Lúkas 4:15 - Nomaande

¹⁵ U ŋaá bá we yéékúnyíki a *bɛndaŋía bɛ́ ɔbɛ́cɔ́kɔ́lɛ́na bí *Besuif, baacɔ bekime wuúci nyemiki.

Lúkas 4:15 Iomraidhean Croise

Matío 13:54

u ŋá cɔ́ba a bálɛ́ka cɛ *Násalɛt acɛ́ u ŋa kɔ́mákɛ́na. U ŋé túme oweékúnyi baacɔ Bɛsana bɛ́ Bandɔ́mɛsɛ́ a yáábɔ́ *andaŋía yɛ́ ɔbɛ́cɔ́kɔ́lɛ́na. Nyiékúnyi eényí ŋeé kékísíki baacɔ, bá kɔɔnaka báyɛ : « Háányɛ́ omenyi ooci ŋé wuúci húlíne e ? Aányɛ́ u ŋe wuúci iínjie makɛ́nda ma ɔkɛlaka *bikéki bɛ́ bɛsana eebi aáná e ?

Matío 4:23

Yésus ŋaá bá u húle á kándaka i iisí cɛ Kalilé ikime ; wé éékúnyíki a *bɛndaŋía bɛ́ ɔbɛ́cɔ́kɔ́lɛ́na bí *Besuif bí iisí ikime eécí, u hulikinyi baacɔ Ambányɛ yɛ́ Ɛsɔ́ma yí *Butéŋí bɔ́ Ɔmuaná, we ééŋúnyísíki tɔ́na baacɔ ne cííbú ɛkɔnɔ ikime na bíábɔ́ bɛfɛ́kɛ́ bikime.

Matío 9:35

Yésus ŋaá bá u húlé á kándaka na a bálɛ́ka ciéŋí na ɔ mɔnɔŋɔ meéŋí ; u eékúnyíki baacɔ a *bɛndaŋía bɛ́ ɔbɛ́cɔ́kɔ́lɛ́na bí *Besuif, u beébe hulikinyi Ambányɛ yɛ́ Ɛsɔ́ma yí *Butéŋí bɔ́ Ɔmuaná, u eéŋúnyísíki na bɔkɔnɔ́kɔ́nɔ bekime na baacɔ bá bɛfɛ́kɛ́ bekime.

Matío 9:8

Ɛ́makɛ́la baacɔ ábɔ́ lɛ́cá aáná, bulíkílíki ŋé beébe nyióyíki ɛ ɛtɛ́má hú mbiɔ́kɛ ; bé iínjíékíne Bandɔ́mɛsɛ́ nuúmi a asana na nyɛnamá nyɛ́ makɛ́nda anyɛ́ wáŋa owíínjíékínénú baacɔ.

Malɛ́kus 1:27

Baacɔ bekime ŋá bɔ aálɛ́áka eété, bá bɛ́bátáka beébe ne beébe báyɛ : « Aátɛ́ eeye e ? Yɔɔ́sɔɔ́sɔ yí nyiékúnyi na bɔɔcɔ ayɛ́ʼ ? Ɔɔcɔ ooci ŋe téŋínyi ta hú *bɛɛbɛ́ bí bililé, bí wuúci lɔ́kɔ́mákɛ́na ! »

Malɛ́kus 1:39

Aáná u ŋaá bá u húle á kándaka i iisí cɛ *Kalilé ikime, u húle húlikinyi baacɔ Ambányɛ yɛ́ Ɛsɔ́ma a *bɛndaŋía bɛ́ ɔbɛ́cɔ́kɔ́lɛ́na bí *Besuif, u hémúkúnyi *bɛɛbɛ́ bí bililé a baacɔ.

Malɛ́kus 1:45

Mbá ta híáná, ɛ́makɛ́la ɔɔcɔ oócí é súété, nyitúme eényí o húle hulinyi baacɔ bɛhaála bikime asana eéyé. Yaátɛ́ asana Yésus tɛ ɔ́mɔ́ bá wu ɔ háná bítóŋgínyi a miányɛ́ a bálɛ́ka a cɛ́mɔtɛ́ ; mbá u ŋaá bá weé limekine hú a bɛhaála abɛ́ baacɔ tɛ á bá. Baacɔ ŋaá bá bábɔ́ fáakɔna nááyá, bé húlúkúne bɛhaála bikime.

Lúkas 13:10

Búmɔtɛ́ *buɔ́sɛ́ bú ehélúme bú *Besuif, Yésus ŋaá bá we yeékúnyíki a *andaŋía yɛ́ ɔbɛ́cɔ́kɔ́lɛ́na yí Besuif a yɛ́mɔtɛ́.

Lúkas 4:16

Yésus ŋa cɔ́bá a *Násalɛt, haála ahá ú ŋa kɔ́máka. U ŋa cɔ́bá háyɛ u ŋaá bá waá kɛ́laka a *andaŋía yɛ́ ɔbɛ́cɔ́kɔ́lɛ́na yí *Besuif buɔ́sɛ́ bɔ́ yáábɔ́ ehélúme. U ŋá tálɛ́mɛ́na anyía wáá fanáka Ciɔɔ́ŋɛ́ cɛ́ Bandɔ́mɛsɛ́.