Lúkas 5:17 - Nomaande

¹⁷ Búmɔtɛ́ buɔ́sɛ́, Yésus ŋaá bá we yeékúnyíki. Na *Bafalisiɛ́ŋ ne *beékúnyi bikotí ŋa bɔ́ bá límekine aáhá, bé húlúkúne a mɔnɔŋɔ mekime na ma *Kalilé, ne me Yuté ne Yelúsalɛm tɔ́na. Makɛ́nda me Otéŋí a Waáŋá ŋaá bá nááyá, ma kɛ́laka anyía weé yeéŋúnyísíki bɔkɔnɔ́kɔ́nɔ.

Lúkas 5:17 Iomraidhean Croise

Matío 11:5

Bendíméndíme ŋa bɔ́ lɛ́cana, baacɔ e bé ŋe bú síndólo kandaka bɔmbányɛ, beénuúnu aáŋɔ́núaka, bɔndɔ́kɔ́ndɔ́kɔ lɔ́kɔ́mákána, biwéewé háányuaka, basɔ́kásɔ́ka lɔ́kɔ́máka Ambányɛ yɛ́ Ɛsɔ́ma.

Matío 15:1

Na *Bafalisiɛ́ŋ ne *beékúnyi bikotí e bé ŋe bú húlúkúne eé Yelúsalɛm ŋa ka bɔ́ kuána Yésus. Bé ŋé wuúci batá báyɛ :

Malɛ́kus 1:45

Mbá ta híáná, ɛ́makɛ́la ɔɔcɔ oócí é súété, nyitúme eényí o húle hulinyi baacɔ bɛhaála bikime asana eéyé. Yaátɛ́ asana Yésus tɛ ɔ́mɔ́ bá wu ɔ háná bítóŋgínyi a miányɛ́ a bálɛ́ka a cɛ́mɔtɛ́ ; mbá u ŋaá bá weé limekine hú a bɛhaála abɛ́ baacɔ tɛ á bá. Baacɔ ŋaá bá bábɔ́ fáakɔna nááyá, bé húlúkúne bɛhaála bikime.

Malɛ́kus 16:18

Bá hátɛakɛna mɔɔ́hɔ a mɔɔ́sɔ na aabá. Ta bábɔ́ muána bɔkɔ a bulɔkɔ́nɔ́, bú ti kéé beébe kɛla ta bɔkɔ ; bá ká bɔ́ tálákɛ́na bɔkɔnɔ́kɔ́nɔ aabá, bɔkɔnɔ́kɔ́nɔ eébé bɔ́ waáŋɔ́núaka. »

Malɛ́kus 3:22

Beékúnyi *bikotí e bé ŋe bú húlé eé Yelúsalɛm ŋaá bá hɔ́á tɔ́na ; bá kɔ́ɔnaka báyɛ : « Bɛlɛsɛbúl, mutéŋínyi bɛɛbɛ́ bí bililé, mó yóófinine ɔɔcɔ ooci. U ŋe hémúnyi bɛɛbɛ́ bí bililé a baacɔ na makɛ́nda me otéŋí oócí. »

Malɛ́kus 5:30

Hí á yaátɛ́ ekúlú, Yésus ŋaá bɛ́lɔ́kɔ́má anyía makɛ́nda a mɔmɔtɛ́ me wuúci háma ; aáná u ŋá bɛ́kúalɛta ɛ ɛkatɛ́katɛ́ cɛ baacɔ, mbá ɔsɛ : « Aányɛ́ ú meé bítíse búámɛ bɔlaka e ? »

Malɛ́kus 7:1

Aáná na *Bafalisiɛ́ŋ ne *beékúnyi bikotí a bɔ́mɔtɛ́ e bé ŋe bú húlúkúne eé Yelúsalɛm ŋa bɔ́ bɛ́bándákáná hoóhi ne Yésus.

Lúkas 15:2

Na *Bafalisiɛ́ŋ ne *beékúnyi bikotí ŋa bɔ́ lɔ́kɔ́má bɔɔbɛ́, bé bícúcúléke báyɛ : « Ɔɔcɔ ooci ŋaá káha bɔmbányɛ bakɛla maabɛ́, u nyíékínyi ne beébe ! »

Lúkas 2:46

Ɔ mɔɔ́sɛ́ matátɔ́, ɛ́ɛhɛ́ bé ŋge bú wuúci kuána eé *Ciíbe cɛ Bandɔ́mɛsɛ́ oliménénú ne *beékúnyi bikotí, u beébe bɛ́lɔ́kɔ́máka, u beébe bataka bɛsana.

Lúkas 5:21

Ne beékúnyi bikotí na Bafalisiɛ́ŋ ŋe bú túme obílúmínyi, bá kɔ́ɔ́naka báyɛ : « Aányɛ́ ooci ú ŋé féníne Bandɔ́mɛsɛ́ aáná e ? Aányɛ́ ú ŋá nyɛ́ánɛnɛna baacɔ maabɛ́, ɛ tɛ ŋáa bá hú Bandɔ́mɛsɛ́ bímuócí e ? »

Lúkas 5:30

Aáná na *Bafalisiɛ́ŋ na bíábɔ́ bikendinyi *beékúnyi bikotí ŋe bú túme obícúcúle, bá bátaka *baákɔ́nɛ́na bé Yésus báyɛ : « Anyíatɛ́ nu ŋe nú nyíényi, nu muékínyi ne betúé etéési na bakɛla maabɛ́ e ? »

Lúkas 6:19

Baacɔ bekime ŋa yáambaka o wuúci bítíse anyía makɛ́nda ŋaá bá má hámɔ́kɔ́na nááyá, me beébe eéŋúnyísíki bekime.

Lúkas 7:30

Mbá na *Bafalisiɛ́ŋ ne *beékúnyi bikotí ŋe bú kíne bɛsana bɛ́ Bandɔ́mɛsɛ́ ; beébe te *obíótíne ná Sáaŋ.

Lúkas 8:46

Mbá ɔsɛ : « Ɔɔcɔ a wɔmɔtɛ́ meé mi bítíse, anyía ɛ́ maá mɛ bɛ́lɔ́kɔ́ma makɛ́nda maá mɛ háma á cɛɛ́tɔ. »

Sáaŋ 3:10

Mbá Yésus ɔsɛ : « Anyána o ti ŋó menyi bɛsana eebi, yiíyi anyía ɔ ɔ́ŋa woómóomo e beékúnyi aaha e Islayɛ́l e ?

Sáaŋ 3:21

Mbá ɔɔcɔ awɔ́ u ŋa látɛ́na taaká ŋa fáaya e eese anyía baacɔ ébú menyi ɔlɛca anyía u ŋa kɛla bɛsana bikime a nyɛlɔ́kɔ́mána na Bandɔ́mɛsɛ́.

Buólí 19:11

Bandɔ́mɛsɛ́ ŋe yiínjíé Bóol makɛ́nda ma ɔkɛlaka bɛandándá bí *bikéki bɛ́ bɛsana.

Buólí 4:30

Ɔ́ɔ basɔ́ iínjíé mɔɔwɔ makɛ́nda anyía túésú eéŋúnyísíki baacɔ ɛkɔnɔ, tu kɛlaka tɔ́na ne bikéki bí tubílícínyínyí ne bikémése bɛ́ bɛsana a makɛ́nda me Yésus, muɔwɔ Munyiɔnɔ e mufúúménénú. »

Buólí 5:34

Mbá ɔɔcɔ ɔmɔtɛ́ ŋaá bá aaha, nyiínyi báyɛ Kamaliɛl. U ŋaá bá ɔɔcɔ u hitúlé hɛ́ Bafalisiɛ́ŋ, wuúci muékúnyi bikotí, baacɔ bekime ŋaá bá bébú wuúci kékéke buéŋí ; ɔɔcɔ ooci ŋa hátɔ́na ɛndánáka ɛ ɛkatɛ́katɛ́ ci Hitúlé a hiáŋá, u ŋá batá bicénji anyía bía caŋá hémúnyi baacɔ bá ɛndɔ́ma a nɔháatɛ́.