Lúkas 8:15 - Nomaande

¹⁵ Eeme tɔ́na a má ŋa kuakɔ́na a ambányɛ yɛ́ ɔmɛsɛ́ áŋa háyɛ baacɔ a bá ŋa bɔ́ lɔ́kɔ́máka Bɛsana bɛ́ Bandɔ́mɛsɛ́ na atálɛ́mánánɔ́ yɛ́ ɔtɛ́má, bé biíbi tétényíki bɔmbányɛ e cííbú ɛtɛ́má, bé ti biíbi bɛ́hɔ́ya, bá hááka ne oweéhínyínyi bɛtámá háyɛ bɛnyɛ́ma a bɛ́ ŋaá háá. »

Lúkas 8:15 Iomraidhean Croise

Matío 24:13

Mbá ɔɔcɔ ewú u kéé yeéhíkínyínyi muuyé ɔ ɔkɔɔ́háma a nyɛmana, Bandɔ́mɛsɛ́ kéé wuúci nohi.

Lúkas 11:28

Mbá Yésus ɔsɛ : « Ɛ́ɛ, yááŋa taaká mbá baacɔ a bá bɔ́ŋa bambányɛ á bɔ́ŋa eebe a bá ŋa bɔ́ lɔ́kɔ́ma Bɛsana bɛ́ Bandɔ́mɛsɛ́, bé biíbi látákɛ́na. »

Lúkas 6:45

Mɔkɛla bɔmbányɛ ŋa kɛ́la bɛmbányɛ bɛ́ bɛsana, anyía yááyɛ́ ambányɛ yɛ́ ɔtɛ́má ŋeé wuúci tɔ́ma o o biíbi kɛla ; mɔkɛla maabɛ́ ŋa kɛ́la bɛɛbɛ́ bɛ́ bɛsana, anyía yááyɛ́ aabɛ́ yɛ́ ɔtɛ́má ŋeé wuúci tɔ́ma o o biíbi kɛla. Yááŋa anyía nyuúté ŋe hémúnyi bɛsana e bí mó nyióyóko ɔ ɔtɛ́má hú mbiɔ́kɛ. »

Lúkas 8:14

Eeme a má ŋa kuákɔ́na aá haála ahá tɔlandɔna naŋa túá lɔaka áŋa háyɛ baacɔ eebe a bá ŋa bɔ́ lɔ́kɔ́máká Bɛsana bɛ́ Bandɔ́mɛsɛ́, ɔ ɔcɔba ne buúse, ibíkéti ciéŋí ŋeé nyíóyo a bíábɔ́ bɛɛtɔ́, bɔnɔ́mɛ bɔ́ ɔmɛsɛ́ ŋe beébe hatɛ́ákɛ́na, bɔmbányɛ bú olíhe ŋé beébe nɔnjɛ́na ; buátɛ́ bɔkɔ bé ti ómo bú héyísi bɛtámá a bíɔ́nɛ́nánɔ́.

Lúkas 8:16

« Ɔɔcɔ naŋa u tɛ á cíá *lámba anyía wé ciíci húé a alɔŋgá noómi, ta anyía wé ciíci háya e bukúndúlumú bú buaná, mbá ɔɔcɔ ŋaá cia lámba anyía wé ciíci tála a búáyɛ́ butálɛ́ná, anyía baacɔ e bé ŋé bú óófine eé ciíbe bá bɛ́lɛ́cákɛ́na.

Sáaŋ 14:15

Mbɔ́kɔ nu ŋe nú mi léne, ánɔ látákɛ́na úúmi ɔtáŋa.

Sáaŋ 15:10

Mbɔ́kɔ nu ŋá nɔ́ látákɛ́na úúmi ɔtáŋa, nu ké nú límine a núámɛ nulénéne noómi, háyɛ yaŋɔ́ tɔ́na ɛ́ ŋaá mɛ látákɛ́na ɔtáŋa ú ciamɛ Síkíne, mío limekine eeyé e nulénéne noómi.

Lóom 2:7

Aáná, a aháŋá na baacɔ e bé ŋe bú bíínjie ɔ ɔkɛla bɛmbányɛ bɛ́ bɛsana, bá aambaka anyía Bandɔ́mɛsɛ́ é beébe iínjie nuúmi, wé beébe bɛ́sɔ́mɔ́kɔ, wé beébe iínjíékíne ɛndɛfɔnɔ́ cɛ cɛɛ́tɔ : Beébe eébé u káá kɛla anyía bébú líhéke yɔɔ́sɔɔ́sɔ yí olíhe yí ekúlú ekime.

Lóom 6:22

Mbá aámbáya Bandɔ́mɛsɛ́ ma banɔ́ kátɔ́náka a buɔ́lɛ́ bɔ́ nyɛkɛla nyɛ́ bɛɛbɛ́ bɛ́ bɛsana ; nua nuáŋa bɛɔ́lɛ́ bɛ́ Bandɔ́mɛsɛ́. Bíánɔ́ bɛnamá áŋa olíhéke efúúménénú yí olíhe, nyibíóndísínyi áŋa ɔbɔ́ŋɔ yɔɔ́sɔɔ́sɔ yí olíhe yí ekúlú ekime.

Lóom 7:18

ananyía i ŋe mí menyi a nyiámɛ nyɛbá nyɛ́ ɔɔcɔ anyía bɔkɔ a bɔmbányɛ tɛ ŋaá háma e úúmi ɔtɛ́má noómi. Ɛ ŋa mɛ́ aamba ɔkɛla bɔmbányɛ, mbá ɛ tɛ bɔ́ŋɔ ohónyí wú o buúbu kɛlaka.

Lóom 7:4

*Híáná yááŋa tɔ́na, banɔ́ báámɛ benyíinyí, a asana ayɛ́ nua nɔ́ŋa balatákánɔ́ e nyimónjóló na cɛɛ́tɔ ci *Kilís e elime ci úúyé owé, nua nuáŋa háyɛ ebewéékúnénú e bikotí ɔ ɔkɛla anyía ɔɔcɔ u etémbí á banɔ́ mánákɛ́na tɔ́na. Wuúci wáŋa Kilís awɔ́ u ŋaá háányúa e biwéewé ɔ ɔkɛla anyía túásɔ́ kɛ́láka bɛmbányɛ bɛ́ bɛsana e bí ŋeé bíléníne Bandɔ́mɛsɛ́.

Lóom 8:25

Mbá tua suánáŋa na mɔŋɔlɛ́ a bɔkɔ abɔ́ tu tɛ ŋá sɔ́ lɛca ; aáná tú me sú eéhínyínyi o buúbu tátá.

1 Kɔlɛ́ɛntɛ 7:19

Ta kuɔŋɔ́ ɔbɛ́ácánɔ́, ta kuɔŋɔ́ iindú, bú tɛ ŋɔ́ yɔ́ɔ́lɔ ta bɔkɔ buúse bukime. Bɔkɔ a bɔ́ ŋɔ yɔ́ɔlɔ ɔ ɔhɔla áŋa hú anyía ɔ́ɔ látákɛ́na *bikotí bɛ́ Bandɔ́mɛsɛ́.

Ɛfɛ́ɛsɛ 2:8

Yááŋa anyía Bandɔ́mɛsɛ́ ŋaá banɔ́ nóhí a asana ne úúnú olumitinine, tɛ́ cáŋa a asana na bɛsana bɛ́ búánɔ́ buólí, mbá a yááyɛ́ yaála yí nuubo ;

Filibí 1:11

Yésus Kilís káá banɔ́ íínjie makɛ́nda ma ɔkɛlaka bɛmbányɛ bɛ́ bɛsana ; aáná baacɔ ké bú iínjíékíne Bandɔ́mɛsɛ́ ne nuúmi ne nyinyemi a nyíánɔ́ nyɛbɛ́kɛ́lɛ́na eényí.

Kolóso 1:10

Aáná nu ké búle anɔ́ kɛ́la bɛsana e bí ŋeé bíléníne Otéŋí a Waáŋá Yésus Kilís, núɔ́ kɛlaka anamánamá cá bɛmbányɛ bɛ́ bɛsana, nu menyukune bɔmbányɛ bɔmbányɛ Bandɔ́mɛsɛ́.

Kolóso 1:6

Ambányɛ yɛ́ Ɛsɔ́ma eéyé ŋa kaáhámá aanɔ́ ɛ ɛkatɛ́katɛ́. Yɛ́ ŋa kɛ́la anyía belumitinine á kɛláka bɛmbányɛ bɛ́ bɛsana ɔ ɔmɛsɛ́ okime. Baacɔ e bé ŋe bú lúmitinine ŋe bú téke. Híáná yɛ́ ŋaá kɛ́láka náánɔ́ o otúme buɔ́sɛ́ bú buúse ebú nu ŋe nú yiíyi lɔ́kɔ́máka, núo menyi taaká taaká yaála yí nuubo yɛ́ Bandɔ́mɛsɛ́.

Ebélé 10:36

Nu ŋa nɔ́ nyɛmána nú oweéhínyínyi buéŋí, aáná nu ká nɔ́ kɛlaka bɛsana e bí ŋé bíléníne Bandɔ́mɛsɛ́, núó hiíte bɔkɔ abɔ́ u ŋa banɔ́ bɛ́tánɛ́na.

Ebélé 2:1

Buátɛ́ bɔkɔ túásɔ́ nyɛ́maná tú o búle bíínjie ɔ ɔlátɛ́na bɛsana abɛ́ tú ŋa sɔ́ lɔ́kɔ́máká, anyía mbɔ́kɔ tu tɛ ŋá sɔ́ kɛ́la aáná, tú ma sɔ́ nána ohónyí.

Sáak 1:4

Ánɔ kɛlaka anyía ɔwɔɔ́nɛ́na ú cíínú ɛtɛ́má ó tóŋínyi nyɛkɛla bɛsana a nyɛmbányɛ anyía nuánɔ́ bɛ́cáŋáka taaká taaká cɛ́ baacɔ tɛ́ka na tɔkɔma, ta bɔkɔ a búmɔtɛ́ tɛ́ banɔ́ bɛ́ámbɛ́na.

1 Sáaŋ 2:3

Mbɔ́kɔ tu naŋa tuasɔ́ látákɛ́na *bikotí bɛ́ Bandɔ́mɛsɛ́, bú ŋo tóŋínyi anyía tu ŋe sú wuúci menyi bɔmbányɛ.