Lúkas 8:21 - Nomaande

²¹ Mbá ɔsɛ : « Na ciamɛ iinyí na báámɛ benyíinyí á bɔ́ŋa eebe a bá ŋa bɔ́ lɔ́kɔ́ma Bɛsana bɛ́ Bandɔ́mɛsɛ́, bé biíbi látákɛ́na. »

Lúkas 8:21 Iomraidhean Croise

Matío 17:5

U ŋaá bá wa yánáŋa ɔ ɔtáŋa aáná, bé ŋe síke ebú bítéme amuanyɛmuanyɛ yɛ́ ɔlɔndɔ́ meé beébe bíhuéne ; okelú ŋá lɔ́kɔ́máná ɔ ɔlɔndɔ́ noómi, ú kɔ́ɔnaka ɔ́sɛ : « Ooci áŋa uumi ɔɔ́nɔ́ u ɔtɛ́má, ɛ́ maá mɛ háya úúmi obíléne okime nááyá. Énu wuúci lɔ́kɔ́mákɛ́na. »

Matío 25:40

Aáná Otéŋí a Waáŋá kéé beébe bɛ́káma ɔsɛ : “Ɛ ŋaá mɛ banɔ́ láana aá taaká isíʼo : Ekúlú ekime ayɛ́ nú ŋa nɔ́ kɛ́lákɛ́na ta hɛnɔ́sɛ́nɔ́sɛ́ hɛ́mɔtɛ́ a báámɛ benyíinyí eebe, yaŋɔ́ oócí nu ŋa nɔ́ kɛ́lákɛ́na aáná.”

Matío 25:45

Mbá u kéé beébe bɛ́káma ɔsɛ : “Ɛ ŋaá mɛ banɔ́ láana aá taaká isíʼo : Ekúlú ekime ayɛ́ nu tɛ ɔ́mɔ nɔ́ kɛ́lɛna ta hɛnɔ́sɛ́nɔ́sɛ́ hɛ́mɔtɛ́ a banásɛ́ eebe, yaŋɔ́ oócí nú tɛ ɔ́mɔ nɔ́ kɛ́lɛna aáná.”

Matío 28:10

Mbá Yésus ɔsɛ : « Nuti líkíméke, ánɔ cɔba yáaŋa nú kaá láána báámɛ benyíinyí anyía bá cɔba a Kalilé ; hɔ́á bá ká bɔ́ mɛ́ lɛcaka. »

Lúkas 8:15

Eeme tɔ́na a má ŋa kuakɔ́na a ambányɛ yɛ́ ɔmɛsɛ́ áŋa háyɛ baacɔ a bá ŋa bɔ́ lɔ́kɔ́máka Bɛsana bɛ́ Bandɔ́mɛsɛ́ na atálɛ́mánánɔ́ yɛ́ ɔtɛ́má, bé biíbi tétényíki bɔmbányɛ e cííbú ɛtɛ́má, bé ti biíbi bɛ́hɔ́ya, bá hááka ne oweéhínyínyi bɛtámá háyɛ bɛnyɛ́ma a bɛ́ ŋaá háá. »

Lúkas 8:20

Bé ŋgée wuúci laána báyɛ : « Na ɔɔnyia na bɔnɔ́ɔnyia á bɔ́ŋa a nɔháatɛ́, bá ŋa bɔ́ aamba ɔ́ kuɔŋɔ́ lɛ́ca. »

Sáaŋ 13:17

Nú me nú ményi aáná aámbáya ; nua nɔ́ŋa bambányɛ mbɔ́kɔ nu ŋá nɔ́ bɛ́kɛ́lákɛ́na híáná.

Sáaŋ 20:17

Mbá Yésus ɔsɛ : « Eti mi yeényísi, anyía ɛ tɛ ŋá mɛ́ bááta ɔ Ɔmuaná ná ciamɛ́ Síkíne. Cɔbá, ká ká laána báámɛ benyíinyí anyía míɔ bááta ɔ Ɔmuaná né Síkíne a wáŋa cianɔ́ Síkíne ; wáŋa ciamɛ Bandɔ́mɛsɛ́, wuúci tɔ́na cianɔ́ Bandɔ́mɛsɛ́. »

2 Kɔlɛ́ɛntɛ 5:16

Yaátɛ́ asana, o otúme aámbáya basɔ́, tu tɛ ŋá háná asɔ́ lɛca baacɔ háyɛ baacɔ bá bɔtɔhɔ, te yiíyi anyía tu ŋa sɔ́ lɛ́cáka Kilís aáná ; mbá aámbáya tu tɛ ŋá háná esú wuúci lɛca aáná.

2 Kɔlɛ́ɛntɛ 6:18

Ɛ́ɛhɛ́ ɛ ká mɛ bá cianɔ́ Síkíne, núɔ́ bámɔ́kɔ́na báámɛ baáná, ne e beénjú, na a banɔ́mɔcɔ́. Buhúnyi bú Síkíne Bandɔ́mɛsɛ́, Alámakɛ́nda, eébú búáŋa. »

Sáak 1:22

Nuti bínéŋéke banɔ́ bɛ́muátá ɔ ɔlɔ́kɔ́máka bɔ lɔ́kɔ́máka Bɛsana bɛ́ Bandɔ́mɛsɛ́, mbá énu biíbi látákɛ́na.

1 Sáaŋ 2:29

Ahɛ́ nu ŋe nú menyi anyía wáŋa atálɛ́mánánɔ́ yɛ́ ɔɔcɔ eé buúse bɔ́ Bandɔ́mɛsɛ́, énu menyí tɔ́na anyía ɔɔcɔ okime awɔ́ u ŋa kɛ́la bɛsana a bɛtálɛ́mánánɔ́ áŋa uuyé ɔɔ́nɔ́.

3 Sáaŋ 1:11

Aláamɛ, eti kétíkínyínyi nyɛbɛ́kɛ́lɛ́na a nyɛɛbɛ́, mbá látákɛ́na a nyɛmbányɛ, anyía ɔɔcɔ awɔ́ u náŋa waá kɛ́laka bɛmbányɛ bɛ́ bɛsana áŋa ɔɔ́nɔ́ u Bandɔ́mɛsɛ́. Mbá ɔɔcɔ awɔ́ u náŋa waá kɛ́laka bɛɛbɛ́ bɛ́ bɛsana ti ŋé ményi Bandɔ́mɛsɛ́.