Lúkas 6:14 - Nomaande

¹⁴ Bá ŋa bɔ́ bá anyía ne Símon, awɔ́ u ŋa lɔá tɔ́na anyía Bíel, ne uuyé onyíinyí *Andɛlɛ́, na Sáak na Sáaŋ, ne Fílib na Baatelemí,

Lúkas 6:14 Iomraidhean Croise

Matío 10:2

Eénye cá *baacɔ bá ɛndɔ́ma eece aana : O otúme Símon awɔ́ bɔ́ ŋɔɔ́ lɔ́ŋɔ báyɛ Bíel, ne onyíinyí *Andɛlɛ́, na Sáak ne onyíinyí Sáaŋ, bífendí eébí bikime baáná bé Sebeté ;

Matío 10:3

ne Fílib, na Baatelemí ; na Tɔ́mas na Matío *mutúé etéési ; na Sáak ɔɔ́nɔ́ u Alafɛ, na Tatɛ́ ;

Matío 4:18

Búmɔtɛ́ buɔ́sɛ́, Yésus ŋaá bá a asálá yɛ́ nuɔmɔ́ nɔ́ *Kalilé. U ŋá lɛcá benyíinyí béfendí : Ne Símon awɔ́ bá ŋaá lɔá nyiínyi anyía Bíel, ne onyíinyí *Andɛlɛ́ ; bábɔ́ áahakɛna mɔhɔ́tɔ́ aá nuɔmɔ́ noómi, anyía bá ŋa bɔ́ bá belumbelumbe.

Matío 4:21

U ŋa cɔ́bɛ́tɛ́ta ne buúse, yó túné lɛca nyɛ́mɔtɛ́ nyiinyí : Na Sáak na Sáaŋ, baáná bé Sebeté ; beébe a yáábɔ́ ɔkɔkɔ́ noómi na cíábɔ́ síkíne, bábɔ́ tábɔ́náka máábɔ́ mɔhɔ́tɔ́. Yésus ŋé beébe lɔ́ŋɛ́ta.

Malɛ́kus 1:19

Yésus ŋá cɔ́bɛ́tɛ́ta ne buúse, yɔ́ lɛ́ca na Sáak ne onyíinyí Sáaŋ, baáná bé Sebeté. Beébe a yáábɔ́ ɔkɔkɔ́ noómi, bábɔ́ tábɔ́náka máábɔ́ mɔhɔ́tɔ́.

Malɛ́kus 1:29

Ne Yésus, na Sáak, na Sáaŋ ŋa bɔ́ hámá a *andaŋía yɛ́ ɔbɛ́cɔ́kɔ́lɛ́na yí *Besuif, bá ŋá cɔba ɔ ɔcɔba eé ciíbe cɛ ne Símon na *Andɛlɛ́.

Malɛ́kus 14:33

U ŋɔ́ lɔ́ŋɛ́ta ne Bíel, na Sáak, na Sáaŋ ; bé ŋé súéte. Bulíkílíki ŋé túme o wuúci tímbie, maayɛ́ manɔ́ŋɔ́ kátákáta,

Malɛ́kus 3:16

Baacɔ bɔ́ɔ́hátá ne béfendí ebé Yésus ŋaá táfáka ŋa bɔ́ bá anyía : Ne Símon awɔ́ u ŋaá lɔá anyía Bíel, ɛ́cɛ « nyɛndányɛ́ »,

Malɛ́kus 5:37

U ti ómo woókóto baacɔ anyía bé keé wuúci síke, ɛ tɛ ŋáa bá hú ne Bíel na Sáak na Sáaŋ, onyíinyí u Sáak.

Malɛ́kus 9:2

E elime cɛ mɔɔ́sɛ́ metíndétú, Yésus ŋa cɔ́bána ne Bíel na Sáak na Sáaŋ, hú wáábɔ́, a yaandándá yɛ́ nɔkɔndɔ ɔ ɔmuaná haaca na baacɔ. Yésus ŋá hɛŋɛ́na nyɛlɛcana eébú eé buúse.

Lúkas 5:10

Híáná baláayɛ́ bé Símon, na Sáak na Sáaŋ, baáná bé Sebeté, ŋe bú kéké tɔ́na. Mbá Yésus ŋá laána Símon ɔsɛ : « Eti líkíméke ! O otúme aámbáya, o kó búle o o mi súéne baacɔ. »

Lúkas 5:8

Ɛ́makɛ́la Símon Bíel á lɛ́cá aáná, u ŋé túmíne Yésus eŋéndu, mbá ɔsɛ : « Otéŋí a Waáŋá, cɔ́kɔ́lɛ, ɛ tɛ ámɛ bá ooci a wáŋa wu ɔtálɛ́mɛ́na oówo eé buúse, ya mɛ́ŋa mɔkɛla maabɛ́. »

Lúkas 6:13

Ɛ́makɛ́la ɔyá áa ya, u ŋɔ́ lɔ́ŋɔ́kɔ bááyɛ́ *baákɔ́nɛ́na, u ŋá táfáka aabɔ́ ɛ ɛkatɛ́katɛ́ baacɔ bɔ́ɔ́hátá ne béfendí, u ŋé beébe lɔá nyiínyi anyía *baacɔ bá ɛndɔ́ma.

Lúkas 6:15

na Matío na Tɔ́mas, na Sáak ɔɔ́nɔ́ u Alafɛ, ne Símon awɔ́ bɔ́ ŋɔ lɔ́ŋɔ anyía Muléne ɔkátɔ́na bunɔŋɔ bú *Islayɛ́l,

Sáaŋ 1:45

Fílib ŋá kaá kuána Nataniɛl ; ɔsɛ nááyá : « Tua sɔáŋa na ɔɔcɔ ewú *Moyís ŋaá táŋáká yááyɛ́ asana e nufule nú bikotí; yááyɛ́ asana behémúnyi bɛsana bá Bandɔ́mɛsɛ́ ŋa bɔ́ bá bábɔ́ kɔ́ɔnaka tɔ́na. Nyíáyɛ́ nyiínyi ɛ́cɛ Yésus, ɔɔ́nɔ́ u Yɔ́sɛb, u bunɔŋɔ bɔ́ Násalɛt. »

Sáaŋ 14:8

Mbá Fílib ɔsɛ : « Otéŋí a Waáŋá, ɔ́ɔ basɔ́ tóŋínyi hú Síkíne, ɔmanɔ́ ! »

Sáaŋ 6:5

Yésus ŋaá tɔ́ma eése, yɔ́ lɛ́ca anyía yaandándá yí etúte yɛ́ baacɔ ŋeé wuúci látɛ́na, mbá ɔsɛ né Fílib : « Háányɛ́ tua sɔ́ŋa tú ɔbɔ́ŋgɔ́na bɛnyɛ́ma bɛ́ ɔnyíá anyía túásɔ́ ɔɔ́ndɔ́kɔ o otúkékíne eeye etúte yɛ́ baacɔ e ? »

Sáaŋ 6:8

Aáná *muákɔ́nɛ́na a mumɔtɛ́, *Andɛlɛ́, onyíinyí u Símon Bíel, ŋaá táŋɛ́tá ɔsɛ :

Buólí 1:13

Ahɛ́ bá ŋga bɔ́ hálɔ́mɔ́ná eé Yelúsalɛm, bá ŋa bɔ́ báátáká e ekéti yɛ́ ɔnɔŋɔ ú ciíbe, haála ahá bá ŋa bɔ́ bá bébú límekine. Bá ŋa bɔ́ bá anyía ne Bíel na Sáaŋ, na Sáak na Andɛlɛ́, ɔláta ne Fílib na Tɔ́mas, na Baatelemí na Matío ɔ ɔkɔɔ́láta na Sáak ɔɔ́nɔ́ u Alafɛ, ne Símon awɔ́ bɔ́ ŋɔɔ́ lɔ́ŋɔ anyía Muléne ɔkátɔ́na bunɔŋɔ bú Islayɛ́l, ne Súute ɔɔ́nɔ́ u Sáak.

Buólí 12:2

Aáná u ŋaá kɛ́lá anyía bɔ́ yɔ́ɔ́nɔ́ Sáak, onyíinyí ú Sáaŋ, na nɔsala nɔ́ ɔhána.

2 Bíel 1:1

Yaŋɔ́, Símon Bíel, munyiɔnɔ mu *Yésus *Kilís ; yaŋɔ́ tɔ́na uuyé *ɔɔcɔ u ɛndɔ́ma. Yaŋɔ́, ɛ ŋa mɛ́ banɔ́ ɔɔ́ŋɛ́na nufule eenu, banɔ́ eebe abá nu ŋa nɔ́ háya mɔŋɔlɛ́ né Yésus Kilís, bɔkɔ búmɔtɛ́ háyɛ basɔ́. Wuúci wáŋa na ciasɔ́ *Bandɔ́mɛsɛ́ na muasɔ́ Munohi. U ŋaá kɛ́la anyía túásɔ́ háya mɔŋɔlɛ́ nááyá aáná basɔ́ bekime, anyía wáŋa ɔtálɛ́mánánɔ́.