Lúkas 7:22 - Nomaande

²² Mbá ɔsɛ : « Ánɔ ka láákɛ́na Sáaŋ bɛsana abɛ́ nú ma nɔ́ lɛ́caka, núɔ́ lɔ́kɔ́máka : Bendíméndíme ŋa bɔ́ lɛ́cana, baacɔ e bé ŋe bú síndólo kandaka bɔmbányɛ, beénuúnu aáŋɔ́núaka, bɔndɔ́kɔ́ndɔ́kɔ lɔ́kɔ́mákána, biwéewé haanyuaka, basɔ́kásɔ́ka lɔ́kɔ́máka Ambányɛ yɛ́ Ɛsɔ́ma.

Lúkas 7:22 Iomraidhean Croise

Matío 11:5

Bendíméndíme ŋa bɔ́ lɛ́cana, baacɔ e bé ŋe bú síndólo kandaka bɔmbányɛ, beénuúnu aáŋɔ́núaka, bɔndɔ́kɔ́ndɔ́kɔ lɔ́kɔ́mákána, biwéewé háányuaka, basɔ́kásɔ́ka lɔ́kɔ́máka Ambányɛ yɛ́ Ɛsɔ́ma.

Matío 21:14

Aáná ne bendíméndíme na baacɔ e bé ŋe bú síndólo ŋe bú bíkósíki nááyá eé Ciíbe cɛ Bandɔ́mɛsɛ́ noómi, u ŋé beébe eéŋúnyísíki.

Lúkas 4:18

« Elilé yí Otéŋí a Waáŋá áŋa náámɛ, anyía u ŋá mɛ lɔtɔ́ anyía yémí hulíkinyi basɔ́kásɔ́ka Ambányɛ yɛ́ Ɛsɔ́ma, yémi sobíki anyía bɛɔ́lɛ́ káá bá bɛháŋɔ́nákánɔ́. Bendíméndíme ká bɔ́ lɛ́cakana tɔ́na. Yémi kétúnyíki baacɔ abá bɔsɔ́ɔ́kɔ́ ŋe bú beébe tekese.

Lúkas 7:21

Hí a yaátɛ́ ekúlú, Yésus ŋé ééŋúnyísíki na bɔkɔnɔ́kɔ́nɔ beéŋí na baacɔ bá bɛfɛ́kɛ́ ; u ŋe hémúkúnyí *bɛɛbɛ́ bí bililé a baacɔ, u ŋa kɛ́lá anyía bendíméndíme á lɛcákána.

Lúkas 7:23

Bɔmbányɛ né ooci ewú u ti kéé kúféténe aámɛ a asana. »

Sáaŋ 1:46

Nataniɛl ŋé wuúci batá ɔsɛ : « Aátɛ́ a yambányɛ yááŋa yí ohúle a Násalɛt e ? » Mbá Fílib ɔsɛ nááyá : « Faáya ká lɛcá. »

Buólí 26:18

Ɛ ŋa mɛ́ ɔ tɔ́ma hɔ́á o okoó beébe húúnéke eése, wó beébe hémúkúnyi i ibíne noómi anyía bébú oófókíne e eese noómi ; wó beébe aáŋíáka e butéŋí bɔ́ Sátan, mbá e beébe hákɛ́na e *Butéŋí bɔ́ Bandɔ́mɛsɛ́. Mbɔ́kɔ bá ŋa bɔ́ hákɛ́na mɔŋɔlɛ́ náámɛ, Bandɔ́mɛsɛ́ kéé beébe nyɛanakɛnɛna máábɔ́ maabɛ́, yó beébe limisikinyi ɛ ɛkatɛ́katɛ́ cɛ bááyɛ́ baacɔ abá u ŋɔ lɔ́tɔ́kɔ.” »

Buólí 8:7

Aá taaká, *bɛɛbɛ́ bí bililé ŋaá bá bɛ́á hámɔ́kɔ́na a baacɔ beéŋí a bá ŋa bɔ́ bá ne biíbi, bɛ́ aánjáláka ; na bɛsákála biéŋí na baacɔ e bé ŋe bú síndólo beéŋí ŋa bɔ́ aáŋɔ́núáká.

Sáak 2:5

Benyíinyí bá ɔtɛ́má, yááŋa anyíaʼo, Bandɔ́mɛsɛ́ ŋaá táfáka eebe a bá bɔ́ŋa tɔsɔ́kásɔ́ka eé buúse bɔ́ baacɔ bá ɔmɛsɛ́ ooci anyía bábɔ́ bámɔ́kɔ́nɛ́na ɛnɔ́mɛ o olumitinine eeyé eé buúse, mbá bé oofine eeyé e Butéŋí abɔ́ u ŋaá bɛ́tánɛ́ná baacɔ e bé ŋé bú wuúci léne.