Lúkas 4:23 - Nomaande

²³ Yésus ɔsɛ náábɔ́ : « Nu ŋa nɔ́ cɔ́ba bɔmbányɛ bɔmbányɛ o o mi túmíne ɛnjaba eeci a cɛ́ ŋa kɔɔ́na cɛ́sɛ : “Kuɔŋɔ́ muándánána, bíéŋúnyísi kuɔŋɔ́ bɛ́muátá.” Nu ŋa nɔ́ kɔ́ɔ́naka tɔ́na nɔsɛ : “Tú ŋa sɔ́ lɔ́kɔ́máká bɛsana bikime abɛ́ ɔ́ ŋɔɔ kɛláka a Kabɛlnawum ; biíbi kɛláka tɔ́na aaha a buɔ́wɔ́ aná.” »

Lúkas 4:23 Iomraidhean Croise

Matío 13:54

u ŋá cɔ́ba a bálɛ́ka cɛ *Násalɛt acɛ́ u ŋa kɔ́mákɛ́na. U ŋé túme oweékúnyi baacɔ Bɛsana bɛ́ Bandɔ́mɛsɛ́ a yáábɔ́ *andaŋía yɛ́ ɔbɛ́cɔ́kɔ́lɛ́na. Nyiékúnyi eényí ŋeé kékísíki baacɔ, bá kɔɔnaka báyɛ : « Háányɛ́ omenyi ooci ŋé wuúci húlíne e ? Aányɛ́ u ŋe wuúci iínjie makɛ́nda ma ɔkɛlaka *bikéki bɛ́ bɛsana eebi aáná e ?

Matío 4:13

U ti ómó ko límine a *Násalɛt, mbá u ŋge límékíne a Kabɛlnawum, bálɛ́ka a cɛmɔtɛ́ a asálá yɛ́ nuɔmɔ́ nɔ́ Kalilé i iisí cɛ na Sabulɔŋ na cɛ Nafɛtali.

Matío 4:23

Yésus ŋaá bá u húle á kándaka i iisí cɛ Kalilé ikime ; wé éékúnyíki a *bɛndaŋía bɛ́ ɔbɛ́cɔ́kɔ́lɛ́na bí *Besuif bí iisí ikime eécí, u hulikinyi baacɔ Ambányɛ yɛ́ Ɛsɔ́ma yí *Butéŋí bɔ́ Ɔmuaná, we ééŋúnyísíki tɔ́na baacɔ ne cííbú ɛkɔnɔ ikime na bíábɔ́ bɛfɛ́kɛ́ bikime.

Malɛ́kus 6:1

Aáná Yésus ŋá hátɔ́na aáhá, u ŋá cɔ́ba a bálɛ́ka acɛ́ u ŋaá kɔ́mákɛ́na; bááyɛ́ baákɔ́nɛ́na ŋe bú wuúci látáka.

Lúkas 2:39

Ɛ́makɛ́la bibíényi bí Yésus ébú kúényínyí ɔkɛla bɛsana bikime a bɛ́áŋa bɛɔ́ŋɔ́kɔ́nɔ́ e nufule nú bikotí nú Otéŋí a Waáŋá, bá ŋá hálɔ́mɔ́na a *Kalilé ; bé ŋge límíne a *Násalɛt, búábɔ́ bunɔŋɔ.

Lúkas 2:51

Yésus ŋá hálɔ́mɔ́na ɔlɔŋɔ ne beébe a *Násalɛt, u beébe lɔ́kɔ́mákɛ́na. Iinyí ŋaá bá weé tétényíki bɛsana eébí bikime e úúyé ɔtɛ́má.

Lúkas 4:16

Yésus ŋa cɔ́bá a *Násalɛt, haála ahá ú ŋa kɔ́máka. U ŋa cɔ́bá háyɛ u ŋaá bá waá kɛ́laka a *andaŋía yɛ́ ɔbɛ́cɔ́kɔ́lɛ́na yí *Besuif buɔ́sɛ́ bɔ́ yáábɔ́ ehélúme. U ŋá tálɛ́mɛ́na anyía wáá fanáka Ciɔɔ́ŋɛ́ cɛ́ Bandɔ́mɛsɛ́.

Lúkas 4:31

Yésus ŋeé súété a bálɛ́ka cɛ Kabɛlnawum i iisí cɛ *Kalilé, u ŋaá bá we yéékúnyíki baacɔ *buɔ́sɛ́ bú ehélúme bú *Besuif.

Lúkas 4:35

Yésus ŋaá laána elilé ne esise ɔsɛ : « Lésíkínyi mbuumu, háma aá cɛɛ́tɔ cɛ ɔɔcɔ ooci ! » Aáná aabɛ́ yí elilé ŋeé kuusi ɔɔcɔ ɔ ɔmɛsɛ́ eé buúse bɔ́ baacɔ bekime, nyɛháma eényí te o wuúci óómísi.

Lúkas 6:42

Ta anyía anyána ɔ ŋɔɔ́ laana sɔ́ɔ́kɔ́ asɛ : “Ɔ́ɔ́kɔ, yámɛ ɔ waáŋía efumbú eé nyiíse”, kuɔŋɔ́ a tɛ lɛca bɔɔtɛ́ a búáŋa a nyiɔ́wɔ e ? Kuɔŋɔ́, ɔɔcɔ u tɔbɛ́mbɛ túfendí, caŋá bɛ́áŋía bɔɔtɛ́ a búáŋa oówo eé nyiíse, mbá e menyi ɔlɛca efumbú a yááŋa eé nyiíse nyɛ́ sɔ́ɔ́kɔ́. »

Sáaŋ 4:28

Oónjú ŋa kakána é síke búáyɛ́ bɔtɔ́kɛ́ná bú menyífé, yɔ́ hálɔ́mɔ́na a bálɛ́ka. U ŋé túme ɔlaana baacɔ ɔsɛ :

2 Kɔlɛ́ɛntɛ 5:16

Yaátɛ́ asana, o otúme aámbáya basɔ́, tu tɛ ŋá háná asɔ́ lɛca baacɔ háyɛ baacɔ bá bɔtɔhɔ, te yiíyi anyía tu ŋa sɔ́ lɛ́cáka Kilís aáná ; mbá aámbáya tu tɛ ŋá háná esú wuúci lɛca aáná.