Lúkas 9:16 - Nomaande

¹⁶ Yésus ŋé hiíte ne biléti bɛ́táánɔ na tuɔfɔ́ túfendí, u ŋé bééti eése ɔ ɔmuaná, u ŋé iínjíé Bandɔ́mɛsɛ́ bitéŋíti, nyiínjíékíne baákɔ́nɛ́na eényí anyía bá ka ááfákɛ́na baacɔ.

Lúkas 9:16 Iomraidhean Croise

Matío 14:19

E elime eécí, u ŋá laána nyɛkɔca nyɛ́ baacɔ anyía nyí é limékíne e bihuti. U ŋé hiíte ne biléti eébí bɛ́táánɔ na tuɔfɔ́ eétú túfendí, u ŋé bééti eése ɔ ɔmuaná o owiínjie Bandɔ́mɛsɛ́ bitéŋíti. U ŋá bákáka biléti eébí, nyiínjíékíne eényí ná baákɔ́nɛ́na ; aáná baákɔ́nɛ́na ŋá bɔ́ aafákɛ́na baacɔ.

Matío 15:36

E elime eécí, u ŋé hiíte ne biléti bítíndétú nɔ́mɔ eébí na tuɔfɔ́ eétú. U ŋé íínjíé Bandɔ́mɛsɛ́ bitéŋíti, yó biíbi bákáka. U ŋé iínjíékíne baákɔ́nɛ́na ; bé ŋé beébe aafákɛ́na.

Malɛ́kus 7:34

E elime eécí, u ŋe bééti eése ɔ ɔmuaná, u ŋé hilíméténe, mbá ɔsɛ : « Ɛfááta ! », ɛ́cɛ anyía « Bíhúune ! »

Lúkas 22:19

E elime eécí, u ŋé hiíte eléti ; u ŋé iínjie Bandɔ́mɛsɛ́ bitéŋíti. U ŋé yiíyi bákáka, u ŋé beébe iínjíékíne, ɔsɛ : « Ciamɛ cɛɛ́tɔ eeci a cɛ́áŋa ciínjíénú a yáánɔ́ asana. Énu búle kɛla híáná ɔ ɔ mɛ bɛ́tááka. »

Lúkas 24:30

Ekúlú eyí bé ŋe bú túme onyíényi, u ŋé hiíte eléti, yó wíinjie Bandɔ́mɛsɛ́ bitéŋíti, yó yiíyi bákáka, u ŋé beébe iínjíékíne anyía bá nyíáka.

Lúkas 9:15

Aáná baákɔ́nɛ́na ŋa bɔ́ kɛ́láká híáná, bé ŋé limísíkínyi baacɔ bekime ɔ ɔmɛsɛ́.

Lúkas 9:17

Baacɔ bekime ŋá bɔ nyíáka, bó weécéke. Bá ŋá bándáka bikélékéti a bɛ́ ŋɔ́ lɔ́bɔ́kɔ ; bó nyióyísíki tɔnjatɛ́ túɔ́hátá ne túfendí hú mbiɔ́kɛ.

Sáaŋ 6:11

Yésus ŋeé hiíte biléti, u ŋa cáŋa owiínjie Bandɔ́mɛsɛ́ bitéŋíti, nyɛafakɛna baacɔ eényí, u ŋé beébe íínjíékíne tɔ́na tuɔfɔ́ a nyɛnamá nyikime anyɛ́ ɔɔcɔ ŋaá bá weé lénéke ɔnyíá.

Sáaŋ 6:23

Ta híáná, bɛkɔkɔ́ bí etémbí ŋaá bá aá haála ahá bá ŋa bɔ́ nyíáka biléti ebí Yésus ŋeé beébe aafákɛ́na ɛ́cɛ ú ma cáŋa owiínjie Bandɔ́mɛsɛ́ bitéŋíti. Bɛkɔkɔ́ eébí ŋaá bá bíé húlúkúne a Tibeliátɛ.

Buólí 27:35

E elime cɛ ɔtáŋa oócí, Bóol ŋé hiíte eléti, u ŋé iínjíé Bandɔ́mɛsɛ́ bitéŋíti ɔ ɔbɛ́cɔ́kɔ́lɛ́na eé buúse bɔ́ baacɔ bekime, u ŋé yiíyi bákáka, u ŋé túme ɔnyíá.

Lóom 14:6

Ɔɔcɔ awɔ́ u ŋa lɛ́ca anyía mɔɔ́sɛ́ ŋa hɔ́lana ŋa kɛ́la aáná a asana ne Otéŋí a Waáŋá ; ooci awɔ́ u tɛ ŋá táfa bɛnyɛ́ma bɛ́ ɔnyíá ŋaá kɛla aáná a asana ne Otéŋí a Waáŋá, anyía u naŋa wé yiínjíékíne Bandɔ́mɛsɛ́ bitéŋíti ɔ ɔnyíá oócí. Ooci a wɔmɔtɛ́ awɔ́ u tɛ ŋá nyíá bɛnyɛ́ma bikime hú anyía ɔyá maá yá ŋaá kɛ́la aáná a asana ne Otéŋí a Waáŋá, te wuúci tɔ́na u naŋa wé yiínjíékíne Bandɔ́mɛsɛ́ bitéŋíti a asana ne bihuti abɛ́ u ŋaá nyíá.

1 Kɔlɛ́ɛntɛ 10:30

Mbɔ́kɔ i ŋeé mi iínjie Bandɔ́mɛsɛ́ bitéŋíti a bɛnyɛ́ma abɛ́ ɛ ŋaá mɛ nyíá, mbá anyíatɛ́ aná bá ŋaá mɛ táŋɛ́na ?

1 Kɔlɛ́ɛntɛ 11:24

u ŋé iínjíé Bandɔ́mɛsɛ́ bitéŋíti, u ŋé yiíyi bákáka, mbá ɔsɛ : « Ciamɛ cɛɛ́tɔ eeci a cɛ́áŋa ciínjíénú a yáánɔ́ asana. Énu hiíte, núá nyíáka ; énu búle kɛla híáná ɔ ɔ mɛ bɛ́táá. »