Lúkas 3:22 - Nomaande

²² *Efúúménénú yí Elilé ŋá sɔ́ɔ́na nááyá i ihúényínyí cɛ cɛɛ́tɔ ci hibúbé. Okelú ŋá lɔ́kɔ́mána, ú húlúkúne ɔ Ɔmuaná, ú kɔ́ɔnaka ɔ́sɛ : « Ɔ ɔ́ŋa uumi ɔɔ́nɔ́ u ɔtɛ́má. Ya mɛ́ŋa ne obíléne weéŋí nɔ́ɔ́wɔ. »

Lúkas 3:22 Iomraidhean Croise

Matío 12:18

« Muamɛ munyiɔnɔ amɔ́ ɛ ŋa mɛ́ lɔ́tɔ eemu muáŋa, i ŋeé mi muúmu léne ; ɛ́ maá mɛ háya úúmi obíléne okime nááyá. Ɛ ká mɛ háya yáámɛ́ Elilé nááyá, aáná mu kéé húlikinyi mɔnɔŋɔ ma baacɔ mekime ciamɛ taaká.

Matío 17:5

U ŋaá bá wa yánáŋa ɔ ɔtáŋa aáná, bé ŋe síke ebú bítéme amuanyɛmuanyɛ yɛ́ ɔlɔndɔ́ meé beébe bíhuéne ; okelú ŋá lɔ́kɔ́máná ɔ ɔlɔndɔ́ noómi, ú kɔ́ɔnaka ɔ́sɛ : « Ooci áŋa uumi ɔɔ́nɔ́ u ɔtɛ́má, ɛ́ maá mɛ háya úúmi obíléne okime nááyá. Énu wuúci lɔ́kɔ́mákɛ́na. »

Matío 27:43

U ŋaá háya mɔŋɔlɛ́ ná Bandɔ́mɛsɛ́. Ɛ́hɛ́ɛ, mbɔ́kɔ Bandɔ́mɛsɛ́ ŋeé wuúci léne, wé wuúci háŋɔ́na aná ! Tɛ́ka u ŋaá kɔ́ɔ́na ɔsɛ wáŋa Ɔɔ́nɔ́ u Bandɔ́mɛsɛ́ e ? »

Matío 3:13

Aáná Yésus ŋaá hátɔna a *Kalilé, yɔ́ kɔɔ́háma eé nuúci nú Sulutɛ́ŋ anyía Sáaŋ é wuúci ootíne.

Matío 3:16

Hú ayɛ́ u ŋo yóótíne Yésus, Yésus ŋá háma e menyífé ; a yaátɛ́ ekúlú eéyé, Ɔmuaná ŋeé bíhúúné. Nyɛlɛca eényí Elilé yɛ́ Bandɔ́mɛsɛ́ á sɔ́ɔ́náka nááyá i ihúényínyí ci hibúbé.

Matío 3:17

Okelú ŋaá lɔ́kɔ́mána ú húlúkúne ɔ Ɔmuaná, ú kɔɔnaka ɔ́sɛ : « Ooci áŋa uumi ɔɔ́nɔ́ u ɔtɛ́má, ya mɛ́ŋa ne obíléne weéŋí nááyá. »

Malɛ́kus 1:11

Okelú ŋá lɔ́kɔ́mána ú húlúkúne ɔ Ɔmuaná, ú kɔɔnaka ɔ́sɛ : « Ɔ ɔ́ŋa uumi ɔɔ́nɔ́ u ɔtɛ́má ; ya mɛ́ŋa ne obíléne weéŋí nɔ́ɔ́wɔ. »

Malɛ́kus 1:9

Ɔ mɔɔ́sɛ́ eémé, Yésus ŋeé húlé a bunɔŋɔ bɔ́ *Násalɛt i iisí cɛ *Kalilé ; u ŋga háma eé nuúci nú Sulutɛ́ŋ. Sáaŋ ŋé wuúci ootíne.

Malɛ́kus 9:7

Ɔlɔndɔ́ ŋé beébe bíhúéne, okelú ŋá lɔ́kɔ́mána ɔ ɔlɔndɔ́ noómi ɔ́sɛ : « Ooci áŋa uumí ɔɔ́nɔ́ u ɔtɛ́má. Énu wuúci lɔ́kɔ́mákɛ́na. »

Lúkas 2:14

« Nuúmi á bá ná Bandɔ́mɛsɛ́ fáátɛ ɔ Ɔmuaná, bɔmbányɛ á bá ná baacɔ bɔ́ ɔmɛsɛ́, abá Bandɔ́mɛsɛ́ ŋeé léne. »

Lúkas 4:21

Aáná u ŋeé túmé o beébe laána ɔsɛ : « Hɛ́nánɔ eeci Ciɔɔ́ŋɛ́ cɛ́ Bandɔ́mɛsɛ́ eécí ma bɛ́kɛ́láka náánɔ́, banɔ́ balɔ́kɔ́ma. »

Sáaŋ 1:32

Sáaŋ ŋaá háya ɛmbasɔ́ ɔsɛ : « Ɛ ŋá mɛ́ lɛcá *Efúúménénú yí Elilé á sɔ́ɔ́náka i ihúényínyí ci hibúbé, yí ŋé limíne nááyá.

Sáaŋ 12:28

Síkíne, tóŋínyi baacɔ búɔ́wɔ buáŋá. » Hú e ekúlú eyí Yésus ŋaá kɔɔ́na aáná, okelú ŋé húle ɔ Ɔmuaná, ú kɔɔnaka ɔ́sɛ : « I ŋe mí buúbu tóŋínyi feeké ; ɛ ŋa mɛ́ cɔbaka ne buúse o o buúbu tóŋínyi. »

Sáaŋ 5:37

Síkíne bɛ́muátá, Mu-mɛ-tɔ́ma, áŋa eémí e elime ; wuúci tɔ́na u ŋaá mɛ háyɛ́na ɛmbasɔ́. Nu tɛ ŋa nɔ́ lɔ́kɔ́ma úúyé okelú, nu tɛ lɛcá búáyɛ́ buúse.

Buólí 10:38

Nú ŋe nú ményi tɔ́na anyána Bandɔ́mɛsɛ́ ŋe yíinjíé Yésus, ɔɔcɔ u *Násalɛt, makɛ́nda me *Efúúménénú yí Elilé. Nú ŋe nú ményi tɔ́na anyána Yésus ŋaá bá u húlé á kándaka, u kɛlaka baacɔ bɔmbányɛ, u eéŋúnyísíki baacɔ bekime abá Musɔ́mɛ́na ŋaá bá mú ma hátɛakɛna. Yááŋa anyía Bandɔ́mɛsɛ́ ŋaá bá ne wuúci.

Kolóso 1:13

Wuúci u ŋaá basɔ́ aáŋíá e butéŋí bɔ́ *Sátan, yɔ́ basɔ́ háya e Butéŋí bú uuyé Ɔɔ́nɔ́ u ɔtɛ́má.

1 Bíel 2:4

Énu bíkósíki né Otéŋí a Waáŋá, wuúci wáŋa nukúse e nú ŋé yiínjíéne olíhe. Nuúnu bafalɛfa ciíbe ŋe bú óómbóko, mbá Bandɔ́mɛsɛ́ ŋeé nuúnu lɔtɔ́, yɔ́ lɛ́ca anyía nuáŋa taaká cɛ bɔkɔ a bɔ́ á hɔlaka bɛnyɛ́ma bikime.