Lúkas 5:21 - Nomaande

²¹ Ne beékúnyi bikotí na Bafalisiɛ́ŋ ŋe bú túme obílúmínyi, bá kɔ́ɔ́naka báyɛ : « Aányɛ́ ooci ú ŋé féníne Bandɔ́mɛsɛ́ aáná e ? Aányɛ́ ú ŋá nyɛ́ánɛnɛna baacɔ maabɛ́, ɛ tɛ ŋáa bá hú Bandɔ́mɛsɛ́ bímuócí e ? »

Lúkas 5:21 Iomraidhean Croise

Matío 26:65

Ɛ́makɛ́la mutéŋínyi beluli nyiínjie a muáŋá á lɔ́kɔ́má aáná, hilóbi ŋe wuúci timbie ; u ŋá laháka bíáyɛ́ bɛlaŋa, mbá ɔsɛ : « Aátɛ́ tɔ́na ! Tu tɛ ŋá háná asɔ́ aamba tɔkɔma tú etémbí. Nú ma nɔ́ lɔ́kɔ́ma na cáánɔ́ eetú háyɛ ú ŋe féníne Bandɔ́mɛsɛ́ !

Matío 9:3

Eéyé ekúlú *beékúnyi bikotí ɔ bɔ́mɔtɛ́ ŋe bú túmé obílúmínyi, mbá báyɛ : « Ɔɔcɔ ooci áŋa o oféníne Bandɔ́mɛsɛ́. »

Lúkas 3:8

Mbá ánɔ caŋá kɛ́laka bɛsana e bí ŋo tóŋínyi anyía nú ma nɔ́ bɛ́kákálákɛ́na máánɔ́ maabɛ́, nuɔ́ sɔ́mba tɔ́na ɔkɔlɔ́ eé meéme. Nuti bíkétíki e cíínú ɛtɛ́má anyía nua nɔ́ŋa nú ɔkɔɔna hú anyía : “Abɛ́laham áŋa ciasɔ́ sɔ́kɔ́nɔ́.” Aá taaká ɛ ŋa mɛ́ banɔ́ láana ɛsɛ́ Bandɔ́mɛsɛ́ áŋa wu oceŋisi andányɛ́ eece baáná bá *Abɛ́laham.

Lúkas 5:17

Búmɔtɛ́ buɔ́sɛ́, Yésus ŋaá bá we yeékúnyíki. Na *Bafalisiɛ́ŋ ne *beékúnyi bikotí ŋa bɔ́ bá límekine aáhá, bé húlúkúne a mɔnɔŋɔ mekime na ma *Kalilé, ne me Yuté ne Yelúsalɛm tɔ́na. Makɛ́nda me Otéŋí a Waáŋá ŋaá bá nááyá, ma kɛ́laka anyía weé yeéŋúnyísíki bɔkɔnɔ́kɔ́nɔ.

Lúkas 5:22

Yésus ŋe ményi cííbú ibíkéti, mbá ɔsɛ náábɔ́ : « Anyíatɛ́ nua nɔ́ŋa na anamá cé ibíkéti eécé e ?

Lúkas 7:49

Baacɔ a bá ŋa bɔ́ bá bébú nyiékínyi ŋe bú túme obílúmínyi báyɛ : « Háá ! Ɔɔcɔ u háányɛ́ ooci, u ŋa nyɛ́anɛnɛna baacɔ maabɛ́ e ? »

Sáaŋ 10:33

Báyɛ : « Tɛ́ cáŋa a asana a yambányɛ tu ŋa sɔ́ áamba ɔ kuɔŋɔ́ ɔ́ɔ́nɔ na andányɛ́, mbá a asana eyí o ŋoó féníne Bandɔ́mɛsɛ́. Kuɔŋɔ́, ɔ ɔ́ŋa ɔɔcɔ háyɛ basɔ́, ɔ ŋɔɔ́ waamba obíkéti na Bandɔ́mɛsɛ́ ! »

Lóom 8:33

Aányɛ́ wáŋa wu ɔsɔ́mɛ́na aná baacɔ abá Bandɔ́mɛsɛ́ ŋaá táfáká e ? Yááŋa anyía wuúci bɛ́muátá u ŋaá kɛ́láka anyía bá bámɔ́kɔ́na bɛtálɛ́mánánɔ́ bɛ́ baacɔ eeyé eé buúse.