Lúkas 24:44 - Nomaande

⁴⁴ Mbá ɔsɛ : « Ɛ ŋaá mɛ banɔ́ láákɛ́na bɛsana eébí ekúlú ayɛ́ ɛ ŋa mɛ́ bá na banɔ́. Aáná bɛsana bikime a bɛ́áŋa bɛɔ́ŋɔ́kɔ́nɔ́ a yáámɛ́ asana ne e nufule nú *bikotí nú *Moyís, ne e tufule tú *behémúnyi bɛsana, na tɔ́ Maŋana ŋáa nyɛmána bɛ́ ɔbɛ́kɛ́láka. »

Lúkas 24:44 Iomraidhean Croise

Matío 1:22

Bɛsana eébí bikime ŋaá bɛ́kɛ́láka aáná, anyía buhúnyi ebú Otéŋí a Waáŋá ŋaá kɔɔna e nyuúté nyɛ́ muayɛ́ *muhémúnyi bɛsana ó bínyioyisinyi ; búáŋa anyía :

Matío 16:21

O otúme ekúlú eéyé, Yésus ŋeé túme oweékúnyi bááyɛ́ *baákɔ́nɛ́na a miányɛ́ ɔsɛ : « Ɛ ŋa mɛ́ nyɛmána ɔcɔba eé Yelúsalɛm, yá kaá mɛ lɔ́kɔ́máka ɔkála weéŋí awɔ́ na *baáŋá bé *Besuif, ne betéŋínyi *beluli nyiínjie, ne *beékúnyi bikotí ké bú mi kélíki, bɔ́ mɛ ɔ́ɔ́nɔ mbá a matátɔ́ míɔ haanyua o owé. »

Matío 26:54

Mbá, mbɔ́kɔ yámɛ kɛla aáná, keyé anyána bɛsana bɛ́ Ciɔɔ́ŋɛ́ cɛ́ Bandɔ́mɛsɛ́ kéé bínyióyísíkínyi e ? Yááŋa anyía cɛ́ ŋa kɔ́ɔna cɛ́sɛ bɛsana ŋá nyɛmána bɛ́ ɔbɛ́kɛ́láka híáná. »

Matío 26:56

Mbá bú ma bɛ́kɛ́láka aáná ananyía bɛsana ebí *behémúnyi bɛsana bá Bandɔ́mɛsɛ́ ŋa bɔ́ ɔɔ́ŋɔ́kɔ́ e bínyióyísinyi. » Aáná baákɔ́nɛ́na bekime ŋe bú wuúci bɛ́yúata, nyíábɔ́ nyɛcabakɛna eényí.

Malɛ́kus 9:31

anyía u ŋaá bá we yéékúnyíki bááyɛ́ *baákɔ́nɛ́na ɔsɛ : « Baacɔ ké bú mi fiimbie, yaŋɔ́ Ɔɔ́nɔ́ u ɔɔcɔ, bɔ́ mɛ ɔ́ɔ́nɔ, mbá e elime cɛ mɔɔ́sɛ́ matátɔ́, ɛ ká mɛ́ haanyua e biwéewé. »

Lúkas 21:22

Yááŋa anyía mɔɔ́sɛ́ eémé káá bá mɔɔ́sɛ́ me muuyé ; bɛsana bikime ebí *behémúnyi bɛsana bá Bandɔ́mɛsɛ́ ŋa bɔ́ kɔ́ɔ́náka, bíɔ́ bɛ́kɛ́láka.

Lúkas 22:37

Yááŋa anyía ɛ ŋa mɛ́ banɔ́ laána asana ayɛ́ Ciɔɔ́ŋɛ́ cɛ́ Bandɔ́mɛsɛ́ ŋá kɔɔ́na cɛ́sɛ : “Bé ŋeé wuúci fanɛna ɔ ɔlɔŋɔ u bɔɔ́nɔ baacɔ”, ŋá nyɛmána yɛ́ ɔbɛ́kɛ́láka náámɛ. Yaátɛ́ asana, bɛsana a bɛ́ ŋá mɛ lɛca káá cɔba ɔ ɔbɛ́kɛ́láka. »

Lúkas 24:46

U ŋé beébe laána ɔsɛ : « Yááŋa yɔɔ́ŋɔ́kɔ́nɔ́ anyía *Mesíi ŋá nyɛmána we owé, yɔ́ háanyua e biwéewé ɔ mɔɔ́sɛ́ matátɔ́.

Lúkas 9:22

mbá ɔsɛ : « Yɛ́ ŋá nyɛmána anyía Ɔɔ́nɔ́ u ɔɔcɔ á lɔ́kɔ́máka ɔkála buéŋí ; na *baáŋá bé *Besuif, ne betéŋínyi *beluli nyiínjie, ne *beékúnyi bikotí bó wuúci kíne, bó wuúci ɔ́ɔ́nɔ, mbá a matátɔ́ yɔ́ háányua o owé. »

Lúkas 9:44

« Ánɔ tákɛ́na eetú aámbáya, ánɔ lɔ́kɔ́ma ; baacɔ ké bú mi fiimbie, yaŋɔ́ Ɔɔ́nɔ́ u ɔɔcɔ. »

Sáaŋ 3:14

Bá ŋá nyɛmána bé obééti Ɔɔ́nɔ́ u ɔɔcɔ bɔkɔ búmɔtɛ́ háyɛ *Moyís ŋeé bééti ciɔ́hɔ ci eléŋú i iisí cɛ ɔsɛ́bɛ́á noómi,

Sáaŋ 5:39

Nu ŋa nɔ́ aákɔ́nɛ́na Ciɔɔ́ŋɛ́ cɛ́ Bandɔ́mɛsɛ́ anyía nu ŋe nú kéti anyía eé ciíci nu ká nɔ́ bámɔ́kɔ́na na yɔɔ́sɔɔ́sɔ yí olíhe yí ekúlú ekime. Mbá tɛ́ka yáámɛ asana ciátɛ́ Ciɔɔ́ŋɛ́ ŋé bíkéti e ?

Sáaŋ 5:46

Mbɔ́kɔ nuenú lúmitinine ɔtáŋa ú Moyís, keyé nu ŋe nú lúmitinine tɔ́na úúmi ɔtáŋa, anyía yáámɛ asana u ŋɔ yɔ́ɔ́ŋɔ́kɔ.

Buólí 13:33

u má basɔ́ yiíyi nyíóyísínyi aámbáya, basɔ́ báábɔ́ baáná, e nyiheenyi enyí u ŋeé héényi Yésus e biwéewé háyɛ yááŋa yɔɔ́ŋɔ́kɔ́nɔ́ ɛ ɛmbaká ífendí cí nufule nú Maŋana anyía : “Kuɔŋɔ́, ɔ ɔ́ŋa uumi ɔɔ́nɔ́, o otúme hɛ́nánɔ ya mɛ́ŋa ɔɔtɛ́.”

Buólí 13:40

Énu bíkékényíki aná anyía bɛsana ebí behémúnyi bɛsana bá Bandɔ́mɛsɛ́ ŋa bɔ́ kɔ́ɔ́náka tɛ́ banɔ́ hámɛ́na. Bá ŋa bɔ́ kɔ́ɔ́náka báyɛ :

Buólí 2:27

anyía kuɔŋɔ́, Bandɔ́mɛsɛ́, ɔ tɛ kɔ́ɔ́ bɛ́yúata yáámɛ́ elilé buúse bukime aá haála hé biwéewé, o ti kóó lumitine tɔ́na anyía yaŋɔ́, muɔwɔ munyiɔnɔ e mú ŋe nyíóyísínyi bíɔ́wɔ bikotí, yámɛ fɔ́nɔ́kɔ e eenyie noómi.

Buólí 3:18

Asana ɔ́mɔtɛ́, asana ayɛ́ Bandɔ́mɛsɛ́ ŋaá kɔ́ɔ́náka buáyá e nyuúté nyɛ́ bááyɛ́ *behémúnyi bɛsana ŋa nyɛmána yí obínyíóyísínyi aáná ; u ŋaá kɔ́ɔ́na ɔsɛ uuyé Ɔlɔtɔ́nɔ́ ŋá nyɛmána wu ɔlɔ́kɔ́máka ɔkála.

Buólí 7:37

Waáta Moyís oócí u ŋaá láána baáná bá bunɔŋɔ bú Islayɛ́l ɔsɛ : “Bandɔ́mɛsɛ́ káá banɔ́ tɔ́mɛ́na múáyɛ́ *muhémúnyi bɛsana mu etémbí. Mu káá bá háyɛ yaŋɔ́, muúmu ɔɔcɔ u búánɔ́ bunɔŋɔ.”

Ebélé 10:1

Bikotí bí *Moyís áŋa hú tubílícínyínyí tɔ́ taaká cɛ́ bɛsana a cɛ́ ŋa fáakɔna ; bɛ́ tɛ á bá taaká taaká cɛ́ bɛsana bɛ́muátá, ananyía beluli nyiínjie náŋa bábɔ́ hálɔ́mɔ́kɔ́nɛ́na oluli *bɛbɛ́sámbá nyɛnamá nyɛ́mɔtɛ́ tuɔŋɔ tukime. Buátɛ́ bɔkɔ, *bikotí eébí tɛ á bá bí ofúúmínyi baacɔ e bé ŋe bú bíkósi ná Bandɔ́mɛsɛ́ o ohónyí oócí.

Ebélé 3:5

A aháŋá ne Moyís, ú ŋaá bá hú munyiɔnɔ e mubíínjíénú a búáyɛ́ buólí ɛ ɛkatɛ́katɛ́ cɛ baacɔ bá Bandɔ́mɛsɛ́ bekime. Búáyɛ́ buólí ŋaá bá anyía wá laákɛ́na baacɔ bɛsana abɛ́ Bandɔ́mɛsɛ́ ŋa cɔ́ba ɔ ɔkɔɔna.

Ebélé 7:1

Waáta Melikisɛtɛk oócí ú ŋaá bá otéŋí u bálɛ́ka cɛ Salɛm, wuúci tɔ́na *mululi nyiínjie mɔ Bandɔ́mɛsɛ́ awɔ́ u ŋa hɔ́la bɔkɔ bukime. U ŋaá cɔba ɔ ɔkɔwɔɔ́ndɛ́mánána na *Abɛ́laham awɔ́ ú ŋaá bá ú kaá hálɔ́mɔ́kɔ́na e biité abɛ́ ú ŋa yákáká betéŋí a bɔ́mɔtɛ́, u ŋé beébe ɔ́ɔ́nɔ́kɔ. Melikisɛtɛk ŋaá sáyábɛ́na Abɛ́laham.

Ebélé 9:8

*Efúúménénú yí Elilé ŋaá basɔ́ eékúnyi a bɛsana eébí anyía ohónyí tɛ ŋáa bá wú owoofine a haála e hefúúménénú ɔ ɔhɔla ekúlú eyí ekumbé yí buúse a yanáŋa.

1 Bíel 1:11

Elilé yí Kilís ŋaá cáŋacáŋa o beébe tóŋgínyi anyía Kilís káá lɔ́kɔ́máka muuyé, mbá u bɔ́ŋɔ nuúmi e elime. Buátɛ́ bɔkɔ bá ŋa bɔ́ bɛ́kɛ́ndákɛ́na omenyi ne e ekúlú yɛ́ háányɛ́ bɛsana eébí káá bɛ́kɛ́láka na anyána bɛ́ káá bámɔ́kɔ́na.

Nyɛnambɔnɛna nyɛ́ bɛsana 19:10

E elime eécí, i ŋe mí wuúci túmíné eŋéndu o o wuúci nyemi, mbá yɛ́sɛ : « Eéʼeé, atɛ kɛla aáná ; yaŋɔ́ tɔ́na ya mɛ́ŋa munyiɔnɔ bɔkɔ búmɔtɛ́ háyɛ na kuɔŋɔ́ na bɔnɔ́ɔnyia abá nu ŋa nɔ́ látɛna taaká ecí Yésus ŋa námbɔ́nákɛ́na baacɔ. Bandɔ́mɛsɛ́ bímuócí ɔ́ɔ nyɛmána wu onyemiki. » Taaká ci Yésus eécí cí ŋe yiínjie behémúnyi bɛsana makɛ́nda ma ɔnyiɔkɔ búábɔ́ buólí.