Lúkas 6:22 - Nomaande

²² Nua nɔ́ŋa bambányɛ ekúlú ayɛ́ baacɔ ŋa bɔ́ banɔ́ líŋine, bá banɔ́ hákɛ́na a maabána, bá banɔ́ ɔ́ɔmbɔ́náka, bá cáŋgɛna cáánɔ́ eénye anyía nua nɔ́ŋa baákɔ́nɛ́na bá Ɔɔ́nɔ́ u ɔɔcɔ.

Lúkas 6:22 Iomraidhean Croise

Matío 10:18

Bá káá banɔ́ télímíkínyi a akála eé buúse bú betéŋí bá baacɔ ne e betíkítíki na a *baáŋá áyá aámɛ a asana, ananyía nuanɔ́ hakɛ́na ɛmbasɔ́ ne eébú eé buúse ne eé buúse bɔ́ baacɔ a bá tɛ ábɔ́ bá Besuif.

Matío 10:22

Baacɔ bekime ká bɔ́ banɔ́ líŋekine a asana na nyiámɛ nyiínyi. Mbá asana ɔ́mɔtɛ́, ɔɔcɔ ewú u kéé yééhíkínyínyi muuyé ɔ ɔkɔɔ́háma a nyɛmana nyí úúyé olíhe, wuúci u kɔ́ɔ́ nɔ́hɔ.

Matío 10:39

Ɔɔcɔ okime ewú u ŋeé léne otétényi úúyé olíhe kéé wuúci nyímísi ; mbá ɔɔcɔ ewú u kéé nyímísi úúyé olíhe aámɛ a asana kéé wuúci bɔ́ŋɔ́tɔ́na.

Lúkas 20:15

Bé ŋé bu wuúci hámánána e esíéné, nyi wuúci ɔɔ́nɔ́kɔ eényí. » Mbá Yésus ɔsɛ : « A nyíánɔ́ nyɛlɛca, aátɛ́ muútí esíéné káá kɛlaka e ?

Lúkas 21:17

Baacɔ bekime ká bɔ́ banɔ́ líŋekine a asana na nyiámɛ nyiínyi.

Lúkas 6:21

Nua nɔ́ŋa bambányɛ, banɔ́ abá ɛcaná ŋaá banɔ́ núana aámbáya, anyía nu ké nú eécéke. Nua nɔ́ŋa bambányɛ, banɔ́ abá nú ŋa nɔ́ lɛ́la aámbáya, anyía nu ká nɔ́ cɛ́cáka.

Sáaŋ 12:42

Ta háyɛ Ɛsayí ŋaá táŋáká aáná, ɛ ɛkatɛ́katɛ́ ci betéŋínyi Besuif bɛ́muátá, beéŋí ŋa bɔ́ hákɛ́ná mɔŋɔlɛ́ né Yésus, mbá a nyɛnamba noómi. Bá ŋa bɔ́ bá bébú líkíméke anyía *Bafalisiɛ́ŋ é beébe ɔ́ɔ́ŋɔ́kɛ́na a yáábɔ́ *andaŋía yɛ́ ɔbɛ́cɔ́kɔ́lɛ́na.

Sáaŋ 16:2

Bá káá banɔ́ búleke a *bɛndaŋía bɛ́ ɔbɛ́cɔ́kɔ́lɛ́na bí *Besuif. Ɔmuátá, ekúlú káá faáya, a yɛ́ káá bá anyía ɔɔcɔ á banɔ́ ɔ́ɔ́nɔ́, yó kéti anyía ú mɔɔ́ nyiɔ́kɛna Bandɔ́mɛsɛ́ ambányɛ yí buólí.

Sáaŋ 17:14

I ŋe mí beébe hulíkínyi úúwe ɔtáŋa, baacɔ bá ɔmɛsɛ́ ooci ŋe bú beébe liŋékíne anyía bá tɛ ábɔ́ bá bá ɔmɛsɛ́ ooci, bɔkɔ búmɔtɛ́ háyɛ yaŋɔ́ ɛ tɛ amɛ́ bá u ɔmɛsɛ́ ooci.

Sáaŋ 7:7

Baacɔ tɛ ábɔ́ bá bá ɔ banɔ́ aákákɛ́na. Yáábɔ́ yaáká áŋa náámɛ, anyía ɛ ŋa mɛ́ háya ɛmbasɔ́ a yáábɔ́ aháŋá ɛsɛ́ maabɔ́ monyiókínyí áŋa maabɛ́.

Sáaŋ 9:34

Mbá báyɛ nááyá : « O ŋoó bíbíéne kuɔŋɔ́ okime aá bɔɔbɛ́ noómi ; nyiékúnyi nyɛ yaátɛ́ ɔ ɔ́ŋa wu ɔ basɔ́ éékúnyíki e ? » Nyíábɔ́ nyi wuúci ɔ́ɔ́ŋɔ́kɛ́na eényí.

Buólí 22:22

*Besuif ŋe bú lésíkínyí mbuumu ɔ ɔlɔ́kɔ́ma ɔtáŋa ú Bóol oócí ɔ ɔkɔɔ́háma ekúlú ayɛ́ bá ŋa bɔ́ lɔ́kɔ́má buhúnyi eébú. Bé ŋé túme ɔwaánjála báyɛ : « Ánɔ basɔ́ ááŋɛ́na ɔɔcɔ ooci eesú eé buúse, wé wé, bú tɛ á bá butálɛ́mánánɔ́ anyía wá háná líhéke. »

Buólí 24:5

Tua sɔ́ŋa balɛcánɔ́ anyía baabá eeye áŋa taaká cɛ hɛlɔkɔ, háyɛ wáŋa mutéŋínyi hitúlé hɛ́ baacɔ hɛ́ *Násalɛt, ɛ́ɛhɛ́ u ŋe héléne etuŋulinyi ɛ ɛkatɛ́katɛ́ ci Besuif bekime bá ɔmɛsɛ́.

Buólí 9:16

Yaŋɔ́ bɛ́muátá i ké mí wuúci tóŋgínyi indekese ikime acɛ́ u káá nyɛmána wu ohiiteke a yáámɛ asana. »

Sáak 1:12

Bɔmbányɛ ná ɔɔcɔ awɔ́ u ŋɔ yɔ́ɔ́ndɛ́mánána muɔ́kɛ́tánana, u muúmu eéhíkínyínyi na yɔɔ́nɛ́nánɔ́ yɛ́ ɔtɛ́má. Ekúlú ayɛ́ mɔ́ ma mána, Bandɔ́mɛsɛ́ kéé wuúci nama yɔɔ́sɔɔ́sɔ yí olíhe. U ŋaá bɛ́tánɛ́na olíhe oócí ná baacɔ e bé ŋe bú wuúci léne.

1 Bíel 3:14

Mbɔ́kɔ yɛ́ ŋáá háma anyía núánɔ́ lɔ́kɔ́máka muuyé asana na yáánɔ́ ambányɛ yɛ́ nyɛbɛ́kɛ́lɛ́na, yááŋa ambányɛ yɛ́ asana. Buátɛ́ bɔkɔ, nuti líkíméke baacɔ ; cíínú injiŋé tí nyimukune.