Lúkas 3:11 - Nomaande

¹¹ U ŋaá bɛ́kámá ɔsɛ : « Ɔɔcɔ a wáŋa na bɛháŋá namuaná bífendí, we iínjie ɔ́mɔtɛ́ né ooci awɔ́ u tɛ á bá ne yiíyi ; ooci a wáŋa na bɛnyɛ́ma bɛ́ ɔnyíá wá kɛláka híáná. »

Lúkas 3:11 Iomraidhean Croise

Matío 25:40

Aáná Otéŋí a Waáŋá kéé beébe bɛ́káma ɔsɛ : “Ɛ ŋaá mɛ banɔ́ láana aá taaká isíʼo : Ekúlú ekime ayɛ́ nú ŋa nɔ́ kɛ́lákɛ́na ta hɛnɔ́sɛ́nɔ́sɛ́ hɛ́mɔtɛ́ a báámɛ benyíinyí eebe, yaŋɔ́ oócí nu ŋa nɔ́ kɛ́lákɛ́na aáná.”

Lúkas 11:41

Énu iínjíékíne bu iínjíékíne basɔ́kásɔ́ka bɛnyɛ́ma a bɛ́áŋa na a bíánɔ́ bɛmúáná na a bíánɔ́ bɛnyíáná noómi, aáná nu ké búle anɔ́ lɛ́ca bɔkɔ bukime bufúúménénú.

Lúkas 18:22

Ɛ́makɛ́la Yésus á lɔ́kɔ́má aáná, mbá ɔsɛ : « Asana a yɛ́mɔtɛ́ áŋa hɔ́á a yɔ́ nyɛmána wu ɔkɛlaka tɔ́na : Túéke bɛnyɛ́ma bikime abɛ́ ɔ ɔ́ŋa ne biíbi, mbá aafakɛna mɔɔnyɛ́ ná basɔ́kásɔ́ka, aáná ɔ kɔ́ɔ́ bá na bɔnɔ́mɛ a Bunɔŋɔ bɔ́ Bandɔ́mɛsɛ́ ; mbá á faaya, e búle mɛ látɛ́na. »

Lúkas 19:8

E uúye ooki, Sásɛ́ ŋeé bíkósíti né Otéŋí a Waáŋá, mbá ɔsɛ : « Ɔ́ɔ lɛcá, Otéŋí, míɔ cɔba o owiínjíékíne basɔ́kásɔ́ka asaasalɛ yɛ́ búámɛ bɔnɔ́mɛ ; mbɔ́kɔ ya mɛ́ŋa oweébénú bɔkɔ bɔ́ ɔɔcɔ a bɔ́mɔtɛ́, míɔ cɔba o o wuúci helúmúnyínyi bɛnyɛ́ma bínyíse. »

Sáaŋ 13:29

Yútas ŋaá bá muabɔ́ mutétényi hikóló hɛ́ mɔɔnyɛ́. A asana eéyé, baacɔ a bɔ́mɔtɛ́ ŋe bú kéti anyía Yésus ŋaá bá wa yáámbaka ɔlaana Yútas anyía wɔ́ kɔ ɔɔ́ndɔ́kɔ bɛnyɛ́ma bɛ́ ɔnyíá a bɔŋanda, ta anyía wé iínjíe basɔ́kásɔ́ka bɔkɔ.

Buólí 10:2

Ɔɔcɔ oócí ŋaá bá atálɛ́mánánɔ́ yɛ́ ɔɔcɔ, u kékéke Bandɔ́mɛsɛ́ buéŋí, ne wuúci na ciayɛ́ ciíbe cɛ baacɔ ikime. U ŋaá bá wɔ yɔ́ɔ́lɔ́kɔ basɔ́kásɔ́ka bé *Besuif buéŋí ; u bɛ́cɔ́kɔ́lɔ́kɛ́na Bandɔ́mɛsɛ́ bikúlú bikime.

Buólí 10:31

mbá ɔsɛ : “Kɔɔnɛ́yɛ, Bandɔ́mɛsɛ́ áŋa ɔlɔ́kɔ́mánɔ́ úúwe ɔbɛ́cɔ́kɔ́lɛ́na ; u ŋa bɛ́táá nyiɔ́lɔ anyɛ́ ɔ ŋɔɔ́ wɔɔ́lɔ basɔ́kásɔ́ka.

Buólí 10:4

Kɔɔnɛ́yɛ ŋé yiíyi tála eése, u líkíméke, u ŋé yiíyi batá ɔsɛ : « Aátɛ́ yááŋa e, Otéŋí ? » Elilé yɛ́ bɔsɔ́ma yɛ́ Bandɔ́mɛsɛ́ ŋé wuúci bɛ́káma yɛ́sɛ : « Bandɔ́mɛsɛ́ ŋeé bíléníne ne úúwe ɔbɛ́cɔ́kɔ́lɛ́na na nyiɔ́lɔ anyɛ́ ɔ ŋɔɔ́ wɔɔ́lɔ basɔ́kásɔ́ka ; yaátɛ́ asana u tɛ ŋɔ́ yɔ́ɔ bɛ́hɔ́ya.

Ɛfɛ́ɛsɛ 4:28

Ɔɔcɔ okime awɔ́ u náŋa we yeébéke tɛ háná éébe ; mbá wé búle lɛca muuyé ɔ ɔnyiɔ buólí na cááyɛ́ aabá, u hɔ́máka mɔɔnyɛ́. Aáná u káá bá na bɔkɔ bɔ́ ɔwɔɔ́lɔ́kɔ basɔ́kásɔ́ka.

1 Timoté 6:17

Láákɛ́na ɛnɔ́mɛ cɛ́ baacɔ anyía cí ti bíbéétíki, cɛ́ tɛ hákɛ́na mɔŋɔlɛ́ a bɔnɔ́mɛ, anyía búáŋa bú ɔsɔla. Mbá cɛ́á hákɛ́na mɔŋɔlɛ́ ná Bandɔ́mɛsɛ́ bímuócí anyía ú ŋaá basɔ́ iínjie bɛnyɛ́ma bikime biéŋí anyía tuésú biíbi bílénékíne.

1 Timoté 6:18

Ciíci laákɛ́na anyía cɛ́á kɛláka bɛmbányɛ bɛ́ bɛsana biéŋí, cɛ́ bámɔ́kɔ́na na bɔnɔ́mɛ buéŋí a ambányɛ yɛ́ nyɛkɛla nyɛ́ bɛsana. Cɛ́ ŋá nyɛmána cɛ́ ɔbá ne nuubo, cí iínjíékine bɔsɔ́ɔ́kɔ́ bɛnyɛ́ma.

Ebélé 6:10

Bandɔ́mɛsɛ́ áŋa ɔtálɛ́mánánɔ́ ; buátɛ́ bɔkɔ ú tɛ káá bɛ́hɔ́ya búánɔ́ buólí te nulénéne enú nu ŋe nú wuúci léne. Nuúnu nú ŋa lɛ́cána aá nyiɔ́lɔ anyɛ́ nu ŋa nɔ́ ɔɔ́lɔ́kɔ báánɔ́ benyíinyí bé olumitinine ; nyiɔ́lɔ eényí nua nɔ́ánáŋa ɔ ɔcɔba ne buúse ɔ ɔkɛla.

Sáak 1:27

Taaká ci efúúménénú yí olumitinine eé buúse bɔ́ Bandɔ́mɛsɛ́ awɔ́ ú tɛ á bá ne ehíŋe, ícíoci wáŋa anyía : Na ɔwaamba ohónyí ú otétényíki ne cuuné cɛ́ banásɛ́ ne bisíké bí beénjú e muuyé, ne obíkíilie bɛɛbɛ́ bɛ́ bɛsana bɛ́ ɔmɛsɛ́ ooci o otibítífíle.

Sáak 2:14

Baláamɛ, mbɔ́kɔ ɔɔcɔ ɔmɔtɛ́ ŋá kɔ́ɔ́na bɔ kɔɔna ne nyuúté anyía wáŋa mulumitinine Bandɔ́mɛsɛ́, wuúci tɛ́ka ne mekilíkínyí, bú ŋɔ yɔ́ɔlɔ aátɛ́ e ? Anyána nyɛnamá nyí olumitinine eényí áŋa nyí o wuúci ɔɔ́lɛ́ta e ?

1 Sáaŋ 3:17

Mbɔ́kɔ ɛnɔ́mɛ cɛ ɔɔcɔ a cɛ́mɔtɛ́ ŋa lɛ́ca uuyé onyíinyí áa yábáka bɔkɔ a bɔ́mɔtɛ́ mbá u ti wuúci bɛ́cáma mahana, anyána wáŋa wu ɔkɔɔna anyía u ŋeé léne Bandɔ́mɛsɛ́ e uúye ɔtɛ́má noómi e ?

1 Sáaŋ 4:20

Mbɔ́kɔ ɔɔcɔ ŋa kɔ́ɔna anyía : « I ŋeé mi léne Bandɔ́mɛsɛ́ », mbá u líŋékíne bɔsɔ́ɔ́kɔ́, wáŋa na afala. Yááŋa anyía ɔɔcɔ ewú u ti ŋé léne baacɔ abá u ŋa lɛca ne eése, ɔɔcɔ oócí tɛ á bá wu olénéke Bandɔ́mɛsɛ́ awɔ́ u tɛ ŋá lɛca.