Lúkas 9:1 - Nomaande

¹ Búmɔtɛ́ buɔ́sɛ́ Yésus ŋɔɔ́ lɔ́ŋɔ́kɔ́ *baákɔ́nɛ́na bɔ́ɔ́hátá ne béfendí, u ŋé beébe iínjíé makɛ́nda ne me otémbúsíki *bɛɛbɛ́ bí bililé bikime ne me oweéŋúnyísíki bɔkɔnɔ́kɔ́nɔ.

Lúkas 9:1 Iomraidhean Croise

Matío 16:19

I ké mi o wiínjie tulibe tú *Butéŋí bɔ́ Ɔmuaná. Bɔkɔ ebú o kóó koti aaha ɔ ɔmɛsɛ́, búá yáa báka bukotínyí ɔ Ɔmuaná ; bɔkɔ ebú o kóó lumitine ɔbɛ́kɛ́la aaha ɔ ɔmɛsɛ́, búá yáa báka belumítínénú ɔbɛ́kɛ́la ɔ Ɔmuaná. »

Matío 4:24

Bá ŋaá bá bé yóómísíki nyíáyɛ́ nyiínyi a bunɔŋɔ bukime bú Silíi, bé wuúci hélékéníne na baacɔ bekime a bá ŋa bɔ́ kɔ́nɔ anamánamá cá ɛkɔnɔ ikime, ne eebe abá bɛɛbɛ́ bí bililé ŋaá bá bíé yébíki, ta bɔkɔnɔ yiílíli, ta bɛsákála. Yésus beébe eéŋúnyísíki bekime.

Matío 8:9

Ɛ ŋa mɛ́ kɔɔna aáná anyía yaŋɔ́ bɛ́muátá tɔ́na ya mɛ́ŋa e butéŋí bɔ́ báámɛ *baáŋá bé buólí ; i ŋeé mi téŋínyi bicénji tɔ́na. Ɛ ŋa mɛ́ laana a yɛ́mɔtɛ́ ɛsɛ́ : “Cɔbá ehenyíé”, yɛ́ ŋa cɔ́ba ; ná a yɛ́mɔtɛ́ tɔ́na ɛsɛ́ : “Faáya aaha”, yɛ́ ŋa fáaya. Ɛ ŋa mɛ́ laana muamɛ munyiɔnɔ ɛsɛ́ : “Kɛlá eebu”, mu ŋa kɛ́la. »

Lúkas 10:1

E elime cɛ bɛsana eébí, Otéŋí a Waáŋá Yésus ŋá táfáka *baákɔ́nɛ́na bé etémbí etíne átátɔ́ ne imbuke cíɔ́hátá [ne ífendí] ; u ŋé beébe tɔ́mɔ́kɔ́na béfendí béfendí ɔ mɔnɔŋɔ mekime amá ú ŋaá bá waá yáambaka ɔ ɔcɔba.

Lúkas 10:19

Ɛ́náʼo, ɛ ŋa mɛ́ banɔ́ iínjíé na makɛ́nda ma ɔnɔsɔkɛna na mɔɔ́hɔ na ɛŋɛŋɛ́, na makɛ́nda ma ɔyákáka Sátan i ihényí ikime ; ta bɔkɔ a bɔɔbɛ́ tɛ káá banɔ́ kɛ́la.

Sáaŋ 14:12

Ɛ ŋa mɛ́ banɔ́ láana aá taaká ɛsɛ́ : Ɔɔcɔ awɔ́ u ŋaá háya mɔŋɔlɛ́ náámɛ káá kɛ́laka tɔ́na monyiókínyí amɔ́ ɛ ŋa mɛ́ kɛla. U ké túné á kɛ́laka te eeme a mɔ́ á hɔ́la, anyía míɔ cɔba a maabána ma ciamɛ Síkíne.

Buólí 1:8

Asana ɔ́mɔtɛ́, Bandɔ́mɛsɛ́ káá banɔ́ iínjie makɛ́nda ekúlú eyí *Efúúménénú yí Elilé ké yóofine náánɔ́, nu ká nɔ́ bámɔ́kɔ́nɛ́na báámɛ bambasɔ́mbásɔ, núo bíkétíkínyi baacɔ bɛsana ebí nú ŋe nú menyi aámɛ a asana, o otúme e Yelúsalɛm, ɔ ɔháma i iisí ne ci *Yuté ikime na cɛ *Samalí, ɔ ɔkɔɔ́háma ɔ mɔnɔŋɔ mekime me nyióndi ma ɔmɛsɛ́ ooci. »

Buólí 3:16

Asana yɛ́ ɔɔcɔ ooci awɔ́ nu ŋa nɔ́ lɛ́ca, nu wuúci menyukune áŋa anyía, makɛ́nda me nyiínyi nyí Yésus má ma kɛ́la anyía wá kɛ́nda a asana eyí tu ŋe sú wuúci lumitinine. Ɛ́ɛ, asana ayɛ́ tu ŋa sɔ́ háya mɔŋɔlɛ́ né Yésus má kɛ́la anyía ɔɔcɔ ooci á yaáŋɔ́núá buúse bukime, banɔ́ bɛ́muátá nu lɛcaka.

Buólí 4:30

Ɔ́ɔ basɔ́ iínjíé mɔɔwɔ makɛ́nda anyía túésú eéŋúnyísíki baacɔ ɛkɔnɔ, tu kɛlaka tɔ́na ne bikéki bí tubílícínyínyí ne bikémése bɛ́ bɛsana a makɛ́nda me Yésus, muɔwɔ Munyiɔnɔ e mufúúménénú. »

Buólí 9:34

Mbá Bíel ɔsɛ nááyá : « Ɛ́nɛ́ɛ, Yésus *Kilís mé yóo weéŋúnyísi ! Hatɔ́na ɛndánáka, laŋɔ́náka búɔ́wɔ buaná. » Hú aá yaátɛ́ ekúlú, Ɛ́nɛ́ɛ ŋá hatɔ́na ɛndánáka.