Lúkas 7:39 - Nomaande

³⁹ Ɛ́makɛ́la ɔɔcɔ u Bafalisiɛ́ŋ awɔ́ u ŋɔ lɔ́ŋɔ́kɔ́ Yésus á lɛ́cá aáná, u ŋé bíketi e uúye ɔtɛ́má ɔsɛ : « Hmm, mbɔ́kɔ ɔɔcɔ ooci á bá taaká *muhémúnyi bɛsana mɔ Bandɔ́mɛsɛ́, keyé ú me menyi aányɛ́ wáŋa nyɛnamá nyí oónjú e nyí me wuúci bítíse ; yó ményi anyía mɔkɛla maabɛ́ e muénjú muáŋa. »

Lúkas 7:39 Iomraidhean Croise

Matío 20:16

Ɛ́ɛhɛ́ yááŋa anyía baacɔ bé elime ká bɔ́ bámɔ́kɔ́na baacɔ bé buúse ; bé buúse bɔ́ hálɔ́mɔ́kɔ́na baacɔ bé elime. »

Matío 21:11

Bé beébe bɛ́kámáka báyɛ : « Yésus wáŋa ! Muhémúnyi bɛsana mɔ Bandɔ́mɛsɛ́ mɔ *Násalɛt, i iisí cɛ *Kalilé. »

Malɛ́kus 7:21

Yááŋa anyía ɔ ɔtɛ́má ú ɔɔcɔ noómi bɛɛbɛ́ bí ibíkéti ŋé húle. Biíbi bí ŋe wuúci tɔ́ma na ɛ ɛnjɔkɔ́nɔ́nɔ, ne eé buébi, na a muɔ́nɔ́nɔ,

Lúkas 12:17

Cí ŋé túme ɔbɛ́táá anyána ú ŋa cɔba ɔ ɔkɛlaka anyía waá bátɛ́ákɛ́na bíáyɛ́ bɛyɔyɛ́.

Lúkas 15:2

Na *Bafalisiɛ́ŋ ne *beékúnyi bikotí ŋa bɔ́ lɔ́kɔ́má bɔɔbɛ́, bé bícúcúléke báyɛ : « Ɔɔcɔ ooci ŋaá káha bɔmbányɛ bakɛla maabɛ́, u nyíékínyi ne beébe ! »

Lúkas 16:3

Mbá muafa bɔnɔ́mɛ eémú ŋé túme obíkéti e uúye ɔtɛ́má mɔsɛ : “Anyána míɔ cɔba ɔ ɔkɛlaka, háyɛ ciamɛ́ síkíne yɔ́ cɔ́ba ɔ ɔ mɛ aáŋíá e buólí e ? Ɛ tɛ ámɛ bá na makɛ́nda ma ɔnyiɔkɔ bisíéné ; yaŋɔ́ na aatɔ́ ɔlama o húlé lɛba.

Lúkas 18:4

mbá bikúlú biéŋí musɔ́mbɔ́tɔ́na bɛsana eémú kíneke. Búmɔtɛ́ buɔ́sɛ́ mbá mú me bílúmúnyi mɔsɛ : “Ta yɛ́ ŋaá bá anyía i ti ŋé mí líkíme Bandɔ́mɛsɛ́, i ti kéké ta ɔɔcɔ,

Lúkas 3:8

Mbá ánɔ caŋá kɛ́laka bɛsana e bí ŋo tóŋínyi anyía nú ma nɔ́ bɛ́kákálákɛ́na máánɔ́ maabɛ́, nuɔ́ sɔ́mba tɔ́na ɔkɔlɔ́ eé meéme. Nuti bíkétíki e cíínú ɛtɛ́má anyía nua nɔ́ŋa nú ɔkɔɔna hú anyía : “Abɛ́laham áŋa ciasɔ́ sɔ́kɔ́nɔ́.” Aá taaká ɛ ŋa mɛ́ banɔ́ láana ɛsɛ́ Bandɔ́mɛsɛ́ áŋa wu oceŋisi andányɛ́ eece baáná bá *Abɛ́laham.

Lúkas 7:16

Aáná baacɔ bekime ŋe bú líkíméké ; bé íínjíékíne Bandɔ́mɛsɛ́ nuúmi, bá kɔ́ɔnaka báyɛ : « Yaandándá yí *muhémúnyi bɛsana mɔ Bandɔ́mɛsɛ́ maá kaá háma náásɔ́. Bandɔ́mɛsɛ́ maá fáaya ɔ ɔkɔháŋɔ́na bááyɛ́ baacɔ. »

Lúkas 7:37

Mɔkɛla maabɛ́ e muénjú ŋaá bá hɔ́á a bunɔŋɔ eébú. Yɛ́ ŋaá lɔ́kɔ́má anyía Yésus áŋa ɔ ɔnyíá o ooki ú ɔɔcɔ u Bafalisiɛ́ŋ. Yɔ́ cɔ́bana hindeŋé ahɛ́ bá ŋaá tábɔ́náká na nyɛndányɛ́ nyɛ́ alabatɛ́l. Hɛ́ ŋaá bá hinyíóyónú na ɔsɔŋɔ yí enumbé.

Lúkas 7:38

U ŋgá háma, u ŋé bíkósíti ná akɔlɔ́ cé Yésus. U ŋé túme ɔlɛla, bɛlɛlá hámɔ́kɔ́na, bí yúbíki akɔlɔ́ cé Yésus. Mbá aabɛ́ yí oónjú eéyé biíbi hónóko na túáyɛ́ tuhúnyi, yí bobikinyi akɔlɔ́, yí ceéce feefiki ɔsɔŋɔ yí enumbé.

Lúkas 7:40

Yésus ma kɛ́la waá lɛ́cá aáná, u ŋá laána ɔɔcɔ u Bafalisiɛ́ŋ ɔsɛ : « Isíʼo, Símon. » Símon ɔsɛ : « Oo. » « Ya mɛ́ŋa na asana yɛ́ ɔ́ kuɔŋɔ́ láana. » « Muékúnyi, ɔɔ́ mɛ laána aná. »

Sáaŋ 4:19

Ɛ́makɛ́la Yésus á táŋáka aáná, mbá oónjú u Samalí ɔsɛ nááyá : « Taatá, ɛ́ maá mɛ lɛca anyía ɔ ɔ́ŋa a mumɔtɛ́ *muhémúnyi bɛsana mɔ Bandɔ́mɛsɛ́.

Sáaŋ 7:12

Baacɔ ŋa bɔ́ bá bébú lúlélúle buéŋí a yááyɛ́ asana. Bɔ́mɔtɛ́ kɔ́ɔnaka báyɛ : « Ɔɔcɔ oócí áŋa ambányɛ yɛ́ ɔɔcɔ. » Bɔ́mɔtɛ́ tɔ́na báyɛ : « Eéʼeé, wáŋa o onenisi bunɔŋɔ. »

Sáaŋ 9:24

Ɛ́ɛhɛ́ Bafalisiɛ́ŋ ŋe túné ábɔ́ lɔ́ŋɛ́ta ɔɔcɔ awɔ́ u ŋa cáŋa á bá ondíméndíme, mbá báyɛ nááyá : « Kɔɔ́na taaká o owiínjie Bandɔ́mɛsɛ́ nuúmi : Tu ŋe sú ményi anyía ɔɔcɔ oócí áŋa mɔkɛla maabɛ́. »