke i iisí cɛ́ baacɔ a bá tɛ ábɔ́ bá *Besuif ; nuti oofókíne a bálɛ́ka cí iisí cɛ *Samalí,

Matío 13:19

Baacɔ a bá ŋa bɔ́ lɔ́kɔ́ma Bɛsana bí *Butéŋí bɔ́ Ɔmuaná, mbá bá tɛ hɔ́la o biíbi ɔlɔ́kɔ́ma, ŋa bɔ́ hɔ́á haála ahɛ́ moohó ŋa kuákɔ́na o ohónyí ɔ ɔmuaná. Sátan ŋa fáaya, yɔ́ waáŋíáka bɛsana bikime e cííbu ɛtɛ́má.

Matío 24:14

Bé kéé húlikinyi baacɔ bekime bá ɔmɛsɛ́ okime Ambányɛ yɛ́ Ɛsɔ́ma yí *Butéŋí bɔ́ Ɔmuaná, ananyía be-ti-wuúci-menyí bekime ébú yiíyi lɔ́kɔ́máka. E elime eécí aná ɔmɛsɛ́ káá mána. »

Matío 3:2

« Ánɔ bɛ́kákálákɛ́na máánɔ́ maabɛ́, mbá nɔ sɔ́mba ɔkɔlɔ́ eé meéme, anyía Bandɔ́mɛsɛ́ a yáaŋa hoóhi ne otéŋgínyi baacɔ ! »

Malɛ́kus 16:15

Ɔsɛ náábɔ́ : « Énu ke húlíkínyi baacɔ bekime ɔ ɔmɛsɛ́ okime Ambányɛ yɛ́ Ɛsɔ́ma.

Malɛ́kus 6:12

Aáná baákɔ́nɛ́na ŋa bɔ́ hátɔ́na, bé ŋé súétéke o okohúlinyi baacɔ anyía bá bɛ́kákálákɛ́na máábɔ́ maabɛ́, mbá bá sɔ́mba ɔkɔlɔ́ eé meéme ;

Lúkas 10:1

E elime cɛ bɛsana eébí, Otéŋí a Waáŋá Yésus ŋá táfáka *baákɔ́nɛ́na bé etémbí etíne átátɔ́ ne imbuke cíɔ́hátá [ne ífendí] ; u ŋé beébe tɔ́mɔ́kɔ́na béfendí béfendí ɔ mɔnɔŋɔ mekime amá ú ŋaá bá waá yáambaka ɔ ɔcɔba.

Lúkas 10:11

“Tú me sú bíkiteke ofunú ú búánɔ́ bunɔŋɔ awɔ́ alábákɛ́na a cáásɔ́ akɔlɔ́, anyía nuánɔ lɔ́kɔ́ma aatɔ́ ɔlama. Ta híáná, énu menyi asana eeye bɔmbányɛ anyía : Bandɔ́mɛsɛ́ a yáaŋa hoóhi ne otéŋínyi baacɔ.”

Lúkas 10:9

énu eéŋúnyísíki bɔkɔnɔ́kɔ́nɔ bá buátɛ́ bunɔŋɔ ; mbá nu beébe laakɛna anyía : “Bandɔ́mɛsɛ́ a yáaŋa hoóhi ne otéŋínyi náánɔ́.”

Lúkas 16:16

Bé ŋe yeékúnyíki ne *bikotí bí *Moyís ne eékúnyi cé *behémúnyi bɛsana bá Bandɔ́mɛsɛ́ ɔ ɔkɔɔ́háma a nyɛfaaya nyɛ́ Sáaŋ Batis. O otúme a nyíáyɛ́ nyɛfaaya, bé ŋe húlínyi baacɔ Ambányɛ yɛ́ Ɛsɔ́ma anyía Bandɔ́mɛsɛ́ áŋa Otéŋí a Waáŋá ; buátɛ́ bɔkɔ ɔɔcɔ okime ŋá bɛ́kɛ́ndɛ́na owoofine haála ahá Bandɔ́mɛsɛ́ áŋa.

Lúkas 9:11

Mbá ahɛ́ baacɔ ŋa bɔ́ lɔ́kɔ́ma anyía bé me bú súétéke, bé ŋé wuúci látáka. Yésus ŋé beébe káha bɔmbányɛ, u ŋé beébe laákɛ́na Bɛsana bí *Butéŋí bɔ́ Bandɔ́mɛsɛ́. U ŋé eéŋúnyísíki bɔkɔnɔ́kɔ́nɔ.