Lúkas 8:47 - Nomaande

⁴⁷ Ɛ́makɛ́la oónjú áa lɛ́cá anyía bé meé wuúci menyi, u ŋé bíkósíti, u nakamaka, u ŋé túmíne Yésus eŋéndu. U ŋé wuúci bíkétíkínyi eé buúse bɔ́ baacɔ bekime na anyíatɛ́ weé wuúci bítíse na anyána weé tényí a yááŋɔ́nua.

Lúkas 8:47 Iomraidhean Croise

Matío 28:8

Bé ŋé tényí ábɔ́ hatɔ́na fiaŋɔ e eenyie. Ɛtɛ́má inyíóyókónú ne bulíkílíki ne obíléne áyá hú mbiɔ́kɛ. Bé ŋé súéte, bá cábakɛna ɔ ɔkɔláana baákɔ́nɛ́na ɛsɔ́ma eécí.

Malɛ́kus 5:33

Oónjú oócí ŋaá bá waá nákamaka ne bulíkílíki buéŋí, anyía u ŋaá bá weé ményukune asana a yɛ́ maá bɛ́kɛ́láka nááyá. U ŋé túmíne Yésus eŋéndu, u ŋé wuúci bɛ́lɛ́áŋɔ́nákɛ́na taaká ikime.

Lúkas 8:46

Mbá ɔsɛ : « Ɔɔcɔ a wɔmɔtɛ́ meé mi bítíse, anyía ɛ́ maá mɛ bɛ́lɔ́kɔ́ma makɛ́nda maá mɛ háma á cɛɛ́tɔ. »

Lúkas 8:48

Mbá Yésus ɔsɛ : « Meemé, uúwú olumitinine mó yóo nohi. Oóʼo, a cɔba bɔmbányɛʼo ! »

Buólí 16:29

Aáná mutétényi ciíbe cɛ ɛcaná ŋaá bátá anyía bé wuúci héléníne *lámba ; bé ŋe wuúci héléníné. U ŋgó oofine o owoofine e ekéti yí ciíbe eéyé, u nakamaka hú bakɔ bakɔ bakɔ ; u ŋá bɛ́áhɛ́nɛ́na ne Bóol ne Sílas a akɔlɔ́.

1 Kɔlɛ́ɛntɛ 2:3

Yaŋɔ́ bɛ́muátá, ekúlú ayɛ́ ɛ ŋaá mɛ bá náánɔ́, ɛ ŋaá mɛ bá na makasa, ne bulíkílíki ɔ ɔtɛ́má, ɛ nakámáka hú bakɔ bakɔ bakɔ.

2 Kɔlɛ́ɛntɛ 7:15

Aáná nulénéne anɔ́ u ŋaá banɔ́ léne áŋa nuhɔ́lánɔ́ buéŋí, ekúlú ekime ayɛ́ u ŋa bɛ́táá nyíánɔ́ nyɛlɔ́kɔ́mɛ́na anyɛ́ nua nɔ́ŋa bé wuúci lɔ́kɔ́mákɛ́nánɔ́ banɔ́ bekime, ɔlata ne nyikéke enyí nú ŋe nú wuúci kékéké ne bulíkílíki.

Filibí 2:12

Yaátɛ́ asana, baláamɛ bá ɔtɛ́má, nu ne meé nú túme ɔ mɛ lɔ́kɔ́mɛ́na ekúlú ayɛ́ ɛ ŋa mɛ́ bámɔ́kɔ́ná aanɔ́ ɛ ɛkatɛ́katɛ́ ; aáná búáŋa bɔmbányɛ ɔ ɔhɔla anyía nuánɔ́ cɔbáka ne buúse ɔ ɔ mɛ lɔ́kɔ́mɛ́na te ekúlú ayɛ́ ɛ tɛ ámɛ bá aanɔ́ a maabána. Bandɔ́mɛsɛ́ u ŋaá banɔ́ nóhi ; yaátɛ́ asana nuanɔ́ nyɛmána nú ɔbɛ́kɛ́ndákɛ́na o wuúci nyiɔnɔ buólí ne nyikéke nyiéŋí.

Ebélé 12:28

Yaátɛ́ asana túásɔ́ nyɛmána tú owiínjíékíne Bandɔ́mɛsɛ́ bitéŋíti, anyía u ŋaá basɔ́ iínjie bunɔŋɔ e bú ti ŋée bínyíényi. Túé nyemíki Bandɔ́mɛsɛ́ a nyɛnamá e nyí ŋeé wuúci bíléníne, tú wuúci lɔ́kɔ́mákɛ́na, tú wuúci kékéke.