Lúkas 7:13 - Nomaande

¹³ Ekúlú eyí Otéŋí a Waáŋá Yésus ŋeé yiíyi lɛca yá lɛ́laka, u ŋé yiíyi bɛ́cáma mahana ; u ŋé yiíyi laána ɔsɛ : « Atɛ lɛláka ! »

Lúkas 7:13 Iomraidhean Croise

Malɛ́kus 8:2

« Mahana ŋa mɛ́ kɛla a baacɔ eebe, anyía mɔɔ́sɛ́ á yáaŋa matátɔ́ amá tua sɔ́ŋa ɔlɔŋɔ ne beébe. Bá tɛ abɔ́ bá tɔ́na na bɔkɔ bɔ́ ɔnyíá.

Lúkas 10:1

E elime cɛ bɛsana eébí, Otéŋí a Waáŋá Yésus ŋá táfáka *baákɔ́nɛ́na bé etémbí etíne átátɔ́ ne imbuke cíɔ́hátá [ne ífendí] ; u ŋé beébe tɔ́mɔ́kɔ́na béfendí béfendí ɔ mɔnɔŋɔ mekime amá ú ŋaá bá waá yáambaka ɔ ɔcɔba.

Lúkas 11:1

Buɔ́sɛ́ a búmɔtɛ́ Yésus ŋaá bɛ́cɔ́kɔ́lɔ́kɛ́ná Bandɔ́mɛsɛ́. Ɛ́makɛ́la waá mana ɔbɛ́cɔ́kɔ́lɛ́na, *muákɔ́nɛ́na a mumɔtɛ́ ŋé wuúci batá musɛ : « Taatá, basɔ́ eékúnyíki anyána túásɔ́ nyɛmána bá ɔbɛ́cɔ́kɔ́lɔ́kɛ́na Bandɔ́mɛsɛ́ háyɛ Sáaŋ ŋe yeékúnyíki bááyɛ́ *baákɔ́nɛ́na. »

Lúkas 11:39

Ɛ́makɛ́la Otéŋí a Waáŋá é menyi aáná, mbá ɔsɛ nááyá : « Na kuɔŋɔ́ na bɔlɔ́ɔwɔ Bafalisiɛ́ŋ, nu ŋe nú fúúmínyi elime cɛ na amúánɛ́ná na anyíáná, mbá cíínú ɛtɛ́má áŋa inyíóyókónú ne ibíkéti cí ne buébi na nyɛŋána.

Lúkas 12:42

Mbá Otéŋí ɔsɛ : « Muafa bɛnyɛ́ma o ooki a muáŋa ne injiŋé, mu nyióyísíkínyi bɛsana áŋa muafa eemu emú uuyé waáŋá káá háya ne o otétényi ciíbe ne owiínjie bɔnyiɔnɔ bé etémbí bɛnyɛ́ma bɛ́ ɔnyíá bɛ́ buɔ́sɛ́ bukime.

Lúkas 13:15

Otéŋí a Waáŋá ŋé wuúci bɛ́káma ɔsɛ : « Na kuɔŋɔ́ na bɔlɔ́ɔwɔ nua nɔ́ŋa na tɔbɛ́mbɛ túfendí ; ɔ́kɔ, tɛ́ka ɔɔcɔ okime náánɔ́ naŋa wé súŋúne cíáyɛ́ káwɔ ta yááyɛ́ abaŋabɛbɛa eé ciíbe, yɔ́ cɔ́bana o okoómúúsi eé nuúci buɔ́sɛ́ bú ehélúme e ?

Lúkas 17:5

Baacɔ bá ɛndɔ́ma ŋa bɔ́ laána Otéŋí a Waáŋá báyɛ : « Basɔ́ sólínyínyi úúsú olumitinine. »

Lúkas 17:6

Mbá Otéŋí ɔsɛ : « Mbɔ́kɔ nua nɔ́ŋa nu ɔbá te ne olumitinine otíkítíki, ú hɔ́áka hɛsámásámá hɛ́ bɔkɔ, nua nɔ́ŋa nu ɔlaana bɔɔtɛ́ bú sikɔmɔɔl ebunyíé anyía búá bɛ́lɔ́ba, bú kaá lɔa aá nuɔmɔ́, búɔ banɔ́ lɔ́kɔ́mɛ́na.

Lúkas 18:6

Otéŋí a Waáŋá ŋó solínyi ɔsɛ : « Ánɔ lɔ́kɔ́ma bɔmbányɛ háyɛ aabɛ́ yɛ́ musɔ́mbɔ́tɔ́na bɛsana eéyí ŋáa kɔɔna.

Lúkas 19:8

E uúye ooki, Sásɛ́ ŋeé bíkósíti né Otéŋí a Waáŋá, mbá ɔsɛ : « Ɔ́ɔ lɛcá, Otéŋí, míɔ cɔba o owiínjíékíne basɔ́kásɔ́ka asaasalɛ yɛ́ búámɛ bɔnɔ́mɛ ; mbɔ́kɔ ya mɛ́ŋa oweébénú bɔkɔ bɔ́ ɔɔcɔ a bɔ́mɔtɛ́, míɔ cɔba o o wuúci helúmúnyínyi bɛnyɛ́ma bínyíse. »

Lúkas 22:61

Aáná Otéŋí a Waáŋá ŋaá bɛ́kuálɛ́ta, u ŋá tála Bíel eése. Híáná Bíel ŋaá bɛ́táá asana eyí Otéŋí ŋeé wuúci laána, ɔsɛ : « Butúé bú hɛ́nánɔ ɛ́cɛ yaaka yɛ́ ɛkɔkɛ́ tɛ ŋá bɛ́lɛ́ta, o ŋoó mi bínéŋítíkinyi bikúlú bɛ́tátɔ́. »

Lúkas 24:3

Bé ŋe bú óófíne noómi, mbá beébe ta ɔlɛca omime ú Otéŋí a Waáŋá Yésus.

Lúkas 24:34

bábɔ́ kɔ́ɔnaka báyɛ : « Otéŋí a Waáŋá áŋa taaká ɔhaanyúánɔ́ o owé, anyía Símon meé wuúci lɛcaka ! »

Lúkas 7:12

Ekúlú ayɛ́ u ŋaá bá wa yáaŋa hoóhi ne nyiofine nyɛ́ bunɔŋɔ, bá ŋaá bá bá cɔ́cɔbakana o okoónyie ewéewé á yɛ́mɔtɛ́. Yɛ́ ŋaá bá hɛkɔŋɔ́ hɛ́ ɔɔ́nɔ́ hí esíké yí oónjú. Etúte yɛ́ baacɔ bá bunɔŋɔ ŋaá bá ɔlɔŋɔ ne esíké.

Lúkas 7:14

U ŋé bíkósíti, u ŋé bítíse hikóló hí ewéewé ; baacɔ a bá ŋa bɔ́ bá bé hiíhi bɛ́túáhákɛ́na ŋa bɔ́ tálɛ́mɛ́ná. Mbá Yésus ɔsɛ : « Aláamɛ, ɛ ŋɔ mɛ́ ɔ laana anyía háányúá ! »

Lúkas 7:19

u ŋé beébe tɔ́ma né Otéŋí a Waáŋá Yésus o okoó wuúci batá anyía : « Mbá ɔ ɔ́ŋa Ooci awɔ́ á nyɛ́mana wu ɔfaaya ayɛ́ʼ tu ŋá sɔ́ nyɛ́mána tu ɔtátáka u etémbí e ? »

Lúkas 8:52

Baacɔ bekime bé ciíbe noómi ŋa bɔ́ bá bábɔ́ lɛ́laka, bá bɛ́cɔ́bɔ́kɔ ɔbɔ́la oócí. Mbá Yésus ɔsɛ : « Nɔtɛ lɛláka, u tɛ á bá owéénú, wáŋa e hiiné. »

Sáaŋ 11:2

Malíi waátákáná u ŋaá bá oónjú ewú u ŋeé féefiki Otéŋí a Waáŋá ɔsɔŋɔ yí enumbé, yó wuúci hónóko akɔlɔ́ na túáyɛ́ tuhúnyi. Lasáal, ɔkɔnɔ́kɔ́nɔ, ŋaá bá uuyé onyíinyí a wɔnɔ́mɔcɔ́.

Sáaŋ 11:3

Benyíinyí e beénjú eébé ŋa bɔ́ tɔ́mɛ́na Yésus ɛsɔ́ma, báyɛ : « Otéŋí a Waáŋá, yɔ́ɔ́wɔ ekendinyi yɛ́ ɔtɛ́má ŋɔ kɔ́nɔ. »

Sáaŋ 20:13

Bililé bɛ́ bɔsɔ́ma bɛ́ Bandɔ́mɛsɛ́ eébí ŋé wuúci batá bɛ́sɛ : « Meemé, anyíatɛ́ ɔ́ ŋɔɔ́ lɛla e ? » Mbá ɔsɛ : « Bɔ́ mɔ sɔ́mɔ uumi Otéŋí e eenyie, mbá i ti ŋé menyi haála ahá bááŋa bé ke wuúci háyánɔ́. »

Sáaŋ 20:15

Mbá Yésus ɔsɛ : « Meemé, anyíatɛ́ ɔ ŋɔɔ́ lɛla e ? Aányɛ́ ɔ ŋɔɔ́ waamba e ? » Malíi ŋe kéti anyía munyiɔ esíéné muáŋa, ɛ́ɛhɛ́ ú ŋeé wuúci bɛ́káma ɔsɛ : « Taatá, cɔ́kɔ́lɛ, mbɔ́kɔ kuɔŋɔ́ ɔ ɔ́ŋa o wuúci sɔmɔ́nɔ́, ɔ́ɔ mɛ laána haála ahá ɔ ɔ́ŋa oko wuúci bátɛ́nánɔ́ ; ɛ ŋa mɛ́ cɔba, yé ké mí wuúci hiíte. »

Sáaŋ 4:1

*Bafalisiɛ́ŋ ŋa bɔ́ lɔ́kɔ́má anyía Yésus ŋɔɔ́ bɔ́ŋɔ *baákɔ́nɛ́na beéŋí, u ootokine tɔ́na baacɔ beéŋí ɔ ɔhɔla Sáaŋ.

Sáaŋ 6:23

Ta híáná, bɛkɔkɔ́ bí etémbí ŋaá bá aá haála ahá bá ŋa bɔ́ nyíáka biléti ebí Yésus ŋeé beébe aafákɛ́na ɛ́cɛ ú ma cáŋa owiínjie Bandɔ́mɛsɛ́ bitéŋíti. Bɛkɔkɔ́ eébí ŋaá bá bíé húlúkúne a Tibeliátɛ.

1 Kɔlɛ́ɛntɛ 7:30

eebe a bá ŋa bɔ́ lɛ́la háyɛ eebe a bá tɛ ŋá bɔ́ lɛ́la ; eebe e bé ŋe bú bíléne háyɛ e bé ti ŋé bú bíléne ; eebe a bá ŋa bɔ́ ɔ́ɔ́ndɔ líhéke háyɛ a bá tɛ́ ŋá bɔ́ bɔ́ŋɔ bɔkɔ.

1 Tɛsaloníke 4:13

Buamɛ eé, tu ŋa sɔ́ aamba anyía núénú ményi bɔmbányɛ asana a yɛ́ ŋa lɛ́ca eebe e bé ne meé bú wéékúne, anyía ɛtɛ́má tɛ banɔ́ nuá háyɛ cɛ́ ŋaá nua baacɔ bé etémbí a bá tɛ ábɔ́ bá na mɔŋɔlɛ́ ɔ yɔɔ́sɔɔ́sɔ yí olíhe yí ekúlú ekime.

Ebélé 2:17

Buátɛ́ bɔkɔ Yésus ŋá nyɛmána wu ɔhɔ́áka bááyɛ́ benyíinyí a bɔkɔ bukime, anyía wá bɛ́cáŋa *mutéŋínyi beluli nyiínjie a muáŋá a mú me bíínjie ɔ ɔnyiɔnɔ Bandɔ́mɛsɛ́ buólí. U ŋa bɛ́cáma baacɔ mahana buéŋí, u beébe nyɛanakɛnɛna maabɔ́ maabɛ́, u kɛlaka anyía bábɔ́ lɔ́kɔ́mákána na Bandɔ́mɛsɛ́.

Ebélé 4:15

Muasɔ́ mutéŋínyi beluli nyiínjie a muáŋá eémú mú ŋaá basɔ́ bɛ́cáma mahana, anyía mu ŋeé ményi muasɔ́ muuyé mukime. Mu ŋaá lɔ́kɔ́máká ɔkála háyɛ basɔ́ tɔ́na, bó muúmu kɔkɔnaka tɔ́na, mbá ta híáná mu tɛ ɔ́mɔ kɛ́la bɔɔbɛ́ buúse bukime.