Biblia Todo Logo
Bìoball air-loidhne

- Sanasan -




Lúkas 7:47 - Nomaande

47 Ɛ́ɛhɛ́ ɛ́ ŋɔ mɛ́ ɔ laana anyía nyɛnamá nyí oléne enyí ú ŋeé mi léne ŋo tóŋínyi anyía Bandɔ́mɛsɛ́ meé wuúci nyɛanɛna mááyɛ́ maabɛ́ mekime meéŋí. Menyí asɛ́, ɔɔcɔ okime awɔ́ bá ŋa nyɛanɛnɛna butíkítíki ŋeé léne butíkítíki tɔ́na. »

Faic an caibideil Dèan lethbhreac




Lúkas 7:47
25 Iomraidhean Croise  

Mbɔ́kɔ ɔɔcɔ ti ŋé mi léne ɔ ɔhɔla nyɛnamá enyí u ŋeé léne ne síkíne ne iinyí, u tɛ á bá ooci awɔ́ á nyɛmána wu ɔbá uumi. Ɔɔcɔ ewú u kéé lénéke uuyé ɔɔ́nɔ́ a wɔnɔ́mɔcɔ́ ta anyía e woónjú ɔ ɔ mɛ hɔla, tɛ á bá ooci awɔ́ á nyɛmána wu ɔbá uumi.


Ɛ́makɛ́la ɔɔcɔ u Bafalisiɛ́ŋ awɔ́ u ŋɔ lɔ́ŋɔ́kɔ́ Yésus á lɛ́cá aáná, u ŋé bíketi e uúye ɔtɛ́má ɔsɛ : « Hmm, mbɔ́kɔ ɔɔcɔ ooci á bá taaká *muhémúnyi bɛsana mɔ Bandɔ́mɛsɛ́, keyé ú me menyi aányɛ́ wáŋa nyɛnamá nyí oónjú e nyí me wuúci bítíse ; yó ményi anyía mɔkɛla maabɛ́ e muénjú muáŋa. »


O ti ómoó mí feefi ɔsɔŋɔ a yáámɛ aatɔ́, mbá wuúci ú meé mi feefiki ɔsɔŋɔ yí enumbé a akɔlɔ́.


Mbá Yésus ɔsɛ né oónjú : « Ɛ́ mɔ mɛ́ ɔ nyɛanɛnɛna mɔɔwɔ maabɛ́. »


Bandɔ́mɛsɛ́ ŋeé bééti Yésus ɔ Ɔmuaná a aháŋá yí úúyé ɔɔbɔ́ ú manɔ́mɛ ; u ŋé wuúci télímínyi ne Otéŋí ne Munohi baacɔ ɔ ɔkɛla anyía baacɔ bé *Islayɛ́l ábɔ́ bɔ́ŋɔ ohónyí wú ɔbɛ́kákálákɛ́na máábɔ́ maabɛ́, mbá bá sɔ́mba ɔkɔlɔ́ eé meéme, Bandɔ́mɛsɛ́ yó beébe nyɛ́anakɛna máábɔ́ maabɛ́.


A asana ne bikotí bí Moyís, Bandɔ́mɛsɛ́ ŋeé biíbi iínjíékíne anyía bɔɔbɛ́ é tékéke. Mbá, ekúlú ayɛ́ bɔɔbɛ́ bɔ́ baacɔ ŋe tékéke, yaála yí nuubo yɛ́ Bandɔ́mɛsɛ́ ŋe tékéke tɔ́na buéŋí ɔ ɔhɔla.


Yááŋa anyía nulénéne nú *Kilís náásɔ́ ŋaá basɔ́ íínjie makɛ́nda ma ɔnyiɔkɛna bɔsɔ́ɔ́kɔ́ buólí, basɔ́ tu ŋe sú ményi taaká anyía ɔɔcɔ ɔmɔtɛ́ ŋeé wééné eé buúse bɔ́ baacɔ bekime, aáná baacɔ bekime ŋe bú wéékúné ɔlɔŋɔ ne wuúci.


Yááŋa anyía ɔ ɔɔcɔ okime a wáŋa e nyimónjóló ne Yésus Kilís, te wuúci ɔbɛ́ácánɔ́ te wuúci iindú, bú ti ŋé wuúci ɔɔ́lɔ ta bɔkɔ. Bɔkɔ a bɔ́ ŋɔ yɔɔ́lɔ áŋa hɛ́ anyía wá bá ne olumitinine ɔ ɔtɛ́má noómi ewú ú ŋe wuúci kɛla anyía wé lénéke bɔsɔ́ɔ́kɔ́.


Bandɔ́mɛsɛ́ á sáyábákɛ́na baacɔ bekime e bé ŋe bú léne uusú Otéŋí a Waáŋá Yésus Kilís ne nulénéne a nɔ́ tɛ ŋáá mána ta buɔ́sɛ́.


Aáná ɛ ŋa mɛ́ banɔ́ bɛ́cɔ́kɔ́lɛ́nɛ́na Bandɔ́mɛsɛ́ anyía núánɔ́ nulénéne á ááŋánáka bɔmbányɛ bɔmbányɛ a nyɛnamá anyɛ́ nua nɔ́ŋa nú omenyi taaká cɛ́ bɛsana cɛ́ Bandɔ́mɛsɛ́, nuó ményi obúlúne bɛtálɛ́mánánɔ́ bɛ́ bɛsana,


Uusú Otéŋí a Waáŋá ŋaá mɛ sayábákɛ́na buéŋí, yó mi iínjie makɛ́nda na ma ɔhákɛ́na mɔŋɔlɛ́ nááyá ne me olénéke bɔsɔ́ɔ́kɔ́.


Asana ɔ́mɔtɛ́, mbɔ́kɔ tu ŋe sú líhe e eese noómi háyɛ Bandɔ́mɛsɛ́ wuúci bɛ́muátá ŋé líhe e eese noómi, tua sɔ́áŋa e nyimónjóló basɔ́ na basɔ́, manɔ́ŋɔ́ me uuyé Ɔɔ́nɔ́ Yésus ŋaá basɔ́ fúúmínyi a búásɔ́ bɔɔbɛ́ bukime.


Banɔ́, báámɛ baáná, tu tɛ ɔ́mɔ sɔ́ nyɛmána tú ɔtáŋáka hú ne nyuúté ne nyuúté, tu kɔɔnaka anyía tu ŋe sú lénéne na báásɔ́ benyíinyí, mbá tu ŋa sɔ́ nyɛ́mána tú otóŋínyi núásɔ́ nulénéne a nyɛkɛla nyɛ́ bɛsana aá taaká noómi.


A náásɔ́, tua sɔ́ŋa ne nulénéne ɛ ɛtɛ́má ananyía Bandɔ́mɛsɛ́ u ŋaá cáŋa ɔ basɔ́ léne.


Yááŋa anyíaʼo : Oléne Bandɔ́mɛsɛ́ áŋa nyɛlátɛ́na nyɛ́ bíáyɛ́ bikotí ; aáná nyɛlátɛ́na nyɛ́ bíáyɛ́ bikotí tɛ ŋáá nata,


Lean sinn:

Sanasan


Sanasan