Lúkas 8:1 - Nomaande

¹ E elime eécí Yésus ŋa cɔ́ba, u húlé kándaka na a bálɛ́ka na ɔ mɔnɔŋɔ, u húlikinyi baacɔ Ambányɛ yɛ́ Ɛsɔ́ma anyía Bandɔ́mɛsɛ́ áŋa Otéŋí a Waáŋá ; u ŋaá bá ɔlɔŋɔ na bááyɛ́ *baákɔ́nɛ́na bɔ́ɔ́hátá ne béfendí.

Lúkas 8:1 Iomraidhean Croise

Matío 11:1

Ɛŋakɛlá Yésus á máná ɔlaana bááyɛ́ *baákɔ́nɛ́na bɔ́ɔ́hátá ne béfendí bɛsana abɛ́ bábɔ́ nyɛmána bá ɔkɛlaka, u ŋá hátɔna aáhá, u ŋé súéte ne o o húle eékúnyi ne o ohulinyi baacɔ bá bálɛ́ka cí iisí eécí Ambányɛ yɛ́ Ɛsɔ́ma.

Matío 13:19

Baacɔ a bá ŋa bɔ́ lɔ́kɔ́ma Bɛsana bí *Butéŋí bɔ́ Ɔmuaná, mbá bá tɛ hɔ́la o biíbi ɔlɔ́kɔ́ma, ŋa bɔ́ hɔ́á haála ahɛ́ moohó ŋa kuákɔ́na o ohónyí ɔ ɔmuaná. Sátan ŋa fáaya, yɔ́ waáŋíáka bɛsana bikime e cííbu ɛtɛ́má.

Matío 4:23

Yésus ŋaá bá u húle á kándaka i iisí cɛ Kalilé ikime ; wé éékúnyíki a *bɛndaŋía bɛ́ ɔbɛ́cɔ́kɔ́lɛ́na bí *Besuif bí iisí ikime eécí, u hulikinyi baacɔ Ambányɛ yɛ́ Ɛsɔ́ma yí *Butéŋí bɔ́ Ɔmuaná, we ééŋúnyísíki tɔ́na baacɔ ne cííbú ɛkɔnɔ ikime na bíábɔ́ bɛfɛ́kɛ́ bikime.

Matío 9:35

Yésus ŋaá bá u húlé á kándaka na a bálɛ́ka ciéŋí na ɔ mɔnɔŋɔ meéŋí ; u eékúnyíki baacɔ a *bɛndaŋía bɛ́ ɔbɛ́cɔ́kɔ́lɛ́na bí *Besuif, u beébe hulikinyi Ambányɛ yɛ́ Ɛsɔ́ma yí *Butéŋí bɔ́ Ɔmuaná, u eéŋúnyísíki na bɔkɔnɔ́kɔ́nɔ bekime na baacɔ bá bɛfɛ́kɛ́ bekime.

Malɛ́kus 1:39

Aáná u ŋaá bá u húle á kándaka i iisí cɛ *Kalilé ikime, u húle húlikinyi baacɔ Ambányɛ yɛ́ Ɛsɔ́ma a *bɛndaŋía bɛ́ ɔbɛ́cɔ́kɔ́lɛ́na bí *Besuif, u hémúkúnyi *bɛɛbɛ́ bí bililé a baacɔ.

Lúkas 1:80

Aáná ɔɔ́nɔmbɔ́ ŋaá bá wɔ yɔ́ɔmbɔkɔ, ciayɛ́ injiŋé ɔɔ́nɔ́kɛ́na. U ŋeé limékíne i iisí cɛ ɔsɛ́bɛ́á ɔ ɔkɔɔ́háma buɔ́sɛ́ ebú ú ŋeé bítóŋínyi eé buúse bɔ́ baacɔ bé Islayɛ́l.

Lúkas 20:1

Búmɔtɛ́ buɔ́sɛ́ Yésus ŋaá bá we yeékúnyíki baacɔ eé *Ciíbe cɛ Bandɔ́mɛsɛ́ ; u beébe hulikinyi Ambányɛ yɛ́ Ɛsɔ́ma. Ne betéŋínyi *beluli nyiínjie, ne *beékúnyi bikotí na *baáŋá bé *Besuif ŋa bɔ́ fáaya nááyá,

Lúkas 4:18

« Elilé yí Otéŋí a Waáŋá áŋa náámɛ, anyía u ŋá mɛ lɔtɔ́ anyía yémí hulíkinyi basɔ́kásɔ́ka Ambányɛ yɛ́ Ɛsɔ́ma, yémi sobíki anyía bɛɔ́lɛ́ káá bá bɛháŋɔ́nákánɔ́. Bendíméndíme ká bɔ́ lɛ́cakana tɔ́na. Yémi kétúnyíki baacɔ abá bɔsɔ́ɔ́kɔ́ ŋe bú beébe tekese.

Lúkas 9:6

Baákɔ́nɛ́na ŋa bɔ́ hátɔna, bé ŋé súéte a mɔnɔŋɔ mekime ; haála hekime ahá bábɔ́ háma bé húlikinyi baacɔ Ambányɛ yɛ́ Ɛsɔ́ma, bé eéŋúnyísíki bɔkɔnɔ́kɔ́nɔ.

Buólí 10:38

Nú ŋe nú ményi tɔ́na anyána Bandɔ́mɛsɛ́ ŋe yíinjíé Yésus, ɔɔcɔ u *Násalɛt, makɛ́nda me *Efúúménénú yí Elilé. Nú ŋe nú ményi tɔ́na anyána Yésus ŋaá bá u húlé á kándaka, u kɛlaka baacɔ bɔmbányɛ, u eéŋúnyísíki baacɔ bekime abá Musɔ́mɛ́na ŋaá bá mú ma hátɛakɛna. Yááŋa anyía Bandɔ́mɛsɛ́ ŋaá bá ne wuúci.

Buólí 13:32

Basɔ́ bɛ́muátá eebe tú ma sɔ́ banɔ́ héléníne Ambányɛ yɛ́ Ɛsɔ́ma eeye. Yááŋa asana ayɛ́ Bandɔ́mɛsɛ́ ŋaá bɛ́tánɛ́ná cíísú sɔ́kɔ́nɔ́ ;

Lóom 10:15

Mbá anyána aná bá bɔ́ŋa bé okohúlikinyi baacɔ yááyɛ́ asana mbɔ́kɔ bé tí omó beébe tɔ́mɔ́kɔ́na e ? Aáná yááŋa yɔɔ́ŋɔ́kɔ́nɔ́ anyía : « Bú ŋa hɔ́la ɔhɛka anyía ɔ́ɔ lɛcáka baacɔ a bá bɔ́ŋa na bɛmbányɛ́kɛ́ bɛ́ ɛsɔ́ma ábɔ́ fáakɔna. »