Lúkas 3:8 - Nomaande

⁸ Mbá ánɔ caŋá kɛ́laka bɛsana e bí ŋo tóŋínyi anyía nú ma nɔ́ bɛ́kákálákɛ́na máánɔ́ maabɛ́, nuɔ́ sɔ́mba tɔ́na ɔkɔlɔ́ eé meéme. Nuti bíkétíki e cíínú ɛtɛ́má anyía nua nɔ́ŋa nú ɔkɔɔna hú anyía : “Abɛ́laham áŋa ciasɔ́ sɔ́kɔ́nɔ́.” Aá taaká ɛ ŋa mɛ́ banɔ́ láana ɛsɛ́ Bandɔ́mɛsɛ́ áŋa wu oceŋisi andányɛ́ eece baáná bá *Abɛ́laham.

Lúkas 3:8 Iomraidhean Croise

Matío 21:43

Yaátɛ́ asana ɛ ŋa mɛ́ banɔ́ láana ɛsɛ́ : Bá káá banɔ́ ááŋɛ́na *Butéŋí bɔ́ Bandɔ́mɛsɛ́, bó buúbu íínjie ná baacɔ bá bunɔŋɔ bú etémbí a bá ŋa bɔ́ kɛla bɛsana a bɛ́ a nyɛ́mana ne buúbu. [

Matío 3:8

Mbá ánɔ caŋá kɛlaka bɛsana e bí ŋo tóŋínyi anyía nú ma nɔ́ bɛ́kákálákɛ́na maanɔ́ maabɛ́, nuɔ́ sɔ́mba tɔ́na ɔkɔlɔ́ eé meéme.

Matío 3:9

Nuti bíkétíki anyía nua nɔ́ŋa nu ɔkɔɔna hú anyía : “Abɛ́laham áŋa ciasɔ́ sɔ́kɔ́nɔ́.” Aá taaká ɛ ŋa mɛ́ banɔ́ laana ɛsɛ́ Bandɔ́mɛsɛ́ áŋa wu oceŋisi andányɛ́ eece baáná bá *Abɛ́laham !

Lúkas 13:25

Ekúlú ayɛ́ muútí ooki káá hatɔna ɛndánáka, muɔ́ fáca ehenyi, banɔ́ a nɔháatɛ́, nuó túme okite ehenyi, nu kɔɔnaka nɔsɛ : “Taatá, basɔ́ kuúne !” Mu káá banɔ́ bɛ́káma mɔsɛ : “Ɛ tɛ ŋá mɛ́ banɔ́ ményi buúse bukime, i ti menyi tɔ́na haála ehé nú ŋe nú húle.”

Lúkas 13:26

Mbá nu ké nú túme o wuúci láana anyía : “Tú ŋe sú nyíékínyi, tuó muékínyi na kuɔŋɔ́ ; kuɔŋɔ́ ɔ ŋɔɔ́ bá o oweékúnyíki a túásɔ́ tɔháatɛ́.”

Lúkas 14:9

wá ka háma, ɔɔcɔ awɔ́ á banɔ́ lɔ́ŋɔ́kɔ banɔ́ bekime yɔ́ kuɔŋɔ́ laána ɔsɛ : “Wuúci iínjíé nyilimíné eényí.” Ɔ kɔ́ɔ́ lɔ́kɔ́ma aatɔ́ ɔlama anyía o kóó límíne e elime.

Lúkas 19:40

Mbá u ŋá bɛ́káma ɔsɛ : « Ɛ ŋa mɛ́ banɔ́ láana anyía bébú lésíkínyi mbuumu, ta andányɛ́ kéé bíólíkínyi. »

Lúkas 19:9

Yésus ɔsɛ nááyá : « Hɛ́nánɔ baacɔ bé ciíbe eeci ma bɔ́ nɔ́hɔkɔ, anyía ɔɔcɔ ooci áŋa tɔ́na ɔ hɛnyɛ́nɔ́ hɛ́ *Abɛ́laham.

Lúkas 5:21

Ne beékúnyi bikotí na Bafalisiɛ́ŋ ŋe bú túme obílúmínyi, bá kɔ́ɔ́naka báyɛ : « Aányɛ́ ooci ú ŋé féníne Bandɔ́mɛsɛ́ aáná e ? Aányɛ́ ú ŋá nyɛ́ánɛnɛna baacɔ maabɛ́, ɛ tɛ ŋáa bá hú Bandɔ́mɛsɛ́ bímuócí e ? »

Sáaŋ 8:33

Mbá báyɛ nááyá : « Tua sɔ́ŋa baáná bá Abɛ́laham; ta buɔ́sɛ́ ɔɔcɔ tɛ́ ŋá basɔ́ tíŋe a buɔ́lɛ́. Mbá tu ŋa sɔ́ bɛ́báta anyána ɔ́ ŋɔɔ́ kɔɔna anyía tu ká sɔ́ bá biéti. »

Sáaŋ 8:39

Besuif báyɛ nááyá : « Tú ma sɔ́ ɔ laana anyía ciasɔ́ síkíne áŋa Abɛ́laham. » Mbá Yésus ɔsɛ : « Mbɔ́kɔ nuanɔ́ bámɔ́kɔ́nɛ́na baáná bá Abɛ́laham, keyé nu ŋa nɔ́ kɛ́la maayɛ́ mekilíkínyí.

Buólí 26:20

Mbá ɛ ŋa mɛ́ cáŋacáŋa ohulikinyi *Besuif bá Tamás Ambányɛ yɛ́ Ɛsɔ́ma, mío yiíyi hulikinyi tɔ́na baacɔ bé Yelúsalɛm, míɔ cɔba ne buúse o okoó yiíyi hulinyi baacɔ bekime ne bé iisí ci Besuif na bá mɔnɔŋɔ me etémbí áyá. I beébe laakɛna ɛsɛ́ bá bɛ́kákálákɛ́na máábɔ́ maabɛ́, mbá bá sɔ́mba ɔkɔlɔ́ eé meéme ; bá hákɛ́na mɔŋɔlɛ́ ná Bandɔ́mɛsɛ́, mbá bá kɛ́laka bɛsana e bí ŋo tóŋínyi anyía bá ma bɔ́ bɛ́kákálákɛ́na taaká máábɔ́ maabɛ́.

Lóom 4:16

Yaátɛ́ asana Bandɔ́mɛsɛ́ ŋá bɛ́tánɛ́na bɛnyɛ́ma a baháya mɔŋɔlɛ́ nááyá o otóŋínyi yááyɛ́ yaála yí nuubo e etémbí ne etémbí. Yááŋa eé buúse bɔ́ bɔnyɛ Abɛ́laham bukimekime, ɛ́cɛ anyía u ti ŋé yiínjie bɛnyɛ́ma abɛ́ u ŋaá bɛ́tánɛ́ná baacɔ hú a balátɛ́na bikotí mbá tɔ́na á baháya mɔŋɔlɛ́ nááyá bekime háyɛ Abɛ́laham. Yááŋa anyía Abɛ́laham áŋa ciasɔ́ síkíne cɛ basɔ́ bekime.

Lóom 9:7

Híáná bɔnyɛ *Abɛ́laham tɛ á bá beébe bekime taaká cɛ́ bááyɛ́ baáná. Yááŋa anyía, Bandɔ́mɛsɛ́ ŋaá laána Abɛ́laham ɔsɛ : « E elime ci *Isak o kóó bíénékénéne háyɛ ɛ ŋɔ mɛ́ ɔ bɛ́tánɛ́ná. »

Filibí 1:11

Yésus Kilís káá banɔ́ íínjie makɛ́nda ma ɔkɛlaka bɛmbányɛ bɛ́ bɛsana ; aáná baacɔ ké bú iínjíékíne Bandɔ́mɛsɛ́ ne nuúmi ne nyinyemi a nyíánɔ́ nyɛbɛ́kɛ́lɛ́na eényí.