Lúkas 7:42 - Nomaande

⁴² Ta ɔmɔtɛ́ e bífendí eébí tɛ ɔ́mɔ bá ne ohónyí wú ɔtua búáyɛ́ buhíné. Nyíáyɛ́ nyi beébe nyɛanɛnɛna eényí beébe bekime ; a baacɔ eébé béfendí sɔ́ɔ́kɔ́ awɔ háányɛ́ u kéé wuúci lénéke buéŋí e ? »

Lúkas 7:42 Iomraidhean Croise

Matío 18:27

Waáŋá u buólí ŋe wuúci bɛ́cáma mahana, nyi wuúci nyɛanɛ́nɛ́na eényí buhíné eébú bukime, u ŋé wuúci nyɛána anyía wé súéte.

Matío 18:34

Hilóbi ŋeé wuúci timbie, u ŋá kɛla anyía bicénji á hatɛ́na munyiɔnɔ eémú, bé wuúci háya eé ciíbe cɛ ɛcaná, wá lɔ́kɔ́máka indekese, mbá u caŋa mana ɔtua búáyɛ́ buhíné.

Matío 6:12

Basɔ́ nyɛanɛ́nɛ́na máásɔ́ maabɛ́, háyɛ basɔ́ bɛ́muátá tu naŋa tuasɔ́ nyɛ́ánakɛnɛna tɔ́na baacɔ a bá ŋa bɔ́ basɔ́ kɛla bɔɔbɛ́.

Lúkas 7:43

Símon ɔsɛ : « I ŋeé mi bíkéti ɛsɛ́ sɔ́ɔ́kɔ́ ewú bé ŋeé wuúci nyɛanɛ́nɛ́na buhíné á buáŋá. » Yésus ɔsɛ : « Ɛ́ɛ, ɔ́ mɔɔ́ kɔɔna taaká. »

Lóom 3:24

Mbá Bandɔ́mɛsɛ́ ŋaá kɛla anyía baacɔ á bámɔ́kɔ́na bɛtálɛ́mánánɔ́ bɛ́ baacɔ eeyé eé buúse e etémbí ne etémbí, a yááyɛ́ yaála yí nuubo. U ŋa hɔ́lɛ́na né Yésus Kilís ; wuúci u ŋeé beébe háŋɔ́náká a buɔ́lɛ́ bɔ́ bɔɔbɛ́.

Lóom 5:6

Yááŋa anyía e ekúlú ayɛ́ Bandɔ́mɛsɛ́ ŋaá sɔ́mbɔ́tɔ́ná, *Kilís ŋe keé wé a yáásɔ́ asana, basɔ́ bakɛla maabɛ́. Tu ŋa sɔ́ bá e ekúlú eéyé tɛ́ka na makɛ́nda me obínóhi basɔ́ bɛ́muátá.

Kalasi 3:10

Yááŋa anyíaʼo, baacɔ bekime e bé me bú bíínjie a nyɛlátɛ́na nyí bikotí á búáŋa bɔlɔmɔ́kɔ́nɔ́, anyía yááŋa yɔɔ́ŋɔ́kɔ́nɔ́ anyía « Ɔɔcɔ okime ewú u ti ŋée bíínjie ekúlú ekime ɔ ɔlátɛ́na bɛsana bikime a bɛ́áŋa bɛɔ́ŋɔ́kɔ́nɔ́ e nufule nú bikotí áŋa na nyɛlɔmɔ. »

Ɛfɛ́ɛsɛ 1:7

U ŋaá basɔ́ háŋɔ́náká a buɔ́lɛ́ bɔ́ bɔɔbɛ́ o owé ú uuyé Ɔɔ́nɔ́ oócí, yɔ́ basɔ́ nyɛanakɛnɛna maasɔ́ maabɛ́. Aáná u ŋaá basɔ́ tóŋínyi anyána yááyɛ́ yaála yí nuubo áŋa yaáŋá ɔ ɔhɔla a yáásɔ́ aháŋá ;

Ɛfɛ́ɛsɛ 4:32

Mbá ánɔ bámɔ́kɔ́na na nukasa ne nuubo aanɔ́ ɛ ɛkatɛ́katɛ́ ; nu nyɛánakanana tɔ́na háyɛ Bandɔ́mɛsɛ́ ŋaá banɔ́ nyɛánákɛ́nɛ́na e elime ci Kilís.

Kolóso 3:13

Énu eéhíkínyínyi, nu nyɛánákánána bɛsana ekúlú ayɛ́ sɔ́ɔ́kɔ́ á kɛ́la sɔ́ɔ́kɔ́ bɔkɔ a bɔɔbɛ́ ; ánɔ nyɛánákánána na ambányɛ yɛ́ ɔtɛ́má ekime háyɛ Yésus tɔ́na ŋaá banɔ́ nyɛánákɛ́nɛ́na na ambányɛ yɛ́ ɔtɛ́má ekime.