Lúkas 7:41 - Nomaande

⁴¹ Mbá Yésus ɔsɛ : « Yɛ́ ŋaá bá anyía ɔɔcɔ a wɔmɔtɛ́ ŋaá bá wáá bátaka baacɔ béfendí buhíné ; u bátaka ooci hɛɛcɔ ne etíne atáánɔ, ooci a wɔmɔtɛ́ etíne éfendí ne imbuke cíɔ́hátá.

Lúkas 7:41 Iomraidhean Croise

Matío 18:28

Ɛŋakɛlá munyiɔnɔ eémú aá hámá o ooki ú waáŋá u buólí, bá ŋá ɔɔ́ndɛ́mánána na ciayɛ́ sɔ́ɔ́kɔ́ ci buólí ; u ŋaá bá waá bátaka ciayɛ́ sɔ́ɔ́kɔ́ eécí hú hihínéhíne hɛ́ mɔɔnyɛ́. U ŋeé wuúci mɛ́ɔ́mɛ́na ɔ ɔmɛ́ɔ́mɛ́na, u ŋé wuúci háya hɛtáá o okelú, mbá ɔsɛ : “Mɛ túána búámɛ buhíné bukime.”

Matío 6:12

Basɔ́ nyɛanɛ́nɛ́na máásɔ́ maabɛ́, háyɛ basɔ́ bɛ́muátá tu naŋa tuasɔ́ nyɛ́ánakɛnɛna tɔ́na baacɔ a bá ŋa bɔ́ basɔ́ kɛla bɔɔbɛ́.

Malɛ́kus 6:37

Yésus ɔsɛ : « Banɔ́ bɛ́muátá, énu beébe aafɛ́na ! » Aáná bé ŋe bú wuúci batá báyɛ : « Ɔ ŋɔɔ́ lɛca anyía tua sɔ́ŋa na makɛ́nda ma ɔkɔɔ́wɔɔ́ndɔ́kɔ biléti bɛ́ hɔ́ndɛ́tɛ ífendí cɛ́ mɔɔnyɛ́ anyía tuésú beébe íínjíékíne, bábɔ́ nyíáka e ? »

Lúkas 11:4

Basɔ́ nyɛ́ánɛ́nɛ́na maasɔ maabɛ́, háyɛ basɔ́ bɛ́muátá tu naŋa tuásɔ nyɛ́anakɛnɛna tɔ́na baacɔ abá ŋa basɔ́ kɛla bɔɔbɛ́. Eti lumitine anyía tuásɔ́ kúákɔ́na a mɔɔ́kɛ́tánána noómi. »

Lúkas 12:48

mbá mbɔ́kɔ munyiɔnɔ ti ŋée menyi aátɛ́ muútí ooki ŋa yáamba anyía muá kɛláka mbá mu kɛlaka bɛsana abɛ́ bá nyɛmána bé o muúmu súbéke, bé kéé muúmu súbéke butíkítíki. Ɔɔcɔ awɔ́ Bandɔ́mɛsɛ́ eé yíinjíe buéŋí u kéé wuúci bataka tɔ́na buéŋí ; ooci awɔ́ Bandɔ́mɛsɛ́ eé yíinjíe bɛnyɛ́ma biéŋí bí otétényíki, u kéé wuúci bataka bɛnyɛ́ma biéŋí ɔ ɔhɔla. »

Lúkas 13:4

Ta anyía, nu ŋa nɔ́ bɛ́táá asana yɛ́ baacɔ eebe buunyi na bátátɔ́ ebé ciíbe cɛ ɔmuaná cɛ andányɛ́ a asásɛ́ yí Siloé ŋeé beébe kuákɔ́nákɛ́na, cío beébe ɔɔ́kɔ́sɔ́kɔ. Yáakɛlá a nyíánɔ́ nyɛlɛca, bá ŋa bɔ́ kɛ́láka bɔɔbɛ́ ɔ ɔhɔla baacɔ bekime bé Yelúsalɛm a bɔ́mɔtɛ́ e ?

Lúkas 7:40

Yésus ma kɛ́la waá lɛ́cá aáná, u ŋá laána ɔɔcɔ u Bafalisiɛ́ŋ ɔsɛ : « Isíʼo, Símon. » Símon ɔsɛ : « Oo. » « Ya mɛ́ŋa na asana yɛ́ ɔ́ kuɔŋɔ́ láana. » « Muékúnyi, ɔɔ́ mɛ laána aná. »

Lúkas 7:47

Ɛ́ɛhɛ́ ɛ́ ŋɔ mɛ́ ɔ laana anyía nyɛnamá nyí oléne enyí ú ŋeé mi léne ŋo tóŋínyi anyía Bandɔ́mɛsɛ́ meé wuúci nyɛanɛna mááyɛ́ maabɛ́ mekime meéŋí. Menyí asɛ́, ɔɔcɔ okime awɔ́ bá ŋa nyɛanɛnɛna butíkítíki ŋeé léne butíkítíki tɔ́na. »

Lóom 3:23

Yááŋa anyía baacɔ bekime ŋa bɔ́ kɛ́la bɛsana a bɛɛbɛ́, buátɛ́ bɔkɔ bá tɛ abɔ́ bá bá ɔkɔɔ́háma hoóhi ne nuúmi nɔ́ Bandɔ́mɛsɛ́.

Lóom 5:20

A asana ne bikotí bí Moyís, Bandɔ́mɛsɛ́ ŋeé biíbi iínjíékíne anyía bɔɔbɛ́ é tékéke. Mbá, ekúlú ayɛ́ bɔɔbɛ́ bɔ́ baacɔ ŋe tékéke, yaála yí nuubo yɛ́ Bandɔ́mɛsɛ́ ŋe tékéke tɔ́na buéŋí ɔ ɔhɔla.