Lúkas 4:8 - Nomaande

⁸ Mbá Yésus ɔsɛ : « Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : “Nyémíki Otéŋí a Waáŋá, ciɔwɔ Bandɔ́mɛsɛ́, mbá é wuúci nyiɔkɛna hú wááyá bímuócí.” »

Lúkas 4:8 Iomraidhean Croise

Matío 16:23

Mbá Yésus ŋaá bɛ́kɔ́ŋɔ́na né Bíel, yó wuúci laana ɔsɛ : « Hatɔ́na eémi eé buúse, Sátan ! Ɔ ɔ́ŋa wu o mi kúfítínyi ; cííwu ibíkéti tɛ a bá cɛ́ Bandɔ́mɛsɛ́, mbá cɛ́ baacɔ. »

Matío 4:10

Mbá Yésus ɔsɛ : « Hatɔ́na eémi eé buúse, *Sátan, anyía Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : “Nyémíki Otéŋí a Waáŋá, ciɔwɔ Bandɔ́mɛsɛ́, mbá é wuúci nyiɔkɛna buólí hú wááyá bímuócí.” »

Lúkas 4:4

Mbá Yésus ɔsɛ nááyá : « Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : “Ɔɔcɔ ti ŋée líhe hú na bɛnyɛ́ma bɛ́ ɔnyíá biíbi ne biíbi.” »

Lúkas 4:7

Mbɔ́kɔ o ŋóo mi túmíne eŋéndu, bikime eébí káá bá bíɔ́wɔ. »

Sáak 4:7

Yaátɛ́ asana ánɔ lɔ́kɔ́mákɛ́na Bandɔ́mɛsɛ́. Énu nuusiki Musɔ́mɛ́na, aáná mu káá banɔ́ cábakɛna haaca.

1 Bíel 5:9

Ánɔ ɔɔ́nɔ́kɛ́na o olumitinine noómi, nɔtɛ bɛ́nyɛ́ánɛ́na anyía wá banɔ́ yáka. Nu ŋe nú menyi anyía híáná tɔ́na bé ŋe tékéséke báánɔ́ benyíinyí bé olumitinine a bá bɔ́ŋa basaasíákánɔ́ ɔ ɔmɛsɛ́ okime.

Nyɛnambɔnɛna nyɛ́ bɛsana 19:10

E elime eécí, i ŋe mí wuúci túmíné eŋéndu o o wuúci nyemi, mbá yɛ́sɛ : « Eéʼeé, atɛ kɛla aáná ; yaŋɔ́ tɔ́na ya mɛ́ŋa munyiɔnɔ bɔkɔ búmɔtɛ́ háyɛ na kuɔŋɔ́ na bɔnɔ́ɔnyia abá nu ŋa nɔ́ látɛna taaká ecí Yésus ŋa námbɔ́nákɛ́na baacɔ. Bandɔ́mɛsɛ́ bímuócí ɔ́ɔ nyɛmána wu onyemiki. » Taaká ci Yésus eécí cí ŋe yiínjie behémúnyi bɛsana makɛ́nda ma ɔnyiɔkɔ búábɔ́ buólí.

Nyɛnambɔnɛna nyɛ́ bɛsana 22:9

Mbá yɛ́sɛ : « Atɛ kɛlá aáná, ya mɛ́ŋa tɔ́na munyiɔnɔ bɔkɔ búmɔtɛ́ háyɛ na kuɔŋɔ́, na bɔnɔ́ɔnyia *behémúnyi bɛsana, háyɛ baacɔ bekime a bá ŋa bɔ́ látɛ́na bɛsana bí nufule eenu. Bandɔ́mɛsɛ́ bímuócí ɔ́ɔ nyɛmána wu onyemiki ! »