Lúkas 23:16 - Nomaande

¹⁶ Yaátɛ́ asana míɔ cɔba ɔ ɔlaana baacɔ ébú wuúci súbéke ne mesue, mbá bé wuúci nyɛána, wé súéte. »

Lúkas 23:16 Iomraidhean Croise

Matío 27:26

Aáná Bílat ŋé beébe nyɛanɛna Balábas ; u ŋé iínjie makɛ́nda anyía bé súbéke Yésus ne mesue, nyi beébe wuúci fiimbine eényí anyía bé keé wuúci aátákɛ́na ɔ ɔmbásá.

Malɛ́kus 15:15

Bílat ŋaá bá wá yáambaka ɔkɛla háyɛ nyɛkɔca nyɛ́ baacɔ ŋaá bá nyíé lénéke, aáná u ŋeé nyiínyi nyɛanɛna Balábas. E elime eécí, Bílat ŋá laana baacɔ anyía bé súbéke Yésus ne mesue, nyi beébe wuúci fiimbine eényí anyía bé keé wuúci aátákɛ́na ɔ ɔmbásá.

Lúkas 23:17

[Yɛ́ ŋaá bá yeékínyínyi anyía a bɔŋanda bukime bú *Basíka, Bílat é beébe nyɛánɛ́nɛ́na ɔɔcɔ u ciíbe cɛ ɛcaná ɔmɔtɛ́.]

Lúkas 23:22

Bílat ŋa háná é beébe laana e bikúlú bɛ́tátɔ́ ɔsɛ : « Bɔkɔ a bɔɔbɛ́ bɔ́ yaátɛ́ wáŋa ɔkɛlákánɔ́ e ? Ɛ́ tɛ ɔ́mɔɔ́ lɛ́ca bɔkɔ a bɔɔbɛ́ abɔ́ wá kɛláka, abɔ́ wá nyɛmána wu owééne. Míɔ cɔba ɔ ɔlaana baacɔ ébú wuúci súbéke ne mesue, mbá bé wuúci nyɛána, wé súéte. »

Lúkas 6:37

« Nuti túméke bɔsɔ́ɔ́kɔ́ tɔkɔma, aáná Bandɔ́mɛsɛ́ tɛ káá banɔ́ túméke tɔkɔma ; nɔtɛ hákɛ́na bɔsɔ́ɔ́kɔ́ eé meébe ma ɛcaná, aáná Bandɔ́mɛsɛ́ tɛ káá banɔ́ hákɛ́na eé meébe ma ɛcaná ; ánɔ nyɛanákɛ́nɛ́na bɔsɔ́ɔ́kɔ́, aáná Bandɔ́mɛsɛ́ káá banɔ́ nyɛ́ánakɛnɛna.

Buólí 16:37

Mbá Bóol ŋaá láána baacɔ abá bá ŋa tɔ́má ɔsɛ : « Bekélísi bɛsana ŋa bɔ́ basɔ́ súbéké ne mesue eé buúse bɔ́ baacɔ bekime ; beébe ta ɔ basɔ́ kélísi háyɛ yɛ́ ŋa bɛ́ámba, yiíyi anyía basɔ́ tɔ́na tua sɔ́ŋa baacɔ ebé butéŋí bú Lóom ŋee ményi. Bá ŋá basɔ́ háya tɔ́na eé ciíbe cɛ ɛcaná. Mbá aámbáya bá bɔ́áŋa ɔ ɔwaamba ɔ basɔ́ nyɛ́ana indiitie, baacɔ ti menyi. Eéʼeé, buakaʼo ! Bá faáya beébe bɛ́muátá bá ka basɔ́ hémúnyi. »