Lúkas 5:30 - Nomaande

³⁰ Aáná na *Bafalisiɛ́ŋ na bíábɔ́ bikendinyi *beékúnyi bikotí ŋe bú túme obícúcúle, bá bátaka *baákɔ́nɛ́na bé Yésus báyɛ : « Anyíatɛ́ nu ŋe nú nyíényi, nu muékínyi ne betúé etéési na bakɛla maabɛ́ e ? »

Lúkas 5:30 Iomraidhean Croise

Matío 5:46

Yááŋa anyía mbɔ́kɔ nu ŋe nú léne hú baacɔ a bá ŋa bɔ́ banɔ́ léne, bɛnamá bɛ́yaátɛ́ nu ŋa nɔ́ tata e ? Te *betúé etéési ŋa bɔ́ kɛ́la híáná.

Matío 9:11

Ɛ́makɛ́la *Bafalisiɛ́ŋ ábɔ́ lɛ́cá aáná, bá ŋá batá bááyɛ́ baákɔ́nɛ́na báyɛ : « Anyíatɛ́ muanɔ́ muékúnyi ŋeé nyíényi ne betúé etéési na bakɛla maabɛ́ bé etémbí e ? »

Malɛ́kus 2:16

Ɛŋakɛlá *beékúnyi bikotí bá ɔlɔŋɔ ú *Bafalisiɛ́ŋ abɔ́ lɛ́ca Yésus e nyíékínyi ne betúé etéési na bakɛla maabɛ́, bá ŋá báta bááyɛ́ baákɔ́nɛ́na báyɛ : « Anyíatɛ́ u ŋeé nyíényi ne betúé etéési na bakɛla maabɛ́ e ? »

Malɛ́kus 7:3

Yááŋa anyía na Bafalisiɛ́ŋ ne *Besuif bé etémbí bekime ŋa bɔ́ látɛ́na bɛsana ebí cííbú sɔ́kɔ́nɔ́ ŋe bú beébe eékúnyíki : Bá tɛ ábɔ́ bá bá ɔnyíáka beébe tɛ́ka na ɔbɛ́sua aabá bɔmbányɛ bɔmbányɛ.

Malɛ́kus 9:16

U ŋá batá bááyɛ́ baákɔ́nɛ́na ɔsɛ : « Asana a yaátɛ́ nú ŋe nú súŋunyinyi na baacɔ eebe e ? »

Lúkas 18:11

Ɔɔcɔ u Bafalisiɛ́ŋ ŋaá tálɛ́mɛ́na ɛndánáka náányia, u bɛ́cɔ́kɔ́lɔ́kɛ́na ɔsɛ : “Kuɔŋɔ́ Bandɔ́mɛsɛ́, i ŋe mí o wiínjie bitéŋíti anyía ɛ tɛ ámɛ bá háyɛ baacɔ a bɔ́mɔtɛ́ e bé ŋe bú eebe, bá tɛ ábɔ́ bá bɛtálɛ́mánánɔ́ bɛ́ baacɔ, bá kándáka tusɔmɔ ; ɛ tɛ ámɛ bá háyɛ mutúé etéési eemu.

Lúkas 19:7

Ekúlú ayɛ́ baacɔ ŋa bɔ́ lɛ́cá asana eéyé, bekime ŋé túme ɔtáŋa ɛmbásɛmbásɛ, báyɛ : « Ú maá cɔ́ba ɔ ɔkɔfíanɛna o ooki ú aabɛ́ yɛ́ ɔɔcɔ. »

Lúkas 5:17

Búmɔtɛ́ buɔ́sɛ́, Yésus ŋaá bá we yeékúnyíki. Na *Bafalisiɛ́ŋ ne *beékúnyi bikotí ŋa bɔ́ bá límekine aáhá, bé húlúkúne a mɔnɔŋɔ mekime na ma *Kalilé, ne me Yuté ne Yelúsalɛm tɔ́na. Makɛ́nda me Otéŋí a Waáŋá ŋaá bá nááyá, ma kɛ́laka anyía weé yeéŋúnyísíki bɔkɔnɔ́kɔ́nɔ.

Lúkas 5:21

Ne beékúnyi bikotí na Bafalisiɛ́ŋ ŋe bú túme obílúmínyi, bá kɔ́ɔ́naka báyɛ : « Aányɛ́ ooci ú ŋé féníne Bandɔ́mɛsɛ́ aáná e ? Aányɛ́ ú ŋá nyɛ́ánɛnɛna baacɔ maabɛ́, ɛ tɛ ŋáa bá hú Bandɔ́mɛsɛ́ bímuócí e ? »

Lúkas 7:34

Ɔɔ́nɔ́ u ɔɔcɔ ŋaá faáya ; u nyíáka, u múákɛ́na, nɔsɛ : “Huúúʼ ! Munyíá bɛnyɛ́ma eemu muáŋa, wuúci tɔ́na mumúána meluku ; wáŋa ekendinyi yí ne betúé etéési na bakɛla maabɛ́ bé etémbí !”

Lúkas 7:39

Ɛ́makɛ́la ɔɔcɔ u Bafalisiɛ́ŋ awɔ́ u ŋɔ lɔ́ŋɔ́kɔ́ Yésus á lɛ́cá aáná, u ŋé bíketi e uúye ɔtɛ́má ɔsɛ : « Hmm, mbɔ́kɔ ɔɔcɔ ooci á bá taaká *muhémúnyi bɛsana mɔ Bandɔ́mɛsɛ́, keyé ú me menyi aányɛ́ wáŋa nyɛnamá nyí oónjú e nyí me wuúci bítíse ; yó ményi anyía mɔkɛla maabɛ́ e muénjú muáŋa. »

Buólí 23:9

Háyɛ hikókó ŋaá bá hɛ́ á cɔ́baka bɔ cɔbaka ne buúse na makɛ́nda, *beékúnyi bikotí ɔ bɔ́mɔtɛ́ ɔ ɔlɔŋɔ ú Bafalisiɛ́ŋ nyɛhatɔna eényí o osuŋunyinyi na makɛ́nda báyɛ : « Tu tɛ ŋá sɔ́ lɛ́ca hɛkɔma ná ɔɔcɔ ooci. Yáakɛlá elilé a yɛ́mɔtɛ́ ta anyía *elilé yɛ́ bɔsɔ́ma yɛ́ Bandɔ́mɛsɛ́ a yɛ́mɔtɛ́ yɛ́áŋa ɔtáŋákánɔ́ ne wuúci. »