Lúkas 5:1 - Nomaande

¹ Búmɔtɛ́ buɔ́sɛ́, Yésus ŋaá bá a asálá yɛ́ nuɔmɔ́ nɔ́ Kɛnɛsalɛt, aáhá nyɛkɔca nyɛ́ baacɔ ŋeé wuúci sékítínyi anyía nyɛ́ á lɔ́kɔ́máka Bɛsana bɛ́ Bandɔ́mɛsɛ́.

Lúkas 5:1 Iomraidhean Croise

Matío 11:12

O otúme ekúlú ayɛ́ Sáaŋ Batis ŋaá bá weé húlikinyi baacɔ Ambányɛ yɛ́ Ɛsɔ́ma ɔ ɔkɔɔ́háma aámbáya, baacɔ ŋa bɔ́ hɔ́nɔnɔ Butéŋí bɔ́ Ɔmuaná. Bakɛ́ndákɛ́nda meé buúbu ŋaŋɛmɛna.

Matío 14:34

Ɛ́makɛ́la ne Yésus na bááyɛ́ *baákɔ́nɛ́na ábɔ́ látɛ́ná nuɔmɔ́, bá ŋga háma i iisí cɛ Kɛnɛsalɛt.

Malɛ́kus 3:9

U ŋaá laána bááyɛ́ baákɔ́nɛ́na anyía bé wuúci tétényínyi ɔkɔkɔ́, bé yiíyi nyɛ́kɛ́tɛ́tɛ́na e menyífé anyía baacɔ ti wuúci sékítínyi.

Malɛ́kus 4:1

Yésus ŋa háná é túme oweékúnyi baacɔ bɛsana bɛ́ Bandɔ́mɛsɛ́ a asálá yɛ́ nuɔmɔ́ nú *Kalilé. Yaandándá yɛ́ nyɛkɔca nyɛ́ baacɔ ŋaá bɛ́bándákáná aáyá a maabána a nyɛnamá enyí u ŋo yóófíne ɔ ɔkɔkɔ́ a yɛ́ ŋaá bá e menyífé, u ŋé limíne hɔ́á. Baacɔ ŋa bɔ́ bá límekine a asálá yɛ́ nuɔmɔ́.

Malɛ́kus 5:24

Aáná Yésus ŋá cɔba ne wuúci ; yaandándá yí etúte yɛ́ baacɔ ŋeé wuúci látákɛ́na, yí wuúci sékítíkínyi bɛháŋá bikime.

Malɛ́kus 6:53

Ɛ́makɛ́la ne Yésus na bááyɛ́ *baákɔ́nɛ́na ábɔ́ látɛ́na nuɔmɔ́, bá ŋga hámá i iisí cɛ Kɛnɛsalɛt, bé ŋe súŋé yáábɔ́ ɔkɔkɔ́ a asálá.

Lúkas 12:1

Ekúlú eéyé, akɔca cá baacɔ ŋaá bɛ́bándákáná ceéŋí, nyɛtákɛ́na nyɛ́ ɔkɔlɔ́ tɛ́ka. Yésus ŋá cáŋa laana bááyɛ́ *baákɔ́nɛ́na ɔsɛ : « Énu bíkékényíki ne munéŋéne mɔ́ *Bafalisiɛ́ŋ, muáŋa háyɛ enutisi oŋuŋe.

Lúkas 5:2

U ŋa lɛ́ca bɛkɔkɔ́ bífendí a asálá yɛ́ nuɔmɔ́. Belumbelumbe ŋa bɔ́ bá hɔ́á, bábɔ́ súáka máábɔ́ mɔhɔ́tɔ́, ɛ́cɛ bá ma bɔ́ hámɔ́kɔ́na eé biíbi.

Lúkas 8:22

Búmɔtɛ́ buɔ́sɛ́, ne Yésus na bááyɛ́ *baákɔ́nɛ́na ŋe bú oófíne ɔ ɔkɔkɔ́ a yɛ́mɔtɛ́, mbá Yésus ɔsɛ : « Túá láátɛ́na e eyinyíé asálá yɛ́ nuɔmɔ́. » Bá ŋá cɔba.

Lúkas 8:23

Bábɔ́ láátákɛ́na nuɔmɔ́ aáná, Yésus ŋá cɔbá e hiiné. Hikúlúkúlú yaandándá yí ehúne ŋeé túme ohúne aá nuɔmɔ́. Menyífé nyióyíki ɔ ɔkɔkɔ́ hoóhi anyía bébú nyíme e menyífé.

Lúkas 8:33

Bililé nyɛhámɔ́kɔ́na eényí aá cɛɛ́tɔ cɛ waáta ɔɔcɔ, bí ŋgo óófókíne ɛ ɛŋɔnáfá. Aáná hikuté hɛ́ ɛŋɔnáfá eéhí ŋa kaá bɛ́áhɛ́na ɔ ɔbɛ́áhɛ́na ɛ ɛmbana cɛ nɔkɔndɔ aá nuɔmɔ́. Hí ŋé nyíme e menyífé noómi.

Lúkas 8:45

Yésus ɔsɛ : « Aányɛ́ ú meé mi bítíse e ? » Hú náányɛ́ ɔsɛ : « Tɛ́ cáŋa yaŋɔ́ ! » Mbá Bíel ɔsɛ : « Taatá, baacɔ ŋó yóo sékítínyi, bá ɔnyɛkɛtakɛna ; beébe bé mé bú o bítíse. »

Sáaŋ 1:40

A baákɔ́nɛ́na eébé béfendí a bá ŋa bɔ́ lɔ́kɔ́má ɔtáŋa ú Sáaŋ, bɔ́ látákɛ́na Yésus, ɔmɔtɛ́ ŋaá bá nyiínyi ɛ́cɛ *Andɛlɛ́, onyíinyí u Símon Bíel.

Sáaŋ 6:1

E elime eécí, Yésus ŋé súéte e eyinyíé asálá yɛ́ nuɔmɔ́ nɔ́ *Kalilé anɔ́ bɔ́ ŋɔ lɔ́ŋɔ tɔ́na báyɛ nú Tibeliátɛ.

Ebélé 13:7

Ánɔ bɛ́tááka báánɔ́ bekendisi bá buáyá, beébe bá ŋa bɔ́ banɔ́ húlíkínyi Bɛsana bɛ́ Bandɔ́mɛsɛ́. Nɔtɛ bɛ́hɔ́ya anyána bé ŋe bú líhéke, bó wéékúne o olumitinine noómi; ánɔ háya mɔŋɔlɛ́ ná Bandɔ́mɛsɛ́ bɔkɔ búmɔtɛ́ háyɛ beébe.