Lúkas 6:8 - Nomaande

⁸ Yésus ŋe ményi cííbú ibíkéti, mbá ɔsɛ ná ɔɔcɔ : « Hatɔ́na, tálɛ́mɛ́na ɛndánáka eé buúse bɔ́ baacɔ bekime. » Ɔɔcɔ ŋa hatɔ́na, u ŋá tálɛmɛna aáhá.

Lúkas 6:8 Iomraidhean Croise

Matío 9:4

U ŋé ményí cííbú ibíkéti, mbá ɔsɛ náábɔ́ : « Anyíatɛ́ nua nɔ́ŋa na bɛɛbɛ́ bí ibíkéti eébí aáná e ?

Malɛ́kus 3:3

Aáná Yésus ɔsɛ ná ɔɔcɔ : « Hatɔ́na, tálɛ́mɛ́na ɛndánáka eé buúse bɔ́ baacɔ bekime. »

Lúkas 13:12

Ekúlú eyí Yésus ŋaa lɛ́cá oónjú oócí, u ŋé wuúci lɔ́ŋɛ́ta mbá ɔsɛ : « Meemé, úúwu ɔkɔnɔ ma mana. »

Lúkas 5:22

Yésus ŋe ményi cííbú ibíkéti, mbá ɔsɛ náábɔ́ : « Anyíatɛ́ nua nɔ́ŋa na anamá cé ibíkéti eécé e ?

Lúkas 6:9

Ekúlú eéyé, Yésus ɔsɛ náábɔ́ : « Ɛ ŋa mɛ́ banɔ́ bata aátɛ́ yáásɔ́ okotí ŋe yiínjie makɛ́nda ma ɔkɛlaka e ? Ɔkɛla bɔmbányɛ buɔ́sɛ́ bú ehélúme ayɛ́ʼ ɔkɛla bɔɔbɛ́ e ? Onohi ɔɔcɔ ayɛ́ʼ o wuúci nyímísi e ? »

Sáaŋ 2:25

U ŋaá bá u tɛ caŋa á yáámba anyía bé wuúci laakɛ́na olíhe ú baacɔ, anyía u ŋaá bá weé ményukune bɔkɔ bukime a búáŋa e cííbú ɛtɛ́má noómi.

Sáaŋ 21:17

U ŋá batɔ́tɔ́na e bikúlú bɛ́tátɔ́, ɔsɛ : « Símon, ɔɔ́nɔ́ u Sáaŋ, o ŋoó mi léne e ? » Bíel yɔ́ lɔ́kɔ́ma ɔtɛ́má ɔnua anyía Yésus meé wuúci bata ɛmbataka e bikúlú bɛ́tátɔ́ ɔsɛ : « O ŋoó mi léne e ? » Mbá ɔsɛ : « Otéŋí a Waáŋá, o ŋoó menyi bɛsana bikime ; o ŋoó menyi anyía i ŋe mí o léne. » Mbá Yésus ɔsɛ : « Sókóbíki cíími ɛtɔ́mbá.

Sáaŋ 9:4

Ekúlú eyí eese yɛ́ buɔ́sɛ́ á yánáŋa ɔ ɔnɔma, ɛ ŋá mɛ nyɛmána wu ɔkɛlaka mekilíkínyí ma Mu-mɛ-tɔ́ma ; ibíne a yáaŋa ɔ ɔfaakɔna, ekúlú ayɛ́ ta ɔɔcɔ tɛ á bá wu o túné nyíɔkɔ.

Buólí 20:24

Mbá, aá yaŋɔ́ ɛ tɛ ŋá mɛ́ lɛca uumi olíhe háyɛ yaandándá yɛ́ bɔkɔ mbɔ́kɔ i ŋé mi wé ; bɔkɔ ebú bú ŋeé mi bíléníne áŋa anyía yámɛ cɔbá ne buúse o onyíóyísínyi búámɛ bɔsɔ́ma háyɛ yɛ́ ŋaá bɛ́amba, mbá i kuenyinyi ɔnyiɔ buólí abɔ́ Otéŋí a Waáŋá Yésus ŋeé mi iínjíé. Búáŋa anyía yémí hulíkínyi baacɔ Ambányɛ yɛ́ Ɛsɔ́ma yɛ́ yaála yí nuubo yɛ́ Bandɔ́mɛsɛ́.

Buólí 26:26

Otéŋí *Akílíba bɛ́muátá ŋeé ményi bɔmbányɛ bɛsana eebi. Buátɛ́ bɔkɔ ya mɛ́ŋa wu o wuúci laakɛna na mɔŋɔlɛ́ ɔ ɔtɛ́má anyía u tɛ ŋáá nána ta asana ɔ́mɔtɛ́ ; yááŋa anyía bɛ́ tɛ ɔ́mɔɔ́ bɛ́kɛ́la indiitie haála a hɔ́mɔtɛ́.

Filibí 1:28

Nɔtɛ bɛ́nyíánáka anyía báánɔ́ beliŋine á banɔ́ bémbíki. Aáná bé ké bú ményi anyía bá bɔ́áŋa benyíménú ; mbá banɔ́ bɔnɔhɔ́kɔ́nɔ́. Nyɛkɛla eényí ŋeé húle ná Bandɔ́mɛsɛ́,

Ebélé 4:13

Ta bɔkɔ a búmɔtɛ́ tɛ á bá a búáŋa bú ɔlɔbɔ anyía Bandɔ́mɛsɛ́ ti buúbu lɛca, bɛnyɛ́ma bikime ebí ú ŋe kétíki ŋa lɛcana bɔmbányɛ bɔmbányɛ a cááyɛ́ eése. Ná Bandɔ́mɛsɛ́ bímuócí tú ké sú bíkétíkínyi bíásɔ́ bɛsana bikime abɛ́ tú ŋa sɔ́ kɛlaka.

1 Bíel 4:1

Ɛ́ɛhɛ́, háyɛ *Kilís ŋaá lɔ́kɔ́máká muuyé a ciayɛ́ cɛɛ́tɔ, banɔ́ tɔ́na ánɔ hákɛ́na a bíánɔ́ bɛɛtɔ́ anyía nu ká nɔ́ lɔ́kɔ́máka muuyé. Yááŋa anyía, ɔɔcɔ okime awɔ́ ú maa lɔ́kɔ́máka muuyé aáyá a cɛɛ́tɔ tɛ ŋá háná á kɛ́la bɔɔbɛ́ buúse bukime.

Nyɛnambɔnɛna nyɛ́ bɛsana 2:23

Ɛ ká mɛ́ mana ɔwɔɔ́nɔ́kɔ hú táákɔ bááyɛ́ baáná ananyía tuɔ́bɔ tú belumitinine tukime e menyukune anyía yaŋɔ́ i ŋeé mi búlúne na ɛbɛ́táá, na bɛsana a bɛ́ ŋa hámɛ́na baacɔ ɛ ɛtɛ́má noómi. Ɛ ká mɛ́ namaka ɔɔcɔ okime a nyɛnamá nyɛ́ maayɛ́ monyiókínyí.