Lúkas 6:25 - Nomaande

²⁵ Nua nɔ́ŋa mahana, banɔ́ ebé nú me nú éécéke aámbáya, anyía ɛcaná káá banɔ́ núakɛna ! Nua nɔ́ŋa mahana, banɔ́ abá nú ŋa nɔ́ cɛ́ca aámbáya, anyía ɛtɛ́má káá banɔ́ núáka, nuɔ lɛlaka !

Lúkas 6:25 Iomraidhean Croise

Lúkas 12:20

Mbá Bandɔ́mɛsɛ́ ɔsɛ : “Yaála yɛ́ ɔɔcɔ, buutú bɔ́ hɛ́nánɔ eebu ɔ ŋɔɔ́ faŋiaka ofule. Mbá aányɛ́ u káá bá na bɛnyɛ́ma abɛ́ ɔ́ mɔɔ́ bátɛ́ákɛ́na e ?” »

Lúkas 13:28

Aáhá nu ká nɔ́ lɛ́laka, nu bíkótóko bɛkɛkɛ ekúlú ayɛ́ nu ká nɔ́ lɛca ne cíínú sɔ́kɔ́nɔ́ : Na *Abɛ́laham, ne *Isak, na Yákɔb, ne *behémúnyi bɛsana bá Bandɔ́mɛsɛ́ bekime e *Butéŋí bɔ́ Bandɔ́mɛsɛ́ noómi, mbá banɔ́ bɛ́muátá behémúkúnyínyi a nɔháatɛ́.

Lúkas 6:24

Mbá nua nɔ́ŋa mahana, banɔ́ abá nua nɔ́ŋa na buŋaŋa, anyía nua nɔ́áŋa na búánɔ́ bɔmbányɛ aaha ɔ ɔmɛsɛ́ ooci !

Lúkas 6:26

Nua nɔ́ŋa mahana, banɔ́ abá baacɔ ŋe bú óómísi cáánɔ́ eénye, anyía híáná cíínú sɔ́kɔ́nɔ́ ŋaá bá bábɔ́ bɛ́kɛ́lákɛ́na a aháŋá yí behémúnyi bɛsana bá bɛfala. »

Lúkas 8:53

Baacɔ ŋé túmé o wuúci cɛ́ca, bébú ményukune anyía wáŋa owéénú.

Ɛfɛ́ɛsɛ 5:4

Bɔ́ tɛ ŋáá hɛ́ka anyía núénú túmékénéne bɛahɔ́, nu kɔɔ́nákána bɛsana ta bɛ́ buála ta bɛ́ mɔnyɔ́kɔ́lɔ́ ; mbá bɔ́ ŋa hɔ́la ɔhɛka anyía núénú íínjíékíne bu íínjíékíne Bandɔ́mɛsɛ́ bitéŋíti.

1 Tɛsaloníke 5:3

Ekúlú a yɛ́mɔtɛ́ ayɛ́ baacɔ ká bɔ́ bá bábɔ́ kɔ́ɔnaka anyía bɔmbányɛ áŋa hɔ́á, bɔkɔ bú olíkíméke tɛ á bá, hí e ekúlú eéyé bé ké bú túme ɔlɛca muuyé, bá tɛ bɛ́táta ; bú káá bá háyɛ inúmí cí obíéne naŋa cɛ́á hátɛna oónjú, u tɛ bɛ́táta ; bá tɛ ká bɔ́ bɔ́ŋɔ ohónyí wú ɔcabakɛna.

Sáak 4:9

Ánɔ lɔ́kɔ́máka ɛtɛ́má ɔnua, núe limékíne a bɛcala, nɔ lɛlaka tɔ́na. Nɔtɛ háná cɛ́ca, mbá ánɔ lɛláka. Nɔtɛ háná bíléne mbá ánɔ lɔ́kɔ́máka ɛtɛ́má ɔnua.

Nyɛnambɔnɛna nyɛ́ bɛsana 3:17

Ɔ ŋɔɔ́ kɔɔna asɛ ɔ ɔ́ŋa ɛnɔ́mɛ cɛ ɔɔcɔ, ɔ wáŋa na bɔnɔ́mɛ buéŋí, ta bɔkɔ tɛ ŋa háná ɔ́ yɔ́ɔ bɛ́ámbɛ́na ; e ti menyi anyía ɔ ɔ́ŋa na mahana buéŋí ɔ ɔhɔla, ɔ ɔ́ŋa taaká cɛ ɔsɔ́kásɔ́ka ci onuti etémbí, kuɔŋɔ́ ne indímé.