Lúkas 23:2 - Nomaande

² Bé wuúci túméke tɔkɔma, báyɛ : « Tu ŋá sɔ́ kuána baabá eeye e yéékúnyíki baacɔ bá búásɔ́ bunɔŋɔ bɛsana a bɛɛbɛ́ ; ɔsɛ bá tɛ ɔɔ́ndɔ́kɔ etéési ná Sɛsáal, ɔsɛ wuúci bɛ́muátá wáŋa *Mesíi a wáŋa Otéŋí. »

Lúkas 23:2 Iomraidhean Croise

Matío 17:27

Ta híáná, anyía tu ti nuési baacɔ eébé ɛtɛ́má, cɔbá o olumbe aá nuɔmɔ́, aahɛ́na munɔ́bɔ́ e menyífé ; hiɔfɔ́ hí buúse ahɛ́ ɔ ŋɔɔ́ sɔ́mɔ, hiíhi aálɔ́na nyuúté, ɔ kɔɔ́ kuana eléŋú yɛ́ mɔɔnyɛ́ noómi ; yiíyi hiíte kɔ́ kɔ ɔ́ɔ́ndɔ́ etéési ná baacɔ eébé, na yɔ́ɔ́wɔ na yáámɛ. »

Matío 22:21

Báyɛ : « Ne hibílícínyínyí ne nyiínyi nyɛ́ Sɛsáal bɛ́áŋa. » Mbá ɔsɛ : « Énu íínjíékíne aná bɛnyɛ́ma bɛ́ Sɛsáal ná Sɛsáal, nu íínjíékíne bɛ́ Bandɔ́mɛsɛ́ ná Bandɔ́mɛsɛ́ ! »

Matío 27:11

Bá ŋaá cɔ́bána Yésus eé buúse bú Bílat ; u ŋé bícónyi Yésus, ɔsɛ : « Mbá ɔ ɔ́ŋa otéŋí u Besuif e ? » Mbá Yésus ɔsɛ : « Kuɔŋɔ́ ɔ ŋɔɔ́ kɔɔna aáná. »

Malɛ́kus 12:17

Yésus ɔsɛ náábɔ́ : « Énu íínjíékíne aná bɛnyɛ́ma bɛ́ Sɛsáal ná Sɛsáal ; nu íínjíékíne bɛ́ Bandɔ́mɛsɛ́ ná Bandɔ́mɛsɛ́. » Nyíáyɛ́ nyɛbɛ́káma ŋeé beébe kékísí buéŋí.

Malɛ́kus 15:2

Bílat ŋé wuúci bícónyi ɔsɛ : « Mbá ɔ ɔ́ŋa otéŋí u Besuif e ? » Mbá Yésus ɔsɛ : « Kuɔŋɔ́, ɔ ŋɔɔ́ kɔɔna aáná. »

Lúkas 23:14

mbá ɔsɛ náábɔ́ : « Nu ŋé nú mi héléníne ɔɔcɔ ooci nɔsɛ u ŋe nénisi baacɔ. Ánɔ lɛcá, í me mí wuúci bícónyíki eenú eé buúse, yaŋɔ́ ta ɔlɛca bɔkɔ a bɔɔbɛ́ a bɔ́mɔtɛ́ a tɔkɔma etú nú ŋe nú wuúci túméke.

Lúkas 23:5

Mbá bá hɛɛ́nyákɛ́nɛ́na na ɔtáŋa báyɛ : « U ŋe yéékúnyi baacɔ bá bunɔŋɔ aatɔ́ ɔnata ; u ŋeé túmé oweékúnyi a *Kalilé, yó weékúnyíki eé Yuté ikime, aámbáya wa yáaŋa o oweékúnyi aaha. »

Sáaŋ 18:29

A yaátɛ́ asana Kɔ́mɛ́na Bílat ŋé keé beébe kuána a nɔháatɛ́, u ŋé beébe batá ɔsɛ : « A hɛkɔma hɛ́ yaátɛ́ nú ma nɔ́ hátɛna ɔɔcɔ ooci e ? »

Sáaŋ 18:30

Mbá báyɛ : « Wuúci tɛ́ka ɔŋána, keyé tu ti ómó sú wuúci héléne aaha nɔ́ɔ́wɔ. »

Sáaŋ 19:12

O otúme ekúlú eéyé Bílat ŋaá bá wá yáambaka ohónyí wú ɔnyɛana Yésus, mbá Besuif ŋe bú túme ɔbɔmɔ báyɛ : « Mbɔ́kɔ ɔ ŋɔ́ɔ nyɛ́ána Yésus, ɔ tɛ ɔ́ bá elime ɛmɔtɛ́ na *Sɛsáal. Ɔɔcɔ ewú ú ŋe bíhíite otéŋí ŋe núusi Sɛsáal. »

Buólí 24:13

Ba-mɛ-sɔ́mɛ́na eebe aámbáya tɛ abɔ́ bá ta na hɛkɔma a hɛ́mɔtɛ́ ahɛ́ bá bɔ́ŋa bé o mi túme.

Buólí 24:5

Tua sɔ́ŋa balɛcánɔ́ anyía baabá eeye áŋa taaká cɛ hɛlɔkɔ, háyɛ wáŋa mutéŋínyi hitúlé hɛ́ baacɔ hɛ́ *Násalɛt, ɛ́ɛhɛ́ u ŋe héléne etuŋulinyi ɛ ɛkatɛ́katɛ́ ci Besuif bekime bá ɔmɛsɛ́.

Lóom 13:7

Ánɔ iínjíékine aná ná ɔɔcɔ okime bɔkɔ bukime abɔ́ núánɔ́ nyɛmana nú o wuúci iínjíékíne : Etéési né *betúé etéési, bɛɛfá né behiite bɛɛfá. Énu kékéke baacɔ abá núánɔ́ nyɛmana nú ɔlɔ́kɔ́mákɛ́na.