Lúkas 9:19 - Nomaande

¹⁹ Báyɛ : « Baacɔ a bɔ́mɔtɛ́ ŋa bɔ́ kɔ́ɔna anyía ɔ ɔ́ŋa Sáaŋ Batis, a bɔ́mɔtɛ́ báyɛ ɔ ɔ́ŋa Éli, a bɔ́mɔtɛ́ tɔ́na báyɛ ɔ ɔ́ŋa *muhémúnyi bɛsana mu etémbí mɔ buáyá a mɔ́ ma háányua e biwéewé. »

Lúkas 9:19 Iomraidhean Croise

Matío 14:2

Mbá ɔsɛ ná bááyɛ́ bɔnyiɔnɔ : « I ŋe mí menyi anyía Sáaŋ Batis wáŋa ! Ú ma háanyua e biwéewé ; a asana eéyé wáŋa na makɛ́nda ma ɔkɛlaka *bikéki bɛ́ bɛsana. »

Matío 3:1

Ekúlú eyí Yésus ŋaá bá wa yá náŋa a *Násalɛt, Sáaŋ Batis ŋaá hámá i iisí cɛ ɔsɛ́bɛ́á ci Yuté ; u húle húlikinyi baacɔ Ambányɛ yɛ́ Ɛsɔ́ma ɔsɛ :

Malɛ́kus 6:14

Aáná Otéŋí Elóot ŋaá lɔ́kɔ́má baacɔ áa cámbaka nyiínyi nyí Yésus, anyía núáyɛ́ nulumí ŋaá lɔ́kɔ́máná bɛhaála bikime. Baacɔ ɔ bɔ́mɔtɛ́ ŋa bɔ́ bá bábɔ́ kɔ́ɔnaka báyɛ : « Sáaŋ Batis ma háányua e biwéewé, a asana eéyé wáŋa na makɛ́nda ma ɔkɛlaka bikéki bɛ́ bɛsana. »

Malɛ́kus 6:15

Bɔ́mɔtɛ́ báyɛ : « Éli wáŋa ! » Bɔ́mɔtɛ́ tɔ́na báyɛ : « Muhémúnyi bɛsana mɔ Bandɔ́mɛsɛ́ muáŋa ; mu ŋaá hɔ́á *muhémúnyi bɛsana mɔ Bandɔ́mɛsɛ́ a múmɔtɛ́ mɔ buáyá. »

Lúkas 9:18

Búmɔtɛ́ buɔ́sɛ́ ebú Yésus ŋaá bá waá bɛ́cɔ́kɔ́lɔ́kɛ́na Bandɔ́mɛsɛ́, bááyɛ́ *baákɔ́nɛ́na ŋaá bá hoóhi ne wuúci. Yó beébe bata ɔsɛ : « Baacɔ ŋe bú bíkéti báyɛ ya mɛ́ŋa aányɛ́ e ? »

Lúkas 9:20

Mbá ɔsɛ : « Mbá banɔ́ʼo, nɔsɛ ya mɛ́ŋa aányɛ́ e ? » Bíel ɔsɛ : « Ɔ ɔ́ŋa *Mesíi awɔ́ Bandɔ́mɛsɛ́ ŋeé télímínyi. »

Sáaŋ 1:21

Mbá báyɛ : « Aányɛ́ ɔ ɔ́ŋa e ? Ɔ ɔ́ŋa Éli e ? » Ɔsɛ : « Eéʼeé. Ɛ tɛ á mɛ bá Éli. » Báyɛ : « Ɔ ɔ́ŋa muátɛ́ muhémúnyi bɛsana mɔ Bandɔ́mɛsɛ́ e ? » Mbá ɔsɛ : « Buaka. »

Sáaŋ 1:25

Beébe, bá ŋa háná ebú wuúci báta báyɛ : « Asɛ ɔ tɛ ɔ́ bá te Mesíi, ta anyía Éli, mbá ta muátɛ́ muhémúnyi bɛsana mɔ Bandɔ́mɛsɛ́, mbá a asana a yaátɛ́ o ŋoó wootine baacɔ aná e ? »

Sáaŋ 7:40

Ɛ́makɛ́la nyɛkɔca nyɛ́ baacɔ á lɔ́kɔ́máka ɔtáŋa oócí, a bɔ́mɔtɛ́ báyɛ : « Aá taaká, ɔɔcɔ ooci áŋa Muhémúnyi bɛsana mɔ Bandɔ́mɛsɛ́ amɔ́ tu báka tuasɔ́ tátáka ! »

Sáaŋ 9:17

Báyɛ ná ɔɔcɔ oócí : « Kuɔŋɔ́ʼo, anyána o ŋóo bíkéti a yááyɛ́ aháŋá háyɛ ú mó yóo wééŋúnyísi e ? » Ɔsɛ náábɔ́ : « Wáŋa *muhémúnyi bɛsana mɔ Bandɔ́mɛsɛ́ a mumɔtɛ́. »