Lúkas 5:11 - Nomaande

¹¹ Ahɛ́ bá ŋga bɔ́ hálámánáná bɛkɔkɔ́ a asálá, bá ŋá bɛ́yuátáka bɛnyɛ́ma bikime, bé ŋé wuúci látákɛ́na.

Lúkas 5:11 Iomraidhean Croise

Matío 10:37

Mbɔ́kɔ ɔɔcɔ ti ŋé mi léne ɔ ɔhɔla nyɛnamá enyí u ŋeé léne ne síkíne ne iinyí, u tɛ á bá ooci awɔ́ á nyɛmána wu ɔbá uumi. Ɔɔcɔ ewú u kéé lénéke uuyé ɔɔ́nɔ́ a wɔnɔ́mɔcɔ́ ta anyía e woónjú ɔ ɔ mɛ hɔla, tɛ á bá ooci awɔ́ á nyɛmána wu ɔbá uumi.

Matío 19:27

Aáná Bíel ŋa bátá Yésus ɔsɛ : « Ɛ́náʼo, basɔ́ abá tu ŋa sɔ́ bɛ́yuátáka bíásɔ́ bɛnyɛ́ma bikime, túɔ́ kuɔŋɔ́ látáka oóoʼ ; aátɛ́ tu ká sɔ́ bɔ́ŋgɔ́na e ? »

Matío 19:29

Aáná ɔɔcɔ okime awɔ́ u ká bɛ́yúáta bɔkɔ a búmɔtɛ́ aámɛ a asana, te cííyí iiki, te benyíinyí a banɔ́mɔcɔ́, te e beénjú, te iinyí te síkíne, ta baáná mbá ta ciayɛ́ iisí, é menyí anyía u kɔ́ɔ́ bɔ́ŋɔ ne etíne atáánɔ cá bɔkɔ bukime ebú u ŋeé síké na yɔɔ́sɔɔ́sɔ yí olíhe yí ekúlú ekime.

Matío 4:20

Hí a yaátɛ́ ekúlú, bá ŋá bɛ́yúátáka ɔbɛ́yúátáka máábɔ́ mɔhɔ́tɔ́, bé ŋé wuúci látákɛ́na.

Matío 4:22

Hí a yaátɛ́ ekúlú, bífendí bɛ́ baacɔ eébé ŋá bɛ́yúátáká na yáábɔ́ ɔkɔkɔ́ na ciabɔ́ síkíne, nyɛlátákɛ́na Yésus eényí.

Malɛ́kus 10:21

Yésus ŋé wuúci bísíémúkúnyi, u ŋé wuúci bílénékíne, mbá ɔsɛ nááyá : « Bɔkɔ a bɔ́mɔtɛ́ áŋa hɔ́á a bɔ́ ŋɔ yɔ́ɔ bɛ́ámbɛ́na ɔkɛla tɔ́na : Cɔbá, ké ke túéke buɔ́wɔ bɔnɔ́mɛ bukime, mbá aafakɛna mɔɔnyɛ́ a basɔ́kásɔ́ka ; aáná ɔ kɔ́ɔ́ bá na bɔnɔ́mɛ a Bunɔŋɔ bɔ́ Bandɔ́mɛsɛ́. Mbá á faaya, e búle mɛ látɛ́na. »

Lúkas 5:28

Hí a yaátɛ́ ekúlú Léfi ŋa hátɔ́na, u ŋé kine búáyɛ́ buólí buúse bukime, u ŋé wuúci látáka.