Lúkas 4:18 - Nomaande

¹⁸ « Elilé yí Otéŋí a Waáŋá áŋa náámɛ, anyía u ŋá mɛ lɔtɔ́ anyía yémí hulíkinyi basɔ́kásɔ́ka Ambányɛ yɛ́ Ɛsɔ́ma, yémi sobíki anyía bɛɔ́lɛ́ káá bá bɛháŋɔ́nákánɔ́. Bendíméndíme ká bɔ́ lɛ́cakana tɔ́na. Yémi kétúnyíki baacɔ abá bɔsɔ́ɔ́kɔ́ ŋe bú beébe tekese.

Lúkas 4:18 Iomraidhean Croise

Matío 11:5

Bendíméndíme ŋa bɔ́ lɛ́cana, baacɔ e bé ŋe bú síndólo kandaka bɔmbányɛ, beénuúnu aáŋɔ́núaka, bɔndɔ́kɔ́ndɔ́kɔ lɔ́kɔ́mákána, biwéewé háányuaka, basɔ́kásɔ́ka lɔ́kɔ́máka Ambányɛ yɛ́ Ɛsɔ́ma.

Matío 12:18

« Muamɛ munyiɔnɔ amɔ́ ɛ ŋa mɛ́ lɔ́tɔ eemu muáŋa, i ŋeé mi muúmu léne ; ɛ́ maá mɛ háya úúmi obíléne okime nááyá. Ɛ ká mɛ háya yáámɛ́ Elilé nááyá, aáná mu kéé húlikinyi mɔnɔŋɔ ma baacɔ mekime ciamɛ taaká.

Matío 12:20

Mu tɛ kɔ́ɔ́ nɔ́kɔtɔkɔna nɔtɔŋɔtɔ́ŋɔ́ a nɔ́ a yáaŋa nutúsénú, mu ti nyímísi lámba a cɛ́ á yáaŋa o obínyímíne, ɔ ɔkɔɔ́háma ayɛ́ ciamɛ taaká káá bámɔ́kɔ́na haála hekime.

Matío 4:16

bunɔŋɔ bɔ́ baacɔ a bá ŋa bɔ́ bá bébú líhéke i ibíne noómi káá lɛ́caka yaandándá yí eese. Aáná eese káá nɔ́makɛna baacɔ eébé a bá ŋa bɔ́ bá i ibíne noómi cɛ bunɔŋɔ bú biwéewé. »

Matío 5:3

« Bɔmbányɛ ná baacɔ abá Bandɔ́mɛsɛ́ ŋeé beébe hámɛ́na ɔ ɔtɛ́má, anyía *Butéŋí bɔ́ Ɔmuaná áŋa búábɔ́.

Lúkas 4:17

Bé ŋeé wuúci iínjíe nufule enú *muhémúnyi bɛsana *Ɛsayí ŋɔ yɔ́ɔ́ŋɔ́kɔ. U ŋé nuúnu húúne, u ŋɔ́ bɔ́ŋɔ haála a hɔɔ́ŋɔ́kɔ́nɔ́ anyía :

Lúkas 6:20

Ekúlú eéyé, Yésus ŋaá tála bááyɛ́ baákɔ́nɛ́na eése, ɔsɛ náábɔ́ : « Nua nɔ́ŋa bambányɛ, banɔ́ abá nua nɔ́ŋa basɔ́kásɔ́ka, anyía Butéŋí bɔ́ Bandɔ́mɛsɛ́ áŋa búánɔ́ !

Lúkas 7:22

Mbá ɔsɛ : « Ánɔ ka láákɛ́na Sáaŋ bɛsana abɛ́ nú ma nɔ́ lɛ́caka, núɔ́ lɔ́kɔ́máka : Bendíméndíme ŋa bɔ́ lɛ́cana, baacɔ e bé ŋe bú síndólo kandaka bɔmbányɛ, beénuúnu aáŋɔ́núaka, bɔndɔ́kɔ́ndɔ́kɔ lɔ́kɔ́mákána, biwéewé haanyuaka, basɔ́kásɔ́ka lɔ́kɔ́máka Ambányɛ yɛ́ Ɛsɔ́ma.

Sáaŋ 1:41

Ahɛ́ bé ŋe bú síke Yésus, Andɛlɛ́ ŋá cáŋa o tényí ka kuána uuyé onyíinyí Símon, mbá ɔsɛ nááyá : « Tú ma sɔ́ bɔ́ŋɔ *Mesíi », ɛ́cɛ « *Kilís ».

Sáaŋ 12:46

Ɛ ŋa mɛ́ faáya ɔ ɔmɛsɛ́ ooci i iŋetí ci eese a yɛ́ ŋa nɔ́ma ɔ ɔkɛla anyía ɔɔcɔ awɔ́ u káá háya mɔŋɔlɛ́ náámɛ ti limékíne i ibíne noómi.

Sáaŋ 3:34

Ɔɔcɔ awɔ́ Bandɔ́mɛsɛ́ ŋaá tɔ́má ŋa kɔ́ɔna mehúnyi ma Bandɔ́mɛsɛ́ anyía Bandɔ́mɛsɛ́ ŋe wuúci sukúníne *Efúúménénú yí Elilé.

Buólí 10:38

Nú ŋe nú ményi tɔ́na anyána Bandɔ́mɛsɛ́ ŋe yíinjíé Yésus, ɔɔcɔ u *Násalɛt, makɛ́nda me *Efúúménénú yí Elilé. Nú ŋe nú ményi tɔ́na anyána Yésus ŋaá bá u húlé á kándaka, u kɛlaka baacɔ bɔmbányɛ, u eéŋúnyísíki baacɔ bekime abá Musɔ́mɛ́na ŋaá bá mú ma hátɛakɛna. Yááŋa anyía Bandɔ́mɛsɛ́ ŋaá bá ne wuúci.

Buólí 26:18

Ɛ ŋa mɛ́ ɔ tɔ́ma hɔ́á o okoó beébe húúnéke eése, wó beébe hémúkúnyi i ibíne noómi anyía bébú oófókíne e eese noómi ; wó beébe aáŋíáka e butéŋí bɔ́ Sátan, mbá e beébe hákɛ́na e *Butéŋí bɔ́ Bandɔ́mɛsɛ́. Mbɔ́kɔ bá ŋa bɔ́ hákɛ́na mɔŋɔlɛ́ náámɛ, Bandɔ́mɛsɛ́ kéé beébe nyɛanakɛnɛna máábɔ́ maabɛ́, yó beébe limisikinyi ɛ ɛkatɛ́katɛ́ cɛ bááyɛ́ baacɔ abá u ŋɔ lɔ́tɔ́kɔ.” »

Buólí 4:26

Betéŋí bá ɔmɛsɛ́ ma bɔ́ támba biité, bá ma bɔ́ bɛ́látána anyía bébú núúsíki ne Otéŋí a Waáŋá na ciayɛ́ Mesíi.”

Buólí 4:27

Yááŋa taaká anyía ne *Elóot na Bɔŋs Bílat ŋa bɔ́ látána ne bekenyí na tɔnyɛ́nɔ́ tú *Islayɛ́l bá bálɛ́ka eécí anyía bébú núúsíki Yésus a wáŋa muɔwɔ Munyiɔnɔ e mufúúménénú, muúmu ɔ́ ŋɔɔ́ lɔtɔ́.

Kolóso 1:13

Wuúci u ŋaá basɔ́ aáŋíá e butéŋí bɔ́ *Sátan, yɔ́ basɔ́ háya e Butéŋí bú uuyé Ɔɔ́nɔ́ u ɔtɛ́má.

Sáak 2:5

Benyíinyí bá ɔtɛ́má, yááŋa anyíaʼo, Bandɔ́mɛsɛ́ ŋaá táfáka eebe a bá bɔ́ŋa tɔsɔ́kásɔ́ka eé buúse bɔ́ baacɔ bá ɔmɛsɛ́ ooci anyía bábɔ́ bámɔ́kɔ́nɛ́na ɛnɔ́mɛ o olumitinine eeyé eé buúse, mbá bé oofine eeyé e Butéŋí abɔ́ u ŋaá bɛ́tánɛ́ná baacɔ e bé ŋé bú wuúci léne.

1 Bíel 2:9

Mbá, aá banɔ́, nua nɔ́ŋa hɛnyɛ́nɔ́ ahɛ́ Bandɔ́mɛsɛ́ ŋɔɔ́ lɔ́tɔ, banɔ́ beluli nyiínjie e bé ŋe bú lúlinyi Otéŋí a Waáŋá bɛnyɛ́ma. Nua núáŋa tɔ́na efúúménénú yɛ́ bunɔŋɔ a yɛ́ ŋaá bɛ́lɔ́kɔ́mɛ́na Bandɔ́mɛsɛ́. U ŋaá banɔ́ lɔ́tɔ́kɔ́ anyía nuénú húlíkínyi baacɔ bɛmbányɛ́kɛ́ bɛ́ bɛsana abɛ́ u ŋaá kɛlaka, ananyía u ŋaá banɔ́ aáŋíáka o olíhe ú ibíne noómi, yɔ́ banɔ́ hákɛ́na e uúyé olíhe ú eese noómi.