Lúkas 6:42 - Nomaande

⁴² Ta anyía anyána ɔ ŋɔɔ́ laana sɔ́ɔ́kɔ́ asɛ : “Ɔ́ɔ́kɔ, yámɛ ɔ waáŋía efumbú eé nyiíse”, kuɔŋɔ́ a tɛ lɛca bɔɔtɛ́ a búáŋa a nyiɔ́wɔ e ? Kuɔŋɔ́, ɔɔcɔ u tɔbɛ́mbɛ túfendí, caŋá bɛ́áŋía bɔɔtɛ́ a búáŋa oówo eé nyiíse, mbá e menyi ɔlɛca efumbú a yááŋa eé nyiíse nyɛ́ sɔ́ɔ́kɔ́. »

Lúkas 6:42 Iomraidhean Croise

Matío 26:75

Aáná Bíel ŋaá bɛ́táá ɔtáŋa ewú Yésus ŋeé wuúci laána, ɔsɛ : « Ɔkɛla anyía yaaka yɛ́ ɛkɔkɛ́ é síke a bɛ́lɛ́ta, ɛ́cɛ o no moó mi bínéŋítíkínyi bikúlú bɛ́tátɔ́ asɛ o ti ŋóo mi menyi. » Aáná Bíel ŋaá hámá a nɔháatɛ́, nyíáyɛ́ nyitúme ɔkɔlɛ́la eényí na mahana mekime.

Matío 7:3

Huúúʼ ! Anyána ɔ ŋɔɔ́ lɛca efumbú a yááŋa eé nyiíse nyɛ́ sɔ́ɔ́kɔ́, a tɛ lɛca bɔɔtɛ́ a búáŋa a nyiɔ́wɔ e ?

Matío 7:4

Ta anyía anyána ɔ ŋɔɔ́ laana sɔ́ɔ́kɔ́ asɛ : “Ɔ́ɔ́kɔ, yámɛ ɔ waáŋía efumbú eé nyiíse”, yiíyi anyía bɔɔtɛ́ áŋa a nyiɔ́wɔ e ?

Lúkas 13:15

Otéŋí a Waáŋá ŋé wuúci bɛ́káma ɔsɛ : « Na kuɔŋɔ́ na bɔlɔ́ɔwɔ nua nɔ́ŋa na tɔbɛ́mbɛ túfendí ; ɔ́kɔ, tɛ́ka ɔɔcɔ okime náánɔ́ naŋa wé súŋúne cíáyɛ́ káwɔ ta yááyɛ́ abaŋabɛbɛa eé ciíbe, yɔ́ cɔ́bana o okoómúúsi eé nuúci buɔ́sɛ́ bú ehélúme e ?

Lúkas 22:32

Mbá ɛ ŋa mɛ́ bɛ́cɔ́kɔ́lɔ́kɛ́na Bandɔ́mɛsɛ́ ɔɔ́wɔ eé buúse anyía uúwú olumitinine tɛ ɔ waáŋɛ́na ; mbá kuɔŋɔ́, ekúlú eyí uúwe ɔtɛ́má ká ka hálɔ́mɔ́na náámɛ, kíndísíki bɔlɔ́ɔwɔ. »

Lúkas 6:41

Huúúʼ ! Anyána ɔ ŋɔɔ́ lɛca efumbú a yááŋa eé nyiíse nyɛ́ sɔ́ɔ́kɔ́, a tɛ lɛca bɔɔtɛ́ a búáŋa a nyiɔ́wɔ e ?

Lúkas 6:43

« Ambányɛ yɛ́ atɔ́kɔ́ tɛ ŋáá háá bɛɛbɛ́ bɛ́ bɛtámá ta buɔ́sɛ́, aabɛ́ yɛ́ atɔ́kɔ́ tɛ háá bɛmbányɛ bɛ́ bɛtámá ta buɔ́sɛ́.

Buólí 13:10

mbá ɔsɛ nááyá : « Kuɔŋɔ́, ɔɔcɔ ooci, ɔ ɔ́ŋa ne menjiŋé na nyɛŋána ; kuɔŋɔ́ ɔɔ́nɔ́ u Musɔ́mɛ́na. O ŋoó nuusi bɔkɔ bukime a búáŋa bɔmbányɛ. Nyíényí ɔ́ kɔ́ɔ́ tɔmbɔ ɔcaŋɛna bɛtálɛ́mánánɔ́ bí ihényí bí Otéŋí a Waáŋá e ?

Buólí 2:38

Bíel ɔsɛ : « Ánɔ bɛ́kákálákɛ́na máánɔ́ maabɛ́, mbá nɔ sɔ́mba ɔkɔlɔ́ eé meéme ; ɔɔcɔ okime aá banɔ́ é bíótíne eé nyiínyi nyí Yésus *Kilís. Aáná Bandɔ́mɛsɛ́ káá banɔ́ nyɛ́anakɛnɛna maanɔ́ maabɛ́, yɔ́ banɔ́ íínjíékíne Efúúménénú yí Elilé.

Buólí 8:21

Ɔ tɛ ɔ́ bá ta na nuafa, te ne nyilimíné e buólí eebu, anyía úúwe ɔtɛ́má tɛ á bá ɔtálɛ́mánánɔ́ eé buúse bɔ́ Bandɔ́mɛsɛ́.

Lóom 2:1

Mbá kuɔŋɔ́ aná, ɔ ɔ́ŋa aányɛ́, ɔ ŋɔɔ́ bɔsɔnɛna bɔsɔ́ɔ́kɔ́ nyɛkua e ? Bandɔ́mɛsɛ́ kɔ́ yɔ́ɔ lɔ́kɔ́mɛ́na bɔɔbɛ́ anyía ɔ ŋɔɔ́ bɔsɔnɛna bɔsɔ́ɔ́kɔ́ nyɛkua, yiíyi anyía kuɔŋɔ́ bɛ́muátá tɔ́na ɔ ŋɔɔ́ kɛla bɛátɛ́ bɛɛbɛ́ bɛ́ bɛsana. Ɛ́ɛhɛ́ ɔ́ mɔɔ́ bɛ́bɔ́sɔ́nɛ́na nyɛkua kuɔŋɔ́ bɛ́muátá.

2 Kɔlɛ́ɛntɛ 5:18

Bɛsana eébí bikime ŋeé húle ná Bandɔ́mɛsɛ́ bímuócí ; wuúci u ŋaa kɛ́la anyía nyiitíé a nyɛ́ ŋaá bá na basɔ́ ne wuúci á mána e elime ci Kilís. Wuúci u ŋaá basɔ́ íínjie makɛ́nda ma ɔnyiɔkɔ buólí bú omenyisiki nyiitíé ɛ ɛkatɛ́katɛ́ cɛ na baacɔ ne wuúci.

2 Timoté 2:21

Híáná, mbɔ́kɔ ɔɔcɔ ŋeé bítétényi ofúúménénú, yó bíkíilie bɔɔbɛ́ eébú, u káá bá háyɛ bɛtáyá bɛ́ ɔnyíákɛ́na a bɛmbányɛ abɛ́ bá ŋa bɛ́kɛ́lɛ́na a taaká cɛ buɔ́sɛ́. Aáhá Síkíne kéé wuúci háya a maabána anyía waáta ɔɔcɔ ŋeé wuúci ɔ́ɔ́lɔ ; wáŋa hoóhi ne o wuúci nyiɔkɛna buólí a bɔmbányɛ bukime.

2 Bíel 1:9

Mbá ɔɔcɔ awɔ́ u tɛ á bá ne ceéce áŋa ne indímé, wáŋa ne bibúté. Ú maá bɛ́hɔ́ya anyía Bandɔ́mɛsɛ́ ŋeé wuúci nyɛanɛna, yó fúúmínyi maayɛ́ maabɛ́ amá u ŋaá kɛ́láka buáyá.