Lúkas 5:22 - Nomaande

²² Yésus ŋe ményi cííbú ibíkéti, mbá ɔsɛ náábɔ́ : « Anyíatɛ́ nua nɔ́ŋa na anamá cé ibíkéti eécé e ?

Lúkas 5:22 Iomraidhean Croise

Matío 12:15

Ɛ́makɛ́la wé ményí aáná, u ŋá hatɔ́na aáhá, u ŋá hɔla, baacɔ beéŋí wuúci látákɛ́na. U ŋeé beébe ééŋúnyísíki beébe bekime.

Matío 12:25

Yésus ŋaá bá weé ményukune cííbú ibíkéti, aáná u ŋeé beébe laána ɔsɛ : « Butéŋí bukime abɔ́ baacɔ bá hɔ́á ŋe bú núusinyinyi áŋa bunyímé. Bálɛ́ka ikime ta anyía ciíbe cɛ baacɔ ikime acɛ́ baacɔ bá hɔ́á ŋe bú núusinyinyi tɛ a bá cɛ ɔcɔcɔbaka ne buúse ta buɔ́sɛ́.

Matío 9:4

U ŋé ményí cííbú ibíkéti, mbá ɔsɛ náábɔ́ : « Anyíatɛ́ nua nɔ́ŋa na bɛɛbɛ́ bí ibíkéti eébí aáná e ?

Malɛ́kus 8:17

Ɛ́makɛ́la Yésus é menyi aáná, mbá ɔsɛ : « Anyíatɛ́ nu ŋa nɔ́ kɔɔna anyía u ŋa táŋa aáná anyía tu tɛ asɔ́ bá ne biléti e ? Ɛ́cɛ anyía nu tɛ ŋá nɔ́ lɔ́kɔ́ma bɔmbányɛ, nu ti menyi ; cíínú ɛtɛ́má áŋa iwéékúnénú.

Lúkas 24:38

Mbá Yésus ɔsɛ náábɔ́ : « Anyíatɛ́ nu ŋe nú líkíme nyɛnamá eényí e ? Nyɛnamá nyí isuŋí nyɛ́ aátɛ́ nua nɔ́ŋa ne nyiínyi ɛ ɛtɛ́má e ?

Lúkas 5:21

Ne beékúnyi bikotí na Bafalisiɛ́ŋ ŋe bú túme obílúmínyi, bá kɔ́ɔ́naka báyɛ : « Aányɛ́ ooci ú ŋé féníne Bandɔ́mɛsɛ́ aáná e ? Aányɛ́ ú ŋá nyɛ́ánɛnɛna baacɔ maabɛ́, ɛ tɛ ŋáa bá hú Bandɔ́mɛsɛ́ bímuócí e ? »

Lúkas 5:23

Aátɛ́ yɛ́ ŋa hɔ́la ɔnata e ? Ɔkɔɔna anyía : “Ɛ́ mɔ mɛ́ ɔ nyɛanɛna mɔɔwɔ maabɛ́”, ayɛ́ʼ ɔkɔɔna anyía : “Hatɔ́na ɛndánáka, kandáka” e ?

Buólí 5:3

Aáná Bíel ŋeé wuúci batá ɔsɛ : « Ananías, anyána *Sátan áŋa wu onyíóyo ɔɔ́wɔ ɔ ɔtɛ́má a nyɛnamá enyí o ŋoó néŋe *Efúúménénú yí Elilé, mbá a namba mɔɔnyɛ́ a mɔ́mɔtɛ́ me ekéti yí iisí eyí ó moó túé e ?

Ebélé 4:12

Bɛsana bɛ́ Bandɔ́mɛsɛ́ ŋe yíinjie baacɔ taaká ci olíhe, bɛ́áŋa na makɛ́nda. Bɛ́ ŋaá tɛ́a ɔ ɔhɔla nɔsala nɔ́ ɔhána a nɔ́ ŋá tɛ́a bɛháŋá bikime ; bɛ́ ŋɔ bɔ́lɔ cɛɛ́tɔ háyɛ nɔsala nɔ́ ɔhána ŋɔ́ bɔ́lɔ yuúhé, ɔ ɔkɔɔ́háma ɔ ɔwaálɔ́na na hɛtányɛ́ ne elilé, bɛ́ɔ́ kɔɔ́háma ɔ mɔsɔŋɛ́ noómi. Bɛsana bɛ́ Bandɔ́mɛsɛ́ eébí ŋa námbɔna bɛsana abɛ́ ɔɔcɔ ŋaá bɛ́táá e uúyé ɔtɛ́má anyía wáŋa wu ɔkɛlaka.

Nyɛnambɔnɛna nyɛ́ bɛsana 2:23

Ɛ ká mɛ́ mana ɔwɔɔ́nɔ́kɔ hú táákɔ bááyɛ́ baáná ananyía tuɔ́bɔ tú belumitinine tukime e menyukune anyía yaŋɔ́ i ŋeé mi búlúne na ɛbɛ́táá, na bɛsana a bɛ́ ŋa hámɛ́na baacɔ ɛ ɛtɛ́má noómi. Ɛ ká mɛ́ namaka ɔɔcɔ okime a nyɛnamá nyɛ́ maayɛ́ monyiókínyí.