Lúkas 4:4 - Nomaande

⁴ Mbá Yésus ɔsɛ nááyá : « Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : “Ɔɔcɔ ti ŋée líhe hú na bɛnyɛ́ma bɛ́ ɔnyíá biíbi ne biíbi.” »

Lúkas 4:4 Iomraidhean Croise

Matío 4:4

Mbá Yésus ɔsɛ : « Ɔɔcɔ ti ŋéé líhe hú na bɛnyɛ́ma bɛ́ ɔnyíá biíbi ne biíbi, mbá u ŋeé líhe tɔ́na ne mehúnyi mekime a má ŋá háma e nyuúté nyɛ́ Bandɔ́mɛsɛ́. »

Matío 6:31

Nɔtɛ bɛ́ákákɛ́na aná, nu kɔɔnaka nɔsɛ : “Aátɛ́ tú ŋa sɔ́ nyíáka e ; na aátɛ́ tú ŋa sɔ́ muaka e ? Ta anyía aátɛ́ tú ŋa sɔ́ láŋabaka e ?”

Lúkas 22:35

Yésus ŋeé beébe laána ɔsɛ : « Ekúlú ayɛ́ ɛ́ ŋa mɛ́ banɔ́ tɔ́ma, banɔ́ tɛ́ka na mɔɔnyɛ́, ta na ambalá, ta na bɛkandɛ́na, ɔ́kɔ, bɔkɔ a bɔ́mɔtɛ́ ŋaá banɔ́ bɛ́ámbákɛ́na e ? » Báyɛ : « Eéʼeé. »

Lúkas 4:10

anyía Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : “Bandɔ́mɛsɛ́ kéé yíínjíékíne bíáyɛ́ *bililé bɛ́ masɔ́ma makɛ́nda anyía bíó yóo tétényíki.”

Lúkas 4:3

Aáná Musɔ́mɛ́na ŋeé wuúci laána ɔsɛ : « Mbɔ́kɔ asɛ ɔ ɔ́ŋa Ɔɔ́nɔ́ u Bandɔ́mɛsɛ́, laána nyɛndányɛ́ eenyi nyɛ́ á bɛ́cáŋa eléti. »

Lúkas 4:8

Mbá Yésus ɔsɛ : « Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : “Nyémíki Otéŋí a Waáŋá, ciɔwɔ Bandɔ́mɛsɛ́, mbá é wuúci nyiɔkɛna hú wááyá bímuócí.” »

Ɛfɛ́ɛsɛ 6:17

Énu lumítíne ɔkɔnɔ́hɔ́kɔ ná Bandɔ́mɛsɛ́, ú káá bá háyɛ yáánɔ́ atamba yí biité ; ánɔ bɛ́hákɛ́na Bɛsana bɛ́ Bandɔ́mɛsɛ́ e eetú, biíbi háyɛ nɔsala nɔ́ ɔhána enú *Efúúménénú yí Elilé ŋé yííŋjíéne.