Lúkas 6:21 - Nomaande

²¹ Nua nɔ́ŋa bambányɛ, banɔ́ abá ɛcaná ŋaá banɔ́ núana aámbáya, anyía nu ké nú eécéke. Nua nɔ́ŋa bambányɛ, banɔ́ abá nú ŋa nɔ́ lɛ́la aámbáya, anyía nu ká nɔ́ cɛ́cáka.

Lúkas 6:21 Iomraidhean Croise

Matío 5:4

Bɔmbányɛ ná baacɔ a bá ŋa bɔ́ lɛ́la aámbáya, anyía Bandɔ́mɛsɛ́ kéé beébe hélúmúkúnyi ɛtɛ́má a tɔɔna.

Matío 5:6

Bɔmbányɛ ná baacɔ ebé olíhe háyɛ Bandɔ́mɛsɛ́ ŋa yáamba ŋeé beébe hámɛ́na ɔ ɔtɛ́má noómi buéŋí, anyía Bandɔ́mɛsɛ́ kéé beébe iínjíékíne makɛ́nda ma ɔkɛlaka aáná.

Lúkas 1:53

U ŋe yíínjie bɛnyɛ́ma bɛ́ ɔnyíá biéŋí ná baacɔ abá ɛcaná ŋá nuana, mbá u ŋɔ yɔ́ɔŋɛ́na ɛnɔ́mɛ cɛ́ baacɔ, cíɔ́ hálɔ́mɔ́kɔ́na aabá éfendí.

Lúkas 6:20

Ekúlú eéyé, Yésus ŋaá tála bááyɛ́ baákɔ́nɛ́na eése, ɔsɛ náábɔ́ : « Nua nɔ́ŋa bambányɛ, banɔ́ abá nua nɔ́ŋa basɔ́kásɔ́ka, anyía Butéŋí bɔ́ Bandɔ́mɛsɛ́ áŋa búánɔ́ !

Lúkas 6:22

Nua nɔ́ŋa bambányɛ ekúlú ayɛ́ baacɔ ŋa bɔ́ banɔ́ líŋine, bá banɔ́ hákɛ́na a maabána, bá banɔ́ ɔ́ɔmbɔ́náka, bá cáŋgɛna cáánɔ́ eénye anyía nua nɔ́ŋa baákɔ́nɛ́na bá Ɔɔ́nɔ́ u ɔɔcɔ.

Lúkas 6:25

Nua nɔ́ŋa mahana, banɔ́ ebé nú me nú éécéke aámbáya, anyía ɛcaná káá banɔ́ núakɛna ! Nua nɔ́ŋa mahana, banɔ́ abá nú ŋa nɔ́ cɛ́ca aámbáya, anyía ɛtɛ́má káá banɔ́ núáka, nuɔ lɛlaka !

Sáaŋ 11:35

Yésus ŋe bílóósíkínyi bɛlɛlá.

Sáaŋ 4:10

Yésus ɔsɛ nááyá : « Oó menyukune yaála yí nuubo yɛ́ Bandɔ́mɛsɛ́, e menyukune tɔ́na ooci awɔ́ u ŋɔ́ yɔ́ɔ kɔŋɛna menyífé ma ɔmúá, kuɔŋɔ́ ɔ ɔ́ŋa wu o wuúci kɔŋɛna menyífé, mbá wo wiínjie me hicéme. »

Sáaŋ 6:35

Mbá Yésus ɔsɛ náábɔ́ : « Ya mɛ́ŋa bɛnyɛ́ma bɛ́ ɔnyíá bí olíhe. Ɛcaná tɛ ká háná á núana ɔɔcɔ awɔ́ u káá fáaya náámɛ ta buɔ́sɛ́ ; híáná tɔ́na, nyimóti tɛ ká háná á núana ɔɔcɔ awɔ́ u káá háya mɔŋɔlɛ́ náámɛ ta buɔ́sɛ́.

1 Kɔlɛ́ɛntɛ 4:11

Ɔ ɔkɔɔ́háma aámbáya tu ŋa sɔ́ lɔ́kɔ́ma muuyé : Ɛcaná náŋa cɛ á basɔ́ nuakɛ́na, ne nyimóti áyá ; basɔ́ inutí etémbí, bé húle basɔ́ súbéke, tu húle ndeŋeleke.

2 Kɔlɛ́ɛntɛ 11:27

Ɛ ŋa mɛ́ bɛ́ɔ́kɔ́sɔ́kɔ ne muuyé muéŋí e buólí meetú meéŋí ɛ tɛ hɛ́ta hiiné ; mío weéhíkínyínyi na ɛcaná ne nyimóti, bikúlú a bɛ́mɔtɛ́ ɛ ŋa mɛ́ bá oweékínyínyi *obíkíilie ɔnyíá, nyiike ŋaá mɛ nuákɛ́na yaŋɔ́ cɛɛ́tɔ etémbí, tɛ́ka na bɔlaka.

2 Kɔlɛ́ɛntɛ 12:10

Yaátɛ́ asana ɛ naŋa yémi bílénéke a nyiámɛ nyɛbá nyɛ́ bɔtɔmbɔ́ noómi, ta bá á mɛ ɔ́ɔ́mbɔ́náka anyána ; te bé é mí tekeseke, ta yaŋɔ́ a mahana noómi, mbá te úúmi ɔtɛ́má á bɛ́nyíáka, i ŋe mí menyi bɔmbányɛ anyía ɛ ŋaá mɛ lɔ́kɔ́ma muuyé a asana ne Yésus Kilís. I ŋeé mi bíléne anyía ekúlú ekime ayɛ́ ya mɛ́ŋa na bɔtɔmbɔ́, yiíyi eéyé ya mɛ́ŋa na makɛ́nda.

2 Kɔlɛ́ɛntɛ 6:10

Ta yɛ́ cáŋa á bá anyía tu ŋa sɔ́ lɔ́kɔ́ma ɔtɛ́má ɔnua weéŋí, tu ŋa sɔ́ cɔba bɔ cɔba ne buúse o obíléne noómi. A nyɛlɛca nyɛ́ baacɔ, tua sɔ́ŋa basɔ́kásɔ́ka, yiíyi anyía tu ŋe sú céŋísi beéŋí baŋaŋa o olumitinine noómi ; bú ŋa lɛcana háyɛ anyía tua sɔ́ŋa aabá éfendí ; aá taaká tua sɔ́ŋa na bɛnyɛ́ma bikime.

Sáak 1:12

Bɔmbányɛ ná ɔɔcɔ awɔ́ u ŋɔ yɔ́ɔ́ndɛ́mánána muɔ́kɛ́tánana, u muúmu eéhíkínyínyi na yɔɔ́nɛ́nánɔ́ yɛ́ ɔtɛ́má. Ekúlú ayɛ́ mɔ́ ma mána, Bandɔ́mɛsɛ́ kéé wuúci nama yɔɔ́sɔɔ́sɔ yí olíhe. U ŋaá bɛ́tánɛ́na olíhe oócí ná baacɔ e bé ŋe bú wuúci léne.

Nyɛnambɔnɛna nyɛ́ bɛsana 21:3

Aáná ɛ ŋaá lɔ́kɔ́má yaandándá yí okelú ma bɛ́átábɔ́tɔ́na, ú húlúkúne haála ahá nɔkɔná áŋa ; ú kɔ́ɔnaka buáŋá ɔ́sɛ : « Ánɔ lɛcáka, ooki ú Bandɔ́mɛsɛ́ ooci, wáŋa ɛ ɛkatɛ́katɛ́ cɛ baacɔ ; u kéé límekine ɔlɔŋɔ ne beébe. Aáná u káá bá ciábɔ́ Bandɔ́mɛsɛ́, beébe bááyɛ́ baacɔ.

Nyɛnambɔnɛna nyɛ́ bɛsana 7:16

Ɛcaná tɛ ká háná e beébe nuana ta buɔ́sɛ́, te nyimóti ; ta ɔɔ́cɔ́ tɛ ká háná e beébe sabɛna, te olúkúlúku a wúmɔtɛ́ tí beébe kɛla bɔɔbɛ́,